Ելենա Վասիլիի Մորոզովան փիլիսոփայական գիտությունների դոկտոր է, Կուբանի պետական համալսարանի (ՌԴ, Կրասնոդար) պետական քաղաքականության և պետական կառավարման ամբիոնի պրոֆեսոր։

Պրոֆեսոր Մորոզովան ազդեցիկ քաղաքագետ է, որն ակտիվորեն աշխատում է հանրային քաղաքականության և պետական կառավարման ոլորտներում ինչպես ակադեմիական, այնպես էլ գործնական միջավայրերում։ Նրա գործունեությունը ներառում է մասնագետների պատրաստում, փորձագիտական աշխատանք, միջազգային նախագծեր և գիտական կարևոր հրապարակումներ։ Նա ղեկավարում է Հանրային քաղաքականության և պետական կառավարման գիտական դպրոցը։

Պրոֆեսոր Ե. Վ. Մորոզովայի հետ համագործակցությունը սկսվել է 2002 թվականից՝ «ՄակԱրթուրներ» հիմնադրամի համատեղ նախագծերի շրջանակում, իսկ 2016–2017 թթ. շարունակվել է «Եվրոպայի ընկալումը երիտասարդների շրջանում ժամանակակից աշխարհաքաղաքական ձևափոխությունների համատեքստում (Կրասնոդարի և Երևանի օրինակի վրա)» նախագծի շրջանակում։

2025 թվականի սեպտեմբերից Ե. Վ. Մորոզովան Երևանի պետական համալսարանի սոցիոլոգիայի ֆակուլտետի հրավիրյալ պրոֆեսոր է «Հայաստանի խոշորացված համայնքներում տարածքային կառավարման սոցիալ-տարածքային պրակտիկաներ» գիտական նախագծի շրջանակում։

Նրա գիտական հրապարակումներից են՝

• Միրոշնիչենկո Ի. Վ., Մորոզովա Ե. Վ., Ռուսիա Ն. Տ. - Ոչ նյութական ռեսուրսները գյուղական տարածքների զարգացման քաղաքականության մեջ․ հնարավորությունների բուրգ։ – Polis. Քաղաքական հետազոտություններ, 2025, N1, էջ 101–117։ DOI: 10.17976/jpps/2025.01.08

• Մորոզովա Ե. Վ., Միրոշնիչենկո Ի. Վ. - Ավանդույթներն ու նորարարությունները Ռուսաստանի գյուղական քաղաքականության մեջ. կազակության պոտենցիալը։ – Polis. Քաղաքական հետազոտություններ, 2023, N5, էջ 66–87։ DOI: 10.17976/jpps/2023.05.05

• Մորոզովա Ե. Վ., Միրոշնիչենկո Ի. Վ., Սեմենենկո Ի. Ս. - Գյուղական համայնքների զարգացումը․ ինքնության քաղաքականության պոտենցիալը։ – Polis. Քաղաքական հետազոտություններ, 2020, N3, էջ 56–77։ DOI: 10.17976/jpps/2020.03.05