Ընդհանուր տվյալներ
Նախագծի նպատակն է լաբորատոր պայմաններում ներդնել բջջային նյութերի ուսումնասիրման ամբողջովին ավտոմատացված համակարգ, որի հիմքում ռոբոտացված մանիպուլյատորի, գծային հարթակի և ավտոմատ պիպետի համատեղ աշխատանքն է ROS2 միջավայրում։ Այն կապահովի նմուշների ավտոմատ նախապատրաստում և գերճշգրիտ դիրքավորում չափագրող սարքերի (ԱՈՒՄ, Ռաման սպեկտրոսկոպ) ներքո։
Հետազոտության առանցքային նորույթը «փակ օղակի» (closed-loop) ինքնակարգավորվող ցիկլն է։ Համակարգն առանց մարդու միջամտության փորձեր կկատարի, կվերլուծի տվյալները և ԱԲ ալգորիթմներով կօպտիմալացնի հաջորդ փորձերի պարամետրերը։ Արդյունքում կբացառվեն մարդկային գործոնն ու նմուշների աղտոտումը, կապահովվի բացարձակ կրկնելիություն, ինչը կարագացնի գիտական հայտնագործությունները կենսաբժշկության, նյութագիտության և օպտիկական միկրոհամակարգերի (2PP, SLM) ոլորտներում։
Մենթոր
Ալեքսեյ Վիկտորովիչ Մեշկով, տեխնիկական գիտությունների թեկնածու, ԻՏՄՕ ազգային հետազոտական համալսարան (Սանկտ Պետերբուրգի տեղեկատվական տեխնոլոգիաների, մեխանիկայի և օպտիկայի ազգային հետազոտական համալսարան)
