Ֆիզիկայի գիտահետազոտական ինստիտուտ
Ֆիզիկայի գիտահետազոտական ինստիտուտը ստեղծվել է 2016 թ-ին։ Նպատակն է եղել բարձրացնել գիտահետազոտական աշխատանքների էֆեկտիվությունը, կանոնակարգել հետազոտական աշխատանքների ուղղվածությունը և միավորել նյութատեխնիկական միջոցները։ Ինստիտուտի կազմում գործել են 8 լաբորատորիաներ։ 2022 թ-ին ՖԳՀԻ - ին եմ միացել նաև ֆիզիկայի և ռադիոֆիզիկայի ֆակուլտետներում գործող գիտահետազոտական կենտրոններն ու լաբորատորիաները։ Այսօր ՖԳՀԻ-ին բաղկացած է 4 գիտահետազոտական կենտրոններից, որոնց կազմում գործում են 5 լաբորատորիաներ և 8 լաբորատորիաներից։
Ֆիզիկայի ԳՀ ինստիտուտի տնօրենն է օպտիկայի ամբիոնի պրոֆեսոր, Ֆ-մ.գ.դ. Ռոման Ալլահվերդյանը:
ՖԳՀԻ-ում գործում են հետևյալ լաբորատորիանները՝
1. Քվանտային երևույթների հետազոտման և մոդելավորման գ/հ լաբորատորիա
2. Մակրոմոլեկուլների ֆիզիկայի գ/հ լաբորատորիա
3. Պինդ մարմնի ֆիզիկայի գ/հ լաբորատորիա
3.1. Նանոկառուցվածքների մոդելավորման և սիմուլյացիաների գիտաուսումնական կենտրոն գ/հ խումբ
4. Տեսական ֆիզիկայի գ/հ լաբորատորիա
5. Օպտոէլեկտրոնիկայի և ֆոտոնիկայի գ/հ լաբորատորիա
6. Գերարագ օպտիկայի և ֆոտոնիկայի գ/հ լաբորատորիա
7. Ֆոտոնիկայի և արհետական բանականության լաբորատորիա
8. Աստղաֆիզիկական հետազոտությունների գ/հ լաբորատորիա
8.1. Աստղամասնիկների ֆիզիկայի խումբ
9. Հեռանկարային հետազոտությունների միջազգային կենտրոն
10. ՈՒժեղ դաշտերի ֆիզիկայի կենտրոն
11. Կիսահաղորդչային սարքերի և նանոտեխնոլոգիաների կենտրոն
11.1. Հաշվարկային նյութագիտության լաբորատորիա
11.2. Առաջադեմ ֆունկցիոնալ մատերիալների լաբորատորիա
12․ Ռադիոֆիզիկայի գ/հ կենտրոն
12.1. Ենթամիլիմետրային ալիքների լաբորատորիա
12.2. Նանոպլազմոնիկայի լաբորատորիա
12.3. Գերխիտ աստղերի ֆիզիկայի լաբորատորիա
12.4. Ֆիզիկատեխնիկական լաբորատորիա
Պինդ մարմնի ֆիզիկայի գիտահետազոտական լաբորատորիա (ՊՄՖ ԳՀԼ)
ՊՄՖ ԳՀԼ-ն ստեղծվել է 2005թ.-ի հունվարի 1-ին պինդ մարմնի ֆիզիկայի ամբիոնի կազմում մինչև 1997թ. գործած պինդ մարմնի ֆիզիկայի պրոբլեմային գիտահետազոտական լաբորատորիայի և մինչև 2005թ. գործած ֆինանսավորվող թեմատիկ ծրագրերի միավորման արդյունքում:
Ներառվել է ԵՊՀ Ֆիզիկայի գիտահետազոտական ինստիտուտի կազմում ինստիտուտի ստեղծման պահից:
ՊՄՖ ԳՀԼ-ն ստեղծվել է հետևյալ գործառույթներն իրականացնելու նպատակով.
ա. փորձարարական և տեսական մեթոդներով հետազոտել միկրո- և նանոմետրական չափերով բյուրեղային նյութերի և դրանց հենքի վրա ստեղծված տարաբնույթ համակարգերի ֆիզիկական հատկությունները (պինդմարմնային և կիսահաղորդչային հետերոկառուցվածքներ, միաչափ, երկչափ և զրո չափ քվանտային կառուցվածքներ, նորմալ և բարձրջերմաստիճանային գերհաղորդչային նյութեր, մագնիսական համաձուլվածքներ),
բ. մշակել նշված համակարգերի ուսումնասիրման փորձարարական և տեսական մեթոդներ:
ՊՄՖ ԳՀԼ հետազոտությունների հիմնական բնագավառները
- Ռենտգենյան հետազոտություններ: Նյութագիտություն
Ռենտգենյան նոր ինտերֆերաչափերի ստեղծում, դրանց հատկությունների ուսումնասիրում, ռենտգենյան դիֆրակտաչափություն, կառուցվածքային վերլուծություններ և ռենտգենյան արատադիտում: Դիֆրակցիայի տեսության, ռենտգենյան հոլոգրաֆիայի և ռենտգենյան մանրազննման խնդիրների լուծում:
Նանոմասնիկների ստացում, դրանց ֆիզիկաքիմիական հատկությունների ուսումնասիրում: Մետաղական կոմպոզիտային խեցիների բարձրջերմաստիճանային և բարձրճնշումային սինթեզ:
- Ցածր չափայնությամբ համակարգերի տեսական հետազոտություններ
Քվանտային շերտերի, լարերի, օղակների, կետերի և դրանցում քվազիմասնիկային կոմպլեքսների ֆիզիկական բնութագրերի, դրանց վրա էլեկտրական, մագնիսական, լազերային և դեֆորմացիայի դաշտերի ազդեցության հաշվարկներ և ֆոտովոլտային հատկությունների ուսումնասիրություններ:
- Ցածրջերմաստիճանային հետազոտություններ, գիտական սարքաշինություն, մագնիսական հետազոտություններ
Գերհաղորդականության փորձարարական ուսումնասիրում, ֆիզիկական և բժշկակենսաբանական նոր տիպի սարքերի նախագծում, մոդելավորում և ստեղծում:
Հազվագյուտ հողային տարրերով համաձուլվածքների ջերմային հատկությունների փորձարարական ուսումնասիրում:
