«Դասից դուրս» Մարտին Գրիգորյանի հետ

 

 ՄԵԾ ԱՐՎԵՍՏ ԿԱ ԴԱՍԱԽՈՍՈՒԹՅԱՆ ՄԵՋ, ԴԵՐԱՍԱՆՈՒԹՅՈՒՆ ԿԱ, ԲԱՅՑ ՈՉ ԱՐՀԵՍՏԱԿԱՆ, ԱՅԼ ԲՆԱՏՈՒՐ

 Հարցազրույց Ֆիզիկայի ֆակուլտետի

Բարձրագույն մաթեմատիկայի ամբիոնի վարիչ

Մարտին Գրիգորյանի հետ

1.    Որն է Ձեր կյանքի կարգախոսը:

 

Որքան հնարավոր է օգտակար լինել:

2.    Արվեստը կյանքի…

 

Մարդու գոյություն ունենալն ինքնին արվեստ է:

 3.    Երաժշտությունը…

 

Մերձեցում է թե շրջապատի տարբեր տարերի, թե ազգությունների ու պետությունների միջև:

4.    Գիրք, որը փոխեց  Ձեր հայացքները:

 

Ուսանողական տարիների կարդացած յուրաքանչյուր գիրք որոշակի ազդեցություն է ունեցել: Սիրում էի աֆորիզմներ կարդալ:

5.    Ձեզ մոտիվացնում է…

 

Ամեն մի լավ բան, օրինակ ձեր ժպիտը: Բոլորն անձրևից խորշում են, բայց բարակ անձրևը կարող է ինձ ոգեշնչել: Առվի կարկաչը, բնությունը: Ես ծնվել եմ Գեղաձոր գյուղում: Ալագյազի մաքուր օդը, մոտերքով հոսող ջուրը միշտ ոգևորել են ինձ: Քննությունից առաջ պարտադիր պիտի գնայի գյուղ:

6.    Ժպիտ է պարգևում…

 

Փոքրիկ երեխայի ծիծաղը, լավ հայի օգտակար աշխատանքը, լավ երաժշտությունը:

7.    Ձեզ տխրեցնում է…

 

Չարությունը, անհեթեթ կեցվածքը, ատելությունը, նախանձը: Հիշում եմ՝ հայրս ասում էր, որ նման մարդիկ դժբախտ են և նախանձությունն առաջին հերթին իրենց է ուտում:

8.    Երբեք մի ասեք…

 

Որ դիմացինը նույնը կտա Ձեզ, կփոխհատուցի:

9.    Այսօրվա սերունդը…

 

Շատ իրարամերժ է ու տաղանդավոր:

10. Դասախոս լինելը…

 

Կարծում եմ պիտի ծնվես դասախոս: Մեծ արվեստ կա դասախոսության մեջ, դերասանություն կա, բայց ոչ արհեստական, այլ բնատուր:

11. Լավ ապագա կերտելու համար պետք է…

Նվիրում, աշխատանք: Այլ հարց է, որ կլինեն խոչընդոտներ կամ խանգարողներ:

12. Լավ կրթության համար պետք է…

Միջավայր, ցանկություն, դժվարություններ հաղթահարելու կամք:

13. Ինչպես և ինչից սկսվեց մասնագիտական կողմնորոշումը:

Դա գալիս է բնավորությունից. ամեն ինչում տրամաբանական կապ եմ փորձում տեսնել: Մաթեմատիկան այն գիտությունն է, որ տարածություն կամ ժամանակ չի ճանաչում, այն փոքր տարիքից գրավել է ինձ:

14. Ինչպիսին պիտի լինի ուսանողն ըստ Ձեզ:

Ուսանողը սկզբում պիտի հարգի իրեն, հետո՝ դասախոսին:

15. Ինչպիսի նախադրյալներ կան Հայաստանում լավ մասնագետ դառնալու համար:

Տեղեկատվական տեխնոլոգիաները աշխարհում մեծ պահանջարկ ունեն: Իսկ հայ մաթեմատիկական դպրոցը, կարծում եմ, լավ վիճակում է: Հավատում եմ՝  կգտնվեն տաղանդավոր երիտասարդներ, որ կստանձնեն մաթեմատիկան բարձր պահելու իրենց վրա դրված առաքելությունը:

16. Ինչպես կարող է ուսանողը գտնել համալսարան- աշխատավայր տանող ճանապարհը:

 

Շատ ուժեղ ուսնողներին այդ ճանապարհը միանգամից է տրվում. կան գործարարներ, որ գտնում են այդ ուսանողներին: Կա ազատություն. ուսաողները կարողանում են աշխատել մասնավոր հիմարկներում:

 

 Հարցազրույցի տեսանյութը այստեղ:

                                                                                                                  Միլենա Մովսեսյան