ՀՀ ԱԽ քարտուղար Արմեն Գրիգորյանը հանդիպում ունեցավ ԵՊՀ ուսանողների հետ

ԵՊՀ ռեկտոր Հովհաննես Հովհաննիսյանն ընդգծեց, որ ուսանողների նախաձեռնությամբ կազմակերպված այս հանդիպումը, ինչպես նաև նմանօրինակ այլ միջոցառումները կարևոր քայլ են ՀՀ պաշտոնյաների և ուսանողների անմիջական հաղորդակցությունը խթանելու գործում։ Նրա խոսքով՝ ՀՀ անվտանգության խորհրդի քարտուղարի հետ այս հանդիպումը կնպաստի հավաստի տեղեկություն ստանալուն, իսկ քաղաքական տեսանկյունից օգտակար կլինի Միջազգային հարաբերությունների ֆակուլտետի ուսանողների համար:

ԱԽ քարտուղարը խոսեց օգոստոսի 8-ից հետո Հարավային Կովկասում հաստատված խաղաղության մասին և կարևորեց խաղաղության գործընթացի ինստիտուցիոնալացումը՝ ընդգծելով տարածաշրջանային կապուղիների ապաշրջափակման ուղղությամբ իրականացվող աշխատանքները։ Այս համատեքստում ընդգծեց նաև «Թրամփի ուղի՝ հանուն միջազգային խաղաղության և բարգավաճման» հաղորդակցության ծրագրի շրջանակում ձեռնարկվող քայլերը և ընձեռվող տնտեսական հնարավորությունները: 

Ուսանողները հետաքրքրվեցին նաև Հայաստանի ու տարածաշրջանի երկրների հարաբերություններից, որի ընթացքում ևս ծավալվեց բովանդակալից քննարկում: