Աշխատաշուկայում մրցունակ մասնագետ դառնալու բանաձևը․ խորհրդատվական հանդիպում ԵՊՀ-ում

Ընկերության տաղանդների հավաքագրման գործընթացների և գործատուի բրենդավորման պատասխանատու Տաթևիկ Բաբայանն ուսանողների հետ կիսվեց իր փորձով և գիտելիքներով:

Հանդիպման ընթացքում ուսանողները ծանոթացան արդյունավետ ինքնակենսագրական կազմելու հիմնական սկզբունքներին, հարցազրույցների ընթացքում ճիշտ ներկայանալու առանձնահատկություններին և աշխատաշուկայում մրցունակ լինելու համար անհրաժեշտ հմտություններին։ Նրանք նաև տեղեկացան «Կոկա-Կոլա ՀԲՔ Արմենիա» ընկերության աշխատանքային միջավայրին և մասնագիտական զարգացման հնարավորություններին։

Տաթևիկ Բաբայանը ներկայացրեց աշխատանքի ընդունման գործընթացի հիմնական փուլերն ու հաջողության հասնելու կարևոր մոտեցումները։

Ինտերակտիվ աշխատարանի շրջանակում ուսանողները բաժանվեցին խմբերի, վերլուծեցին տարբեր թեկնածուների օրինակներ և քննարկեցին, թե ինչ հմտություններ ու հատկանիշներ են կարևոր տվյալ հաստիքին համապատասխանելու համար։ Բացի դրանից՝ նրանք հնարավորություն ստացան գործատուի տեսանկյունից գնահատելու թեկնածուներին և առավել հստակ պատկերացում կազմելու ընտրության գործընթացի մասին։