ԵՊՀ կենսաբանության ֆակուլտետում հյուրընկալվեց ՀՀ ԲՏԱ նախարարի առաջին տեղակալ Գևորգ Մանթաշյանը Հայաստանի բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը այցելեց Երևանի պետական համալսարան՝ ծանոթանալու Կենսաբանության ֆակուլտետի լաբորատորիաներում առկա նորագույն սարքավորումներին և կատարվող գիտական հետազոտություններին։
Միջազգային համագործակցությունը՝ ԵՊՀ զարգացման ուղենիշ Առաջընթաց, գործակցային նոր կապեր, շարժունակության ծրագրեր, միջազգայնացում, կայուն զարգացում․ այս ամենը սերտ կապ ունի այն գործունեության հետ, որ իրականացնում է ԵՊՀ միջազգային համագործակցության վարչությունը՝ ստեղծելով տարաբնույթ հնարավորություններ ԵՊՀ ուսանողների և դասախոսների համար։ Վարչությունը աջակցում է համալսարանականներին գիտակրթական համաշխարհային գործընթացներին մասնակցելու հարցում՝ դրանով իսկ նպաստելով համալսարանի վարկանիշի բարձրացմանը միջազգային ասպարեզում։ Ռազմավարական նոր ծրագրով սահմանված նպատակների, վարչության գործունեության, համագործակցության նոր հնարավորությունների մասին զրուցել ենք ԵՊՀ միջազգային համագործակցության վարչության պետ Ալեքսանդր Մարգարովի հետ։
Մեղվի մայրակաթը՝ շրջապատող միջավայրի անբարենպաստ գործոններից կենդանի օրգանիզմների պաշտպանության միջոց ԵՊՀ կենսաքիմիայի, մանրէաբանության և կենսատեխնոլոգիայի ամբիոնում կատարված ուսումնասիրությունները ցույց են տվել, որ միջավայրի բացասական ազդեցությանը ենթարկված, օրինակ, ճառագայթված խմորասնկերի բնականոն աճի վրա մեղվի մայրակաթն ունի դրական ազդեցություն: Ամբիոնի դոցենտ Սեդա Մարությանն ընդգծում է՝ պարզելով, թե ինչպես է ազդում մեղվի մայրակաթը ճառագայթված խմորասնկերի վրա, հնարավոր կլինի առաջարկել մեղվի մայրակաթի հստակ չափաբաժին կամ այդ հիմքով պատրաստված դեղամիջոց նաև ճառագայթահարված մարդկանց, կենդանիների բուժման համար:
Հետազոտությունից բիզնես․ ԵՊՀ բիզնես ինկուբատորի նախաձեռնությունը կստեղծի նոր ուղիներ և հնարավորություններ Չգիտե՞ք, թե ինչպես գիտական հետազոտության արդյունքը դարձնել շահավետ բիզնես։ Այս հարցում ձեզ կօգնի ԵՊՀ առաջարկած նոր՝ «Mini MBA» ծրագիրը, որ նպատակ ունի տրամադրելու բիզնեսի հիմնարար գիտելիքներ՝ մասնակիցներին տալով առաջնորդության, ռազմավարական մտածողության և ներկայացման հմտություններ։
Միջմշակութային կապերի ամրապնդում․ արտերկրում ուսանելը՝ ԵՊՀ ուսանող Էթեր Ղալիջյանի աչքերով ԵՊՀ եվրոպական լեզուների և հաղորդակցության ֆակուլտետի 4-րդ կուրսի ուսանող Էթեր Ղալիջյանի՝ Գերմանիայում ուսանելու որոշումը հնարավորություն ընձեռեց ձեռք բերելու նոր փորձ և գիտելիքներ, բացահայտելու նոր երկիր ու մշակույթ։ Արտասահմանում սովորելը, ըստ Էթերի, դարձավ ոչ միայն մարտահրավեր, այլև հետաքրքիր և հագեցած մի մեծ փորձ։
«Իսլամացված համշենցիների թուրքերեն խոսքում դեռևս պահպանվել են հայերեն բառեր». ԵՊՀ հետազոտողը՝ Թուրքիայում կատարած դաշտային հետազոտությունների մասին ԵՊՀ հետազոտող Լուսինե Սահակյանը դաշտային հետազոտություններ է կատարել Թուրքիայում՝ իսլամացված համշենցիների ներկա սերունդների, ինչպես նաև բռնի իսլամացումից փրկված և այլ երկրներում սփռված քրիստոնյա համշենահայերի բնակավայրերում: Նա արձանագրել է բանահյուսական և ժողովրդագրական բացառիկ նյութեր, մասնավորապես` 2000 հայկական մանրատեղանուն, բարբառային լեզվական տվյալներ:
Առաջին քայլերը տնտեսագիտության աշխարհում. ամփոփվեց «ԵՊՀ տնտեսագիտական դպրոց» երկօրյա ծրագիրը Երևանի պետական համալսարանի տնտեսագիտության և կառավարման ֆակուլտետում կայացավ «ԵՊՀ տնտեսագիտական դպրոց» գարնանային շրջանի երկօրյա ծրագիրը։ Այս նախաձեռնությունը մեկտեղեց ավագ դպրոցի աշակերտներին՝ հնարավորություն ընձեռելով նրանց ոչ միայն ծանոթանալու տնտեսագիտության հիմնական սկզբունքներին, այլև մասնակցելու գործնական, խաղարկային և ինտերակտիվ դասընթացների։
ԵՊՀ-ում ամփոփվեցին «Քիմիա» առարկայի օլիմպիադայի հանրապետական փուլի արդյունքները Երևանի պետական համալսարանում տեղի ունեցավ «Քիմիա» առարկայի օլիմպիադայի հանրապետական փուլի ամփոփիչ միջոցառումը, որի շրջանակում պարգևատրվեցին լավագույն արդյունքներ գրանցած մասնակիցները: Գիտական այս մրցույթի հանրապետական փուլին մասնակցել են դպրոցական և մարզային փուլերը հաղթահարած 83 աշակերտներ։
Թթվակայուն համակարգերը նեյտրոֆիլ մանրէներում. հետազոտական նոր նախագիծ Բնության մեջ մանրէները հաճախ բախվում են միջավայրի տարբեր, այդ թվում՝ թթվային պայմանների փոփոխությունների, որոնք կարող են ազդել նրանց նյութափոխանակության և կենսաէներգետիկական բնութագրերի վրա։ Այս ոլորտի ուսումնասիրությունը կարևոր է ինչպես կենսաբանության տեսական, այնպես էլ կիրառական ոլորտների համար, ինչպիսիք են բժշկությունը և կենսատեխնոլոգիան։ Նշյալ ուղղությամբ հետազոտություն է կատարում ԵՊՀ կենսաբանության գիտահետազոտական ինստիտուտի մանրէաբանության, կենսաէներգետիկայի և կենսատեխնոլոգիայի լաբորատորիայի գիտաշխատող Հեղինե Գևորգյանի ղեկավարած գիտական թիմը։
Գերժամանակակից միջավայր․ «Իզմիրլյան» բարեգործական հիմնադրամի աջակցությամբ վերանորոգվելու է գրադարանի նախասրահը ԵՊՀ Սարգիս և Մարի Իզմիրլյանների անվան գրադարանի 105-ամյակը նշանավորվեց համագործակցության նոր կարևոր քայլով. ԵՊՀ ռեկտոր Հովհաննես Հովհաննիսյանը և հիմնադրամի տնօրեն Արմեն Չոբանյանը ստորագրեցին նվիրաբերության պայմանագիր: Ըստ այդմ՝ հիմնադրամի աջակցությամբ վերանորոգվելու է ԵՊՀ Սարգիս և Մարի Իզմիրլյանների անվան գրադարանի նախասրահը:
