Գիտական նոր դիտարկում Ավանի Կաթողիկե Ս. Աստվածածին եկեղեցու հիմնադրման տարեթվի շուրջ Ավանի Սուրբ Աստվածածին եկեղեցական համալիրը, որը ներառում է Կաթողիկե Սուրբ Աստվածածին եկեղեցին և կաթողիկոսարանը, ինչպես նաև Սուրբ Հովհաննես եկեղեցին, մատուռը և միջնադարի կոթողային հուշարձանները, ներկայացնում է Երևանի «Ավան» վարչական շրջանի միջնադարյան պատմամշակութային հարուստ ժառանգությունը։ Տվյալ հուշարձանախմբում Կաթողիկե Սուրբ Աստվածածին եկեղեցին եզակի է ինչպես ճարտարապետությամբ, այնպես էլ պատմությամբ։ Այս ամենի մասին փաստում է ԵՊՀ աստվածաբանության ֆակուլտետի դասախոս, հետազոտող Ավետիք Ղազարյանը, որը կատարել է ուսումնասիրություն՝ նվիրված Ավանի Կաթողիկե Ս. Աստվածածին եկեղեցու թվագրմանը։
ԵՊՀ-ում հյուրընկալվեց Հայաստանում ԱՄՆ գործերի ժամանակավոր հավատարմատար Դեյվիդ Ալենը. ուրվագծվեցին ընթացիկ և հետագա համագործակցության հեռանկարներ ԵՊՀ ռեկտոր Հովհաննես Հովհաննիսյանն այսօր հյուրընկալեց ՀՀ-ում ԱՄՆ գործերի ժամանակավոր հավատարմատար Դեյվիդ Ալենին: Կարևորելով բարձրաստիճան հյուրի՝ ԵՊՀ կատարած անդրանիկ այցը՝ կողմերը հանդիպման ընթացքում քննարկեցին կրթության, գիտության ոլորտներին առնչվող մի շարք հարցեր, վկայակոչեցին ԵՊՀ-ի և ԱՄՆ տարբեր բուհերի միջև առկա փոխգործակցությունները՝ այս համատեքստում ընդգծելով կապերի հետագա խորացման և ընդլայնման հեռանկարային ուղիները:
Ինչո՞ւ զբաղվել գիտությամբ. քննարկում ԵՊՀ-ում Հաջողության պատմություններից մինչև ձախողումների ուսուցողական նշանակություն, զարմանքից մինչև գիտական բացահայտումներ, գիտությունից՝ բիզնես, որո՞նք են գիտությամբ զբաղվելու շարժառիթներն ու գրավչությունը, ինչո՞ւ զբաղվել գիտությամբ. այս հարցերի շուրջ ԵՊՀ-ում ծավալվեց «Ինչո՞ւ զբաղվել գիտությամբ» խորագրով պանելային քննարկումը, որն անցկացվեց Գիտության ոլորտում կանանց և աղջիկների միջազգային օրը: Քննարկումը մեկ հարթակում համախմբեց ոլորտը ներկայացնող տարբեր սերունդների աղջիկների ու կանանց՝ աշակերտ, մագիստրանտ, գործող ակտիվ գիտնականներ: Խոսնակները փաստեցին, որ կար ժամանակ, երբ գիտությամբ զբաղվելը պայմանավորված էր միայն նախասիրությամբ, քանի որ եկամտաբեր չէր, սակայն ներկայում այն նաև հնարավորություն է ընձեռում եկամուտ ապահովելու:
ԵՊՀ ոսկե մեդալով պարգևատրվեց պրոֆեսոր Էդուարդ Եղիազարյանը ԵՊՀ ռեկտոր Հովհաննես Հովհաննիսյանը Կենսաբանության ֆակուլտետի կենդանաբանության ամբիոնի պրոֆեսոր Էդուարդ Եղիազարյանին ծննդյան 80-ամյակի կապակցությամբ պարգևատրեց ԵՊՀ ոսկե մեդալով:
Ալեքսանդր Մանթաշյանցի ծննդյան օրը ՀՀ-ում պաշտոնապես նշվում է որպես Գործարարի օր Ի պատիվ տաղանդավոր և ազգանվեր հայորդու՝ ՀՀ Կառավարությունը 2017 թվականին մարտի 3-ը Հայաստանում հայտարարեց Գործարարի օր: Խոշորագույն բարերար Ալեքսանդր Մանթաշյանցի ծննդյան օրվա պատեհ առիթով համառոտ ներկայացնում ենք մեծ մարդասերի կյանքի ու գործի որոշ դրվագներ: ԵՊՀ-ն շնորհավորում է Գործարարի օրվա կապակցությամբ և կարևորում գործարարների մասնակցությունը համալսարանական նախաձեռնություններին:
ԵՊՀ-ում մեկնարկեց «Մեդիա-Lab» երկշաբաթյա կրթական նախագիծը ԵՊՀ ուսանողական խորհրդի մշակույթի և հասարակայնության հետ կապերի ու լրատվության հարցերով հանձնաժողովների նախաձեռնությամբ մեկնարկեց «Մեդիա-Lab» նախագիծը, որի նպատակն է երիտասարդներին ծանոթացնել մեդիայի գործնական կողմին, օգնել վստահ խոսելու տեսախցիկի առաջ, ձևավորելու անհատական ոճ և գտնելու սեփական տեղը մեդիադաշտում։
Պարգևատրվեցին լավագույնները․ ԵՊՀ-ում տեղի ունեցավ Քիմիայի օլիմպիադայի հանրապետական փուլի արդյունքների ամփոփումը Երևանի պետական համալսարանում տեղի ունեցավ «Քիմիա» առարկայի օլիմպիադայի հանրապետական փուլի ամփոփիչ միջոցառումը, որի ընթացքում պարգևատրվեցին լավագույն արդյունքներ գրանցած աշակերտները։ Օլիմպիադայի դպրոցական և մարզային փուլերը հաղթահարած 96 աշակերտներից 8-ը արժանացան առաջին, 11-ը՝ երկրորդ, 7-ը՝ երրորդ կարգի մրցանակների, ինչպես նաև շնորհվեցին հատուկ անվանակարգերով մրցանակներ և գովասանագրեր:
ԵՊՀ-ում կայացավ Քիմիայի օլիմպիադայի հանրապետական փուլը ԵՊՀ քիմիայի ֆակուլտետի, ֆարմացիայի ինստիտուտի և «Քիմիա» առարկայի հանրապետական օլիմպիադայի կազմկոմիտեի համատեղ ջանքերով Երևանի պետական համալսարանում անցկացվեց ՀՀ «Քիմիա» առարկայի օլիմպիադայի հանրապետական փուլը: Դպրոցական և մարզային փուլերը հաղթահարած 96 աշակերտներ այս փուլում պայքարում էին լավագույնների շարքում ընդգրկվելու համար։
Ինչո՞ւ է անհրաժեշտ գիտության ոլորտում կանանց և աղջիկների հավասար մասնակցությունը խթանող քաղաքականություն ունենալը. քննարկում ԵՊՀ-ում Լաբորատոր և դաշտային հետազոտություններից մինչև միջազգային բարձր վարկանիշավորում ունեցող գիտական պարբերականներում հրապարակումներ. եթե գիտության ոլորտում կանանց և աղջիկների արձանագրած ցուցանիշները ՀՀ-ում վիճակագրական առումով լավատեսական են, ապա բովանդակային առումով նրանք շարունակում են բախվել մարտահրավերների: Այս մասին փաստեցին ԵՊՀ-ում հրավիրված «Գիտության ոլորտում կանանց և աղջիկների հավասար մասնակցությունը խթանող քաղաքականություններ» խորագրով պանելային քննարկման խոսնակները: Ընդհանրացնելով ոլորտում իրականացվող նպատակային ծրագրերը՝ քննարկման մասնակիցները բարձրաձայնեցին խնդիրներ, որոնց շարունակում են բախվել գիտության ոլորտում ներգրավված կանայք և աղջիկները, միաժամանակ մատնանշեցին նաև լուծման ուղիներ ու առաջարկներ:
Հաստատվել են ԵՊՀ ամբիոնների վարիչների ընտրությունների արդյունքները. կայացավ ԵՊՀ ԳԽ հերթական նիստը ԵՊՀ գիտական խորհրդի նիստերի դահլիճում տեղի ունեցավ գիտական խորհրդի հերթական նիստը, որի շրջանակում քննարկվեցին օրակարգային և այլ հարցեր: Նիստի ընթացքում հաստատվեցին ԳԽ նիստերի ժամանակացույցի, ամբիոնների վարիչների ընտրության, գիտական կոչումների շնորհման, գիտական և գիտատեխնիկական գործունեության ֆինանսավորման և այլ որոշումներ:
