Տեղի է ունեցել ԵՊՀ ՈՒԳԸ 2025-2026 ուսումնական տարվա երկրորդ կիսամյակի ընդլայնված նիստը, որը նշանավորվել է ՈՒԳԸ պատմության առաջին արծաթե մեդալների ու հուշամեդալների հանձնմամբ։ Նիստին լավագույն արդյունքներ գրանցած ֆակուլտետային ՈՒԳԸ-ները պարգևատրվել են պատվոգրերով, իսկ կառույցի ակտիվ անդամները, քարտուղարները, հանձնաժողովների պատասխանատուները՝ շնորհակալագրերով։
| 
|
Հուշամեդալներն ու արծաթե մեդալներն առաջինն են 1947 թվականից գործող ԵՊՀ ուսանողական գիտական ընկերության պատմության մեջ: ՈՒԳԸ գիտական խորհուրդն այս տարի բարձր պարգևներով է արժևորել կառույցի այն անդամներին աշխատանքը, որոնք իրենց ներդրումն են ունեցել ՈՒԳԸ զարգացման գործում։
Մեդալներով պարգևատրվել են ՈՒԳԸ հանձնաժողովների տարբեր տարիների նախագահներ։ Վերջիններիս թեկնածությունները քննարկվել և ՈՒԳԸ գիտական խորհրդի անդամների հավանությանն են արժանացել դեռևս կիսամյակի սկզբում գումարված արտագնա նիստին։
| 
| 
|
Պարգևատրվել են Տեղեկատվական հաձնաժողովի նախագահ Մարինե Մկրտչյանը, Ընդհանուր հարցերի հանձնաժողովի նախագահ Կարեն Ղազարյանը, Թարգմանական հարցերի հանձնաժողովի ռուսերենի գծով նախագահ Մարինե Մարգարյանը և նույն հանձնաժողովի անգլերենի գծով նախագահ Ֆարիդա Խաչատրյանը։
«Թեպետ այլևս ուսանող չեմ, բայց մինչ օրս ջերմությամբ եմ հիշում ուսանողական տարիներս, ինչի համար առավելապես շնորհակալ եմ Ուսանողական գիտական ընկերությանը։ Պատահական չէ, որ այսօր էլ համալսարանի մասին խոսելիս առաջին հերթին հիշում եմ ՈՒԳԸ-ական ընկերներիս ու կառույցում ունեցած հիշողություններս։ Շնորհակալ եմ այս գեղեցիկ, բայց միևնույն ժամանակ պարտավորեցնող պարգևի համար»,- միանալով ՈՒԳԸ-ականների երախտագիտական խոսքերին՝ ընդգծել է Թարգմանական հարցերի հանձնաժողովի ռուսերենի գծով նախագահ Մարինե Մարգարյանը։
Ուսանողական գիտական ընկերության առաջին հուշամեդալներով պարգևատրվել են ՈՒԳԸ փոխնախագահ Դավիթ Սարգսյանը, քարտուղար Կարինե Քամալյանը, Արտաքին կապերի հանձնաժողովի նախագահ Իրինա Մեհրաբյանը, Տեղեկատվական հանձնաժողովի նախագահ Մարինե Մկրտչյանը, Ընդհանուր հարցերի հանձնաժողովի նախագահ Յուրի Բալույանը, Թարգմանական հարցերի հանձնաժողովի անգլերենի գծով նախագահ Ֆարիդա Խաչատրյանը, նույն հանձնաժողովի ռուսերենի գծով նախագահ Կարապետ Թադևոսյանը։ ՈՒԳԸ հուշամեդալով պարգևատրվել է նաև Արտաքին կապերի հանձնաժողովի նախկին նախագահ Նարեկ Ավետյանը:
Հուշամեդալներ են հանձնվել նաև Կենսաբանության ֆակուլտետի ՈՒԳԸ նախագահ Նարե Դարբինյանին, ֆիզիկայի ինստիտուտի ՈՒԳԸ նախագահ Սուսան Գևորգյանին, ինչպես նաև ֆակուլտետային ՈՒԳԸ-ների արդեն նախկին նախագահներ Անահիտ Ջիլիկյանին (Քիմիայի ֆակուլտետ), Էլեն Ասատրյանին (Իրավագիտության ֆակուլտետ), Կարինե Առաքելյանին (Միջազգային հարաբերությունների ֆակուլտետ), Անահիտ Սվազյանին (Տնտեսագիտության և կառավարման ֆակուլտետ), Սյուզաննա Դանիելյանին (Փիլիսոփայության և հոգեբանության ֆակուլտետ) և Հրածին Հովակիմյանին (Սոցիոլոգիայի ֆակուլտետ)։
ՈՒԳԸ զարգացման գործում ունեցած բացառիկ դերակատարության, ծավալած մեծածավալ և գերազանց գործունեության համար ՈՒԳԸ նախագահին հանձնվել է պատվոգիր։
«Հպարտ եմ այն միասնական թիմով, որը ձևավորել ենք միասին։ Հատկապես ուրախ եմ այն պատճառով, որ տարբեր ֆակուլտետներում արձանագրվող հաղթանակներով ուրախանում ենք յուրաքանչյուրս և ոգեշնչում մեկս մյուսին անել ավելին։ Սա հուշում ու փաստում է, որ կառույցում առողջ մրցակցություն է»,- կարևորել է ՈՒԳԸ նախագահը։
Հետայդու պատվոգրերի են արժանացել նաև ֆակուլտետային այն ՈՒԳԸ-ները, որոնք ծավալել են կիսամյակային ակտիվ գործունեություն: Ըստ այդմ՝ այս տարի առաջին հորիզոնականում են ԵՊՀ միջազգային հարաբերությունների ֆակուլտետի և Ֆիզիկայի ինստիտուտի ՈՒԳԸ-ները։ Գերազանց գործունեության գնահատման սանդղակում հաջորդիվ Աշխարհագրության և երկրաբանության, Փիլիսոփայության և հոգեբանության, Պատմության, Իրավագիտության, Ժուռնալիստիկայի և Կենսաբանության ֆակուլտետներն են:
Հավելենք, որ առաջիկայում կյանքի են կոչվելու ՈՒԳԸ առավել մասշտաբային ծրագրեր, որոնց թվում՝ «ՍոցՔեմփ»-ը, «Հոգեբանական ճամբար»-ը և «ՈՒԳԸ ամառային դպրոց»-ը, որի շրջանակում Երևան կժամանեն ՈՒԳԸ միջազգային գործընկերներ Լոնդոնից, Կիպրոսից, Մոլդովայից, Ռուսաստանից և այլ երկրներից։
