Միջազգային համագործակցության վարչություն

ԵՊՀ դրամաշնորհների համակարգման բաժինն աջակցում է համալսարանի ուսանողներին, դասախոսներին և վարչական անձնակազմին՝ միջազգային դրամաշնորհային ծրագրերին մասնակցելու և դրանց արդյունավետ իրականացման հարցերում։

Դրամաշնորհների համակարգման բաժինը զբաղվում է ԵՊՀ միջազգային դրամաշնորհային ծրագրերի համակարգմամբ, աջակցում է դիմորդներին և շահառուներին, ինչպես նաև ապահովում է ընթացիկ և նոր նախագծերի արդյունավետ իրականացումը։

Բաժնի հիմնական գործառույթները

• Դրամաշնորհային ծրագրերի հնարավորությունների մշտադիտարկում և տարածում համալսարանականների շրջանում։

• Դրամաշնորհային հայտերի մշակման, դիմումի նախապատրաստման և փաստաթղթերի հավաքագրման գործընթացներում աջակցություն։

• Ֆինանսական և ադմինիստրատիվ գործընթացների կազմակերպում և համակարգում։

• Դրամաշնորհային ծրագրերի շահառուների ուղեկցում ողջ ծրագրի ընթացքում։

• Համագործակցության հաստատում միջազգային գործընկերների, ծրագրերի և ֆինանսավորող կառույցների հետ։

Դրամաշնորհների համակարգման բաժինը աջակցում է ԵՊՀ ուսանողներին, դասախոսներին և վարչական անձնակազմին հետևյալ ձևերով․

• Տեղեկատվություն տրամադրում դրամաշնորհային ծրագրերի մասին, այդ թվում՝ դիմումի գործընթացի, պահանջների և ժամկետների վերաբերյալ։

• Խորհրդատվություն տրամադրում դիմումների լրացման, անհրաժեշտ փաստաթղթերի կազմման, լեզվական պահանջների հարցերով։

• Ֆինանսական և վարչական աջակցություն ֆինանսավորման ստացման, ճանապարհորդական փաստաթղթերի (վիզա, ապահովագրություն) կազմակերպման, հաշվետվությունների ներկայացման հարցերում։

• Հետադարձ կապի ապահովում դրամաշնորհային ծրագրերի շահառուների և միջազգային գործընկերների միջև։

• Դրամաշնորհային նախագծերի կառավարում ծրագրերի իրականացման ընթացքում անհրաժեշտ բոլոր օժանդակ միջոցներով։

ԵՊՀ դրամաշնորհային հնարավորությունների մասին տեղեկություններ ստանալու համար անհրաժեշտ է հետևել ԵՊՀ պաշտոնական կայքէջին, Միջազգային համագործակցության վարչության սոցիալական էջերին կամ դիմել բաժնի աշխատակիցներին լրացուցիչ տեղեկություններ ստանալու համար։

ԵՊՀ-ն ներգրավված է միջազգային տարբեր ծրագրերում, այդ թվում՝ ERASMUS+, Horizon Europe, Jean Monnet, APPEAR և կրթական ու հետազոտական այլ նախաձեռնություններ։

Յուրաքանչյուր ծրագիր ունի իր առանձին դիմումի գործընթացը, որը ներկայացվում է համապատասխան հայտարարության մեջ։ Սովորաբար պահանջվում է լրացնել առցանց դիմում, ներկայացնել անհրաժեշտ փաստաթղթերը և երբեմն անցնել հարցազրույց։

ԵՊՀ-ն մասնակցում է այնպիսի դրամաշնորհային ծրագրերին, որոնք համահունչ են իր ռազմավարական զարգացման նպատակներին։ 

ԵՊՀ-ն ներգրավված է մի շարք միջազգային դրամաշնորհային ծրագրերում, այդ թվում՝

• ERASMUS+ (ICM, CBHE, Jean Monnet, EMJM),

• Horizon Europe,

• Marie Skłodowska-Curie Actions (MSCA),

• Jean Monnet Activities,

• APPEAR,

• միջազգային դրամաշնորհային այլ հնարավորություններ՝ ըստ ոլորտի։

Յուրաքանչյուր ծրագիր ունի իր առանձնահատկությունները և պահանջները։

• Ծրագրի ընտրություն

• Փաստաթղթերի նախապատրաստում

• Առցանց դիմումի լրացում

• Վերջնական հաստատում և ֆինանսավորում

• Թեմա կամ գաղափար՝ նախագծի համար

• Անհրաժեշտ նախաձեռնող թիմ

• CV («Europass» ձևաչափով)

• Լեզվի իմացություն

• Դիմում-հայտի կազմված առաջարկ 

• Ծառայությունների վճար

• Ճանապարհածախս

• Առողջապահական ապահովագրություն

• Տեխնիկայի գնում (որոշ ծրագրերում)

• Հետազոտական ծախսեր (որոշ ծրագրերում)

Նախագծային հայտերի հայտարարության մեջ պետք է ուշադիր լինել համաֆինանսավորման հարցում, եթե այդպիսիք կան, ապա պետք է քննարկել համալսարանի ղեկավարության հետ։

• Ուղղակի վճարով

• Փուլային վճարումներով

Այո՛, սակայն պետք է համոզված լինել, որ դրանք իրար չեն հակասում և հնարավոր է համատեղել պարտականությունները։

Միջազգային դրամաշնորհները տրամադրվում են միջազգային կազմակերպությունների, ֆոնդերի և ծրագրերի կողմից՝ աջակցելու գիտական հետազոտություններին, կրթական փոխանակումներին, ակադեմիական համագործակցությանը և այլ նախաձեռնություններին։ Դրանք հաճախ ներառում են ծառայությունների վճար, ճանապարհածախս, կեցության ապահովում և հետազոտական ֆինասավորում, մինչդեռ տեղական ֆինանսավորումը հիմնականում տրամադրվում է ազգային հիմնադրամների կամ Կառավարության կողմից։

Դասախոսները և հետազոտողները հնարավորություն ունեն դիմելու միջազգային տարբեր դրամաշնորհների, որոնք ներառում են՝

• հետազոտական դրամաշնորհներ (օրինակ՝ Horizon Europe, Marie Skłodowska-Curie Actions),

• դասախոսական փոխանակման և կարողությունների զարգացման ծրագրեր (օրինակ՝ ERASMUS+ Teaching Mobility),

• համագործակցային նախագծեր և ցանցեր (օրինակ՝ Jean Monnet, Capacity Building in Higher Education projects)։

Հարցեի դեպքում անհրաժեշտ է կապ հաստատել ԵՊՀ միջազգային համագործակցության վարչության դրամաշնորհների համակարգման բաժնի հետ։

📍 Հասցե՝ ԵՊՀ, Միջազգային համագործակցության վարչություն, Դրամաշնորհների համակարգման բաժին․ ԵՊՀ կենտրոնական մասնաշենք, 6-րդ հարկ, 614 սենյակ

📧 Էլհասցե՝ a.aproyan@ysu.am 

📞 Հեռ․՝ (+374 60) 710 135

🌐 Կայքէջ՝ www.ysu.am