ԵՊՀ շրջանավարտների և կարիերայի կենտրոնի համակարգմամբ կայացավ առցանց հանդիպում Լոս Անջելեսի «Օլիվեր Ուայմեն» ակտուարական խորհրդատվական ընկերության տնօրեն Անդրյու-Արամ Դուհանջիօղլուի հետ։
Անդրյուն ավելի քան 10 տարի ակտուարական ծառայություններ է մատուցել գույքի և դժբախտ պատահարների ապահովագրության ոլորտում։ Նա հավատարմագրված ակտուար է ինչպես Միացյալ Նահանգներում, այնպես էլ Կանադայում:
Անդրյու-Արամ Դուհանջիօղլուն Ակտուարների հակամարտությունների ընկերակցության անդամ (FCAS), Ամերիկյան ակտուարների ակադեմիայի անդամ (MAAA) և Կանադայի ակտուարների ինստիտուտի ասոցացված անդամ (ACIA) է։ Ստացել է մաթեմատիկայի բակալավրի և մագիստրոսի աստիճան Կալիֆոռնիայի պետական համալսարանի Նորթրիջի մասնաճյուղում։ Սովորել է նաև ԱՄՆ Կալիֆոռնիա նահանգի Լոս Անջելես քաղաքի Կանոգա պուրակ համայնքի «ՀԲԸՄ Մանուկեան-Տեմիրճեան» վարժարանում (AGBU Manoogian-Demirdjian School) և իր մասնագիտական հաջողությունները վերագրում է այնտեղ ստացած կրթության ամուր հիմքերին։
Հանդիպման ընթացքում Անդրյու-Արամ Դուհանջիօղլուն, փոխանցելով իր փորձն ու մատնանշելով, թե ինչու այս ոլորտը կարող է դառնալ ներշնչող ուղի ԵՊՀ ուսանողների համար, ներկայացրեց ակտուարական մասնագիտության հնարավորությունները, իրական ազդեցությունը ինչպես Հայաստանում, այնպես էլ Հայաստանից դուրս։
Առցանց հանդիպումը մեծ հետաքրքրություն առաջացրեց ուսանողների շրջանում:
Անդրյու-Արամ Դուհանջիօղլուի հետ հանդիպման ընթացքում ուղենշվեցին համագործակցության մի շարք ուղղություններ՝ ավարտական և մագիստրոսական աշխատանքների ղեկավարման, ժամանակակից մասնագիտական գրականության տրամադրման, ինչպես նաև ԵՊՀ ուսանողների մասնագիտական պրակտիկայի կազմակերպման հնարավորությունները միջազգային կազմակերպությունում։
