Ս.թ. հուլիսի 6-10 ԵՊՀ մաթեմատիկայի և մեխանիկայի ֆակուլտետում կանցկացվի «Ֆունկցիաների երկրաչափական տեսություն» խորագրով ուսանողական գիտաժողովը:

Ուսանողական գիտաժողովի նպատակն է Հայաստանի և արտասահմանի ուսանողներին (ներառյալ՝ բակալավրիատի, մագիստրատուրայի ուսանողներին, ասպիրանտներին, հետդոկտորանտներին և իրենց կարիերան նոր սկսող հետազոտողներին) ծանոթացնել կոմպլեքս անալիզի հիմնարար ոլորտներից մեկի՝ ֆունկցիաների երկրաչափական տեսության ժամանակակից, նշանակալի արդյունքներին: 

Պարտադիր չէ, որ մասնակիցը լինի ոլորտի փորձագետ, բավական է հետաքրքրված լինել առարկայի համատեղ ուսումնասիրությամբ:

Ընտրված մասնակիցները կներկայացնեն 45-րոպեանոց դասախոսություններ հանձնարարված թեմայի շուրջ: Հանձնարարված թեմայի վերաբերյալ հարցերը կարող են ուղարկվել գիտական ​​կոմիտեի անդամներին՝ Հրանտ Հակոբյանին, Արա Բասմաջյանին և Դրագոմիր Սարիչին:

Զեկույց պատրաստելուց բացի՝ յուրաքանչյուր մասնակից պետք է իր սահիկաշարի նախնական տարբերակը ուղարկի a.vagharshakyan@ysu.am հասցեին: Դրանք կհրապարակվեն գիտաժողովի կայքէջում:

Կարևոր ամսաթվեր

• Դիմումները պետք է ուղարկվեն մինչև ս.թ. փետրվարի 28-ը:
• Սահիկաշարի նախնական տարբերակը պետք է ներկայացվի մինչև ս.թ. հունիսի 1-ը:
• Երևան ժամանելու օրն ս.թ. հուլիսի 5-ը (կիրակի)։
• Հուլիսի 6-ից (երկուշաբթի) մինչև հուլիսի 9 (հինգշաբթի) մասնակիցները դասախոսություններ կկարդան ԵՊՀ մաթեմատիկայի և մեխանիկայի ֆակուլտետում։
• Երևանից մեկնելու օրն է ս.թ. հուլիսի 10 (ուրբաթ)։

Ընտրված մասնակիցներին կհանձնարարվի կից ցանկից մի թեմա։ Դիմումի ներկայացման ժամանակ պետք է նշել նախընտրած երեք թեմաները։ 

Կազմակերպիչները կփորձեն թեմաները հանձնարարելիս հետևել այդ նախընտրություններին, բայց չեն երաշխավորում, որ դա հնարավոր կլինի բոլոր մասնակիցների համար։

Կացության պայմանները

Ընտրված մասնակիցները իրենք են հոգում իրենց ճանապարհածախսը։ 

Կազմակերպիչները օտարերկրյա մասնակիցներին կտեղավորեն երկտեղանոց և չորստեղանոց սենյակներում՝ ԵՊՀ հյուրատանը։ 

Մասնակիցներին կտրամադրվի նաև նախաճաշ, սուրճի ընդմիջում և ճաշ։