Իրադարձություններ

Ս․թ․ փետրվարի 24-ին՝ ժամը 10։00-ին, ԵՊՀ միջազգային հարաբերությունների ֆակուլտետի 408 լսարանում տեղի կունենա տեղեկատվական հանդիպում Բեռլինի ազատ համալսարանի Արևելյան Եվրոպայի հետ համագործակցության գրասենյակի ղեկավար Թոբիաս Շտուդեմանի հետ։

Ս.թ. փետրվարի 19-ին ԵՊՀ Սարգիս և Մարի Իզմիրլյանների անվան գրադարանում տեղի կունենա գրադարանի առաջին հարկի վերաբացման հանդիսավոր արարողությունը:

Ս.թ. փետրվարի 19-ին՝ ժամը 11:05-ին, ԵՊՀ ժուռնալիստիկայի ֆակուլտետում (420) Մեդիաուսումնասիրությունների և նշանագիտության ամբիոնի նախաձեռնությամբ տեղի կունենա «Թվային նշանագիտության ակնարկ» խորագրով սեմինար-դասախոսություն, որը կվարի դոկտոր, պրոֆեսոր Քրիստիան Բանկովը (Հարավարևելյան Եվրոպայի նշանագիտական հետազոտությունների կենտրոնի ղեկավար (Southeast European Center for Semiotic Studies), Նոր բուլղարական համալսարան (New Bulgarian University)):

Ս.թ. փետրվարի 17-ին՝ ժամը 14:30-ին, ԵՊՀ միջազգային հարաբերությունների ֆակուլտետում տեղի կունենա իրազեկման հանդիպում Ցուկուբայի համալսարանի (Ճապոնիա) պատվիրակության հետ:

Ս.թ. փետրվարի 16-ին՝ ժամը 12:00-ին, ԵՊՀ Պալեանների անվան դահլիճում Աշխարհագրության և երկրաբանության ֆակուլտետի նախաձեռնությամբ տեղի կունենա «Կրթական համակարգի դերը զբոսաշրջության զարգացման գործընթացում» խորագրով պանելային քննարկում:

Հնատիպ և հազվագյուտ գրքերի բաժնի նախաձեռնությամբ կկազմակերպվի կավագործության դասընթաց ուսանողների համար, որի ընթացքում վերջիններս կծանոթանան կավի տեսակներին, հատկություններին, կուսումնասիրեն կավի հետ աշխատելու հիմնական տեխնիկաները և կստեղծեն ձեռագործ աշխատանքներ։

Ս.թ. փետրվարի 11-ին Երևանի պետական համալսարանում տեղի կունենա «Կանայք գիտության մեջ՝ հավասար իրավունքներով, հավասար հնարավորություններով» խորագրով միջոցառումը՝ ուղղված գիտության ոլորտում կանանց և աղջիկների ներգրավվածության վերաբերյալ իրազեկման բարձրացմանը, առկա խնդիրների քննարկմանը, ինչպես նաև երիտասարդ աղջիկների շրջանում գիտության հանդեպ հետաքրքրության մեծացմանը:

Ս.թ. փետրվարի 10-ին՝ ժամը 14:30-ին, ԵՊՀ Սարգիս և Մարի Իզմիրլյանների անվան գրադարանի ընթերցասրահում (403) տեղի կունենա հանդիպում ԵՊՀ շրջանավարտ, «Մանթաշյանց» գործարարների ակումբի համահիմնադիր նախագահ Վահրամ Միրաքյանի հետ։

Ս.թ. հունվարի 19-ին՝ ժամը 9:00-ին, ԵՊՀ գիտական խորհրդի նիստերի դահլիճում կմեկնարկի ԵՄ «Գիտության և տեխնոլոգիաների եվրոպական համագործակցության» ասոցիացիայի «Ընդհանրությունները, բազմազանությունն ու յուրատիպությունը լեզվական տեխնոլոգիաներում» նախագծի ձմեռային դպրոցի աշխատաժողովը:

Ս.թ. հունվարի 20-ին՝ ժամը 12:30-ին, ԵՊՀ իրավագիտության ֆակուլտետի դատական նիստերի դահլիճում տեղի կունենա Հաշտարարների պալատի հետ հուշագրի կնքման հանդիսավոր արարողություն: