Իրադարձություններ

Ս.թ. մայիսի 30-ին՝ ժամը 12:00-ին, ԵՊՀ Բյուրականի ուսումնաարտադրական բազայում Աշխարհագրության և երկրաբանության ֆակուլտետի նախաձեռնությամբ երկրորդ տարին անընդմեջ կմեկնարկի «ԳԵՈ-ներգրավում» ուսանողական ճամբարը:

Ս.թ. մայիսի 30-ին և 31-ին ԵՊՀ պատմության ֆակուլտետում կկայանա «Պատմության ուսուցիչները և պատմագիտության ապագան» խորագրով ուսուցչական աշխատաժողով: Միջոցառումը նպատակ ունի վերարժևորելու հանրակրթական և բուհական պատմագիտության կապերը, անդրադառնալու պատմության դասավանդման արդի մարտահրավերներին, ինչպես...

Ս.թ. մայիսի 31-ին ԵՊՀ գիտխորհրդի նիստերի դահլիճում, ապա գրադարանի 5-րդ հարկի ընթերցասրահներում ԵԼՀ գերմանական բանասիրության ամբիոնը և Գյոթեի անվան ինստիտուտը, Արտասահմանյան դպրոցների հարցերով կենտրոնակայանը (ZfA), Գերմանական ակադեմիական փոխանակման ծառայությունը (DAAD («ԴԵ-Ա-Ա-ԴԵ»)) կկազմակերպեն «Գերմաներենի օր Հայաստանում» միջոցառումը:

Ս․թ․ մայիսի 29-ին՝ ժամը 16։00-ին, ԵՊՀ Պալեանների անվան դահլիճում «ESN Yerevan»-ի նախաձեռնությամբ տեղի կունենա հանդիպում 2025 թվականի աշնանը «Էրազմուս+» շարժունության մեկնող ուսանողների հետ:

Ս.թ. մայիսի 29-ին՝ ժամը 15:30-ին, ԵՊՀ Սարգիս և Մարի Իզմիրլյանների անվան գրադարանում (501 ընթերցասրահ) ԵՊՀ աշխատակիցների երեխաների համար կկազմակերպվի «Գազարագույն զատիկի կորած կետիկները» ինտերակտիվ հեքիաթ-ներկայացում, որը կներկայացնի «Հեքիաթերեն» շարժական ինտերակտիվ թատրոնը:

ԵՊՀ Պալեանների անվան դահլիճում տեղի կունենա տեղեկատվական հանդիպում ուսանողների հետ Գերմանական ակադեմիական փոխանակման ծառայության՝ DAAD-ի («ԴԵ-Ա-Ա-ԴԵ»)) կրթաթոշակային ծրագրերի շուրջ։

Ս.թ. մայիսի 27-ին՝ ժամը 14:00-ին, ԵՊՀ գիտխորհրդի նիստերի դահլիճում տեղի կունենա «ԵՊՀ աշակերտական օլիմպիադա-2025»-ի դիպլոմների և գովասանագրերի հանձնման արարողությունը:

Ս․թ․ մայիսի 12-23-ը ԵՊՀ ISTC ինովացիոն կենտրոնի կոնֆերանս դահլիճում Ուսանողական գիտական ընկերության (ՈՒԳԸ) նախաձեռնությամբ կանցկացվի «Հոդվածագրության դպրոց-3» գիտակրթական ծրագիրը՝ նվիրված Հայոց ցեղասպանության 110-րդ տարելիցին։

Ս.թ. մայիսի 23-ին՝ ժամը 10:00-ին, ԵՊՀ գիտական խորհրդի նիստերի դահլիճում Իրավագիտության ֆակուլտետի նախաձեռնությամբ տեղի կունենա «Ժամանակակից քրեական դատավարությունը. արդի հիմնախնդիրները և զարգացման միտումները» խորագրով գիտագործնական համաժողով:

Ս.թ. մայիսի 21-ին՝ ժամը 14:30-ին, ԵՊՀ Շառլ Ազնավուրի անվան մշակույթի կենտրոնում տեղի կունենա ««Ինեկոբանկ»-ը՝ քո կողքին» ծրագրին նվիրված տեղեկատվական հանդիպում։