Քաղաքականություն, կրոն և հասարակություն․ Իրանի գերագույն հոգևոր առաջնորդ Ալի Խամենեի գաղափարների վերընթերցումը ԵՊՀ-ում

Միջոցառման նպատակն էր բազմակողմանիորեն անդրադառնալ 86-ամյա նահատակ առաջնորդի՝ Ալի Խամենեի գաղափարական ժառանգությանը՝ այն դիտարկելով ժամանակակից գլոբալ և տարածաշրջանային զարգացումների համատեքստում։ Քննարկման ընթացքում վերլուծվեցին նրա քաղաքական մտածողության առանցքային շեշտադրումները, կրոնական մեկնաբանությունները և սոցիալական հայացքները, որոնք զգալի ազդեցություն են ունեցել Իրանի ներքին և արտաքին քաղաքականության ձևավորման վրա։

Բանախոսները անդրադարձան նաև իրանական քաղաքական-կրոնական համակարգի առանձնահատկություններին՝ կարևորելով դրանց փոխազդեցությունը ժամանակակից հասարակական գործընթացների հետ։

Հանդիպմանը ներկա էին ՀՀ-ում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին, ԻԻՀ դեսպանության մշակույթի կենտրոնի ղեկավար Մոհամմադ Ասադի Մովահեդը, ինչպես նաև մասնագետներ, դասախոսներ և ուսանողներ։