Ամփոփվեցին «ԲանՈՒԳործ. ԵՊՀ էքսպո-2026»-ի աշխատանքները․ կամավորները ստացան հավաստագրեր Մեծ միջոցառումների հաջողության հետևում հաճախ կանգնած են մարդիկ, որոնց աշխատանքը մնում է կադրից դուրս։ Նրանք են, որ գաղափարները վերածում են իրականության, ապահովում միջոցառման բնականոն ընթացքն ու աննկատ լուծում կազմակերպչական բազմաթիվ խնդիրներ։ Երևանի պետական համալսարանում ուշադրության կենտրոնում հենց այդ մարդիկ էին՝ «ԲանՈՒԳործ․ ԵՊՀ էքսպո-2026»-ի կազմակերպիչների թիմն ու կամավորները։
Երբ խաղաղությունը խոսում է գիտության լեզվով Նոյեմբերի 10-ին նշվում է Հանուն խաղաղության և զարգացման գիտության համաշխարհային օրը, որի հռչակման 25-ամյակը լրանում է այս տարի։ ՅՈՒՆԵՍԿՕ-ի հռչակած օրվա այս տարվա թեման՝ «Ընդհանուր եզրեր՝ գիտական դիվանագիտության միջոցով», ընդգծում է գիտության դերը խաղաղության ամրապնդման, կայուն զարգացման և համընդհանուր բարեկեցության ապահովման գործում։
Երազանքի կարիերան ավիացիայում. ԵՊՀ-ում անցկացվեց հանդիպում «Wizz Air»-ի ներկայացուցչի հետ «ԲանՈՒԳործ» էքսպոյի ընթացքում ձևավորված կապերը շարունակվում են գործնական քայլերով։ Այսօր ԵՊՀ աշխարհագրության և երկրաբանության ֆակուլտետի նախաձեռնությամբ տեղի ունեցավ ճանաչողական և աշխատանքային հանդիպում «Wizz Air» ավիաընկերության անձնակազմի հավաքագրման բաժնի ներկայացուցիչ Նինո Գիկոշվիլիի հետ։
ԵՊՀ-ում մեկնարկել է «ArcGIS Desktop»-ի կիրառման դասընթաց՝ Բնապահպանության և ընդերքի տեսչական մարմնի աշխատակիցների համար Ժամանակակից բնապահպանությունն ու ընդերքօգտագործման վերահսկողությունը դժվար է պատկերացնել առանց թվային ճշգրիտ տվյալների և տարածական վերլուծությունների: Այս նպատակով ԵՊՀ աշխարհագրության և երկրաբանության ֆակուլտետում մեկնարկել է «ArcGIS Desktop» աշխարհագրական տեղեկատվական համակարգի առանձնահատկություններին նվիրված հատուկ դասընթացը՝ նախատեսված ՀՀ բնապահպանության և ընդերքի տեսչական մարմնի մասնագետների համար:
Գիտությունը՝ ապագայի լեզու․ ԵՊՀ-ում անցկացվել են «Ապագայի գիտնականներ» միջազգային ծրագրի դասախոսությունները Ինչպե՞ս է լեզվաբանությունը փոխվում թվային դարաշրջանում, ի՞նչ ճանապարհ է անցնում մոլեկուլը՝ դեղամիջոց դառնալու համար, և ինչպե՞ս կարող են կենսատեխնոլոգիաներն օգնել ոչ միայն բժշկությանը, այլև տիեզերքի ուսումնասիրմանը։ Այս և այլ հարցերի էին նվիրված «Ապագայի գիտնականներ» միջազգային ծրագրի շրջանակում ԵՊՀ-ում կազմակերպված դասախոսությունները, որոնք մեկտեղել էին գիտության տարբեր ոլորտների ներկայացուցիչներին և երիտասարդ ունկնդիրներին։
Գրքի ճանապարհը. կավե տախտակներից մինչև թվային դարաշրջան Մարդկության գլխավոր ձեռքբերումներից և հպարտություններից է գիրքը՝ գիտելիքի ու մշակույթի խորհրդանիշը: Անցնելով ձևավորման երկարատև ճանապարհ՝ կավե ու մոմապատ տախտակներից, պապիրուսի գալարներից ու մագաղաթից մինչև կոդեքս, տպագիր էջ և, վերջապես, թվային էկրան՝ հազարամյակներ անց էլ այն շարունակում է մնալ մարդու ամենակարևոր ուղեկիցներից մեկը:
Դարավոր ավանդույթ և թվային ապագա. նոյեմբերի 8-ը ԵՊՀ գրադարանի բացման օրն է Նոյեմբերի 8-ը հիշարժան և պատմական օր է Երևանի պետական համալսարանի ու համալսարանականների համար։ 1922 թվականի նոյեմբերի 8-ին տեղի ունեցավ ԵՊՀ գրադարանի հանդիսավոր բացումը, որն անցած ավելի քան մեկ դարաշրջանի ընթացքում դարձել է հայկական ակադեմիական մտքի, գրքի պահպանման, հայագիտական ու համաշխարհային գիտության զարգացման կարևորագույն հենասյուներից մեկը։
Ի՞նչ կարող է պատմել բառը. իրանագետ Մարկո Ֆատտորին՝ հայերենի և իրանական լեզուների պատմական կապերի մասին Լեզուների պատմությունը միայն բառերի ու քերականական կանոնների ամբողջություն չէ․ այն նաև ժողովուրդների փոխհարաբերությունների, մշակութային ազդեցությունների և բառերում պահպանված պատմական հետքերի արտացոլումն է։ Հռոմի Սապիենցա համալսարանի գրականության և ժամանակակից մշակույթների դեպարտամենտի հետազոտող, լեզվաբանության դոկտոր Մարկո Ֆատտորին դասախոսություններ է կարդացել ԵՊՀ արևելագիտության ֆակուլտետում՝ հայ ուսանողներին ներկայացնելով իր հետազոտական փորձը։ Նրա հետ զրուցել ենք հայերենի և իրանական լեզուների պատմական կապերի, լեզվական փոխառությունների, հին տեքստերի ուսումնասիրության և երիտասարդ հետազոտողների համար անհրաժեշտ գիտելիքների մասին։
Խաղաղությունը՝ իրավունքի և կրոնների տեսանկյունից. ԵՊՀ-ում մեկնարկել է միջազգային գիտաժողով Խաղաղությունը սկսվում է այնտեղ, որտեղ մարդկային կյանքը վեր է դասվում քաղաքական շահերից, իրավունքը գործում է բոլորի համար հավասարապես, իսկ տարբեր ժողովուրդների ու կրոնների միջև երկխոսությունը փոխարինում է թշնամանքին։ Հենց այս ընկալումն էր միավորել տարբեր երկրների գիտնականների, իրավագետների ու հոգևոր գործիչների ԵՊՀ արևելագիտության ֆակուլտետում մեկնարկած «Խաղաղությունը և բռնությունից զերծ աշխարհը՝ միջազգային իրավունքի և միաստվածային կրոնների տեսանկյունից» խորագրով միջազգային երկրորդ գիտաժողովում։
Կարիերայի առաջին քայլերը. ի՞նչ են ակնկալում գործատուները սկսնակ մասնագետներից Ինչպե՞ս պատրաստվել առաջին աշխատանքին, ի՞նչ փորձ ներկայացնել ինքնակենսագրականում և ինչպե՞ս ցույց տալ սեփական կարողությունները հարցազրույցի ընթացքում։ «ԲանՈՒԳործ. ԵՊՀ էքսպո-2026» միջոցառման շրջանակում կայացած պանելային քննարկմանը տարբեր ոլորտների ներկայացուցիչներ ուսանողների և նորավարտների հետ քննարկել են այս հարցերը՝ ներկայացնելով գործատուների ակնկալիքներն ու կարիերայի մեկնարկին օգտակար խորհուրդներ։