ԵՊՀ-ում գործարկվել է «Եվրասիական ուսումնասիրություններ» մագիստրոսական նոր ծրագիրը Միջգիտակարգային նոր ծրագիրը միտված է հետխորհրդային Եվրասիայի արդի քաղաքական, հասարակական և մշակութային գործընթացների խորքային ուսումնասիրմանը՝ հատուկ ուշադրություն դարձնելով Ռուսաստանին, Հայաստանին և Հարավային Կովկասին։
«Այս գիրքը գրվել է ոչ թե թանաքով կամ գրչով, այլ սիրով». լիբանանցի գործարար և գրող Նիկոլաս Աբու Ֆեյսալ ԵՊՀ արևելագիտության ֆակուլտետում տեղի ունեցավ լիբանանցի գործարար և գրող Նիկոլաս Աբու Ֆեյսալի «Հայաստան... մահ և վերածնված կյանք» գրքի շնորհանդեսը՝ վերածվելով ոչ միայն գրական, այլև մշակութային կարևոր իրադարձության և հայ-լիբանանյան բարեկամության խորհրդանշական հանդիպման։ Միջոցառումը մեկ հարկի տակ էր համախմբել դիվանագիտական, ակադեմիական և մշակութային ոլորտների ներկայացուցիչների՝ ընդգծելով գրքի շուրջ ձևավորված մեծ հետաքրքրությունն ու դրա գաղափարական նշանակությունը։
Ուսանողական ճանապարհ՝ լսարանից մինչև միջազգային հարթակներ Տնտեսագիտությունը հաճախ ընկալվում է որպես թվերի, հաշվարկների և մոդելների ոլորտ, սակայն ԵՊՀ տնտեսագիտության և կառավարման ֆակուլտետի ուսանող Գայանե Դավթյանի համար այն նաև որոշումների, պատասխանատվության և իրական ազդեցության մասին է։ Նրա ուսանողական ուղին ձևավորվել է աստիճանաբար՝ ընտանիքի ազդեցության, անձնական հետաքրքրությունների և գործնական փորձի համադրությամբ։
Արհեստական բանականության ոլորտում հաջողելու բանալին՝ ըստ «Perceptron» ընկերության հիմնադիր Արմեն Աղաջանյանի Արհեստական բանականությունը (ԱԲ) զարգանում է աննախադեպ արագությամբ, և ոլորտ մուտք գործել ցանկացող երիտասարդների համար ամենակարևոր հարցերը շարունակում են մնալ՝ ինչ սովորել և ինչպես կառուցել կարիերան։ «Perceptron» ընկերության հիմնադիր, նախկինում «Meta AI»-ի հետազոտական խմբերի ղեկավար Արմեն Աղաջանյանի հետ զրույցում փորձեցինք հասկանալ՝ որոնք են այսօրվա առաջնահերթ հմտությունները, որքանով են համալսարանները պատրաստ ոլորտի պահանջներին։
Գիտական համագործակցության նոր կամուրջներ․ միջազգային աշխատաժողով ԵՊՀ-ում Երևանի պետական համալսարանում անցկացվում է «Օպտիկա և դրա կիրառությունները» խորագրով աշխատաժողովը՝ միավորելով «Օպտիկա» միջազգային 15-րդ սիմպոզիումը և «COST» աշխատաժողովը։ Գիտական միջոցառումը նպատակ ունի մեկ հարթակում համախմբելու օպտիկայի ոլորտում գործունեություն ծավալող փորձառու և երիտասարդ գիտնականների, ինչպես նաև ներգրավելու ուսանողներին՝ ստեղծելով գիտական քննարկումների և փորձի փոխանակման համար նպաստավոր միջավայր։
Դասընթաց, որը միավորում է տարբեր մասնագիտություններ մեկ թեմայի և գաղափարի շուրջ «Դասախոսություն» բառը այլևս չի սահմանափակվում միայն դասախոսի խոսելով, իսկ ուսանողը չի սահմանափակվում միայն լսելով․ ԵՊՀ հայագիտական հետազոտությունների ինստիտուտի և գերմանական «Ֆրիդրիխ Էբերտ» հիմնադրամի հայաստանյան գրասենյակի համատեղ նախաձեռնությունը չորրորդ տարին անընդմեջ միավորում է տարբեր բուհերի ուսանողներին՝ հնարավորություն տալով նրանց ոչ միայն հասկանալու տարածաշրջանային ու եվրոպական գործընթացները, այլև դառնալու դրանց գիտակցված վերլուծողը։ «Հարավային Կովկասը և ԵՄ քաղաքականության ու որոշումների կայացման գործընթացի հիմնական սկզբունքները» թեմայով դասընթացը հենց այդպիսի միջավայր է ստեղծում՝ կրթությունը վերածելով կենդանի քննարկման, փորձի փոխանակման և համագործակցության հարթակի։
Հիդրոօդերևութաբանական մոնիթորինգ և ածխածնային չեզոքություն. միջազգային գիտաժողով՝ ԵՊՀ-ում ԵՊՀ-ում մեկնարկեց «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները փոփոխվող կլիմայի պայմաններում. հարմարվողականություն, կայունություն և արտադրական գործընթաց» խորագրով միջազգային գիտաժողովը: Այն նպատակ ունի համակողմանիորեն քննարկելու և վերհանելու հիդրոօդերևութաբանության ոլորտում առկա առաջնահերթ խնդիրները, բացահայտելու դրանց զարգացման օրինաչափություններն ու հեռանկարները, ինչպես նաև գնահատելու ոլորտի դերը տարածաշրջանի սոցիալ-տնտեսական խնդիրների լուծման գործում՝ անդրադառնալով նաև ջրակլիմայական ռեսուրսների արդյունավետ օգտագործման և կառավարման ոլորտում կուտակված միջազգային փորձին։
«ԵՊՀ դասավանդման մեթոդները ոչ միայն արդիական են, այլև ունեն գիտականորեն հիմնավորված խոր արմատներ». Կոլորադոյի Բոուլդերի համալսարանի ուսանող Կոլորադոյի Բոուլդերի համալսարանի (ԱՄՆ) ուսանող Միխայիլ Ցարևսկին շուրջ մեկ տարի ուսումը շարունակել է ԵՊՀ ռուս բանասիրության ֆակուլտետում՝ խորապես ուսումնասիրելով ռուսաց լեզուն: Նա ԵՊՀ էր ժամանել «Ռուսաց լեզվի և տարածաշրջանային ուսումնասիրություններ» ծրագրի շրջանակում:
ԵՊՀ-ից Կադիս․ հայ-իսպանական ակադեմիական երկխոսություն Միջազգային ակադեմիական համագործակցությունը շարունակում է մնալ ժամանակակից բարձրագույն կրթության զարգացման առանցքային ուղղություններից մեկը՝ ձևավորելով գիտելիքի փոխանակման և մշակութային երկխոսության նոր հարթակներ։ Երևանի պետական համալսարանի և Կադիսի համալսարանի միջև ձևավորված գործընկերությունը վերջին տարիներին ձեռք է բերել համակարգված և բազմաշերտ բնույթ։
Արևելքի ձայնը. քննարկում՝ Էդուարդ Ու. Սայիդի «Արևելաբանություն» գրքի հայերեն հրատարակության շուրջ ԵՊՀ-ում տեղի ունեցավ նշանավոր գրականագետ, գրաքննադատ Էդուարդ Ու. Սայիդի «Արևելաբանություն» գրքի հայերեն հրատարակության քննարկումը։ Միջոցառումը կազմակերպվել էր ԵՊՀ Սարգիս և Մարի Իզմիրլյանների անվան գրադարանի և «ԱՐԻ» գրականության հիմնադրամի համագործակցությամբ:
