Տարբեր երկրներից ժամանած գիտնականները ԵՊՀ-ում քննարկում են մաթեմատիկական ֆիզիկայի արդի խնդիրները Մաթեմատիկական ֆիզիկայի ոլորտում կիրառվող նոր մեթոդներն ու հետազոտական արդի խնդիրները մեկ հարկի տակ են համախմբել աշխարհի տարբեր երկրների գիտնականներին։ ԵՊՀ-ում մեկնարկել է «Ստոխաստիկ և անալիտիկ մեթոդները մաթեմատիկական ֆիզիկայում» միջազգային 12-րդ գիտաժողովը, որի շրջանակում քննարկվում են մաթեմատիկայի և ֆիզիկայի հատման տիրույթում կատարվող ժամանակակից հետազոտությունները և նոր համագործակցությունների հնարավորությունները։
Պարույր Սևակ. դրվագներ կյանքից Մեծ հաճույքով թե՛ վեպեր էր ընթերցում, թե՛ երկրաչափական խնդիրներ լուծում: Ուսուցիչներից յուրաքանչյուրը համոզված էր, որ ապագա բանաստեղծն ուսումը պիտի շարունակի իր առարկայի ուղղությամբ:
«Ամենամեծ ջանքը եղել է ինքս ինձ հաղթահարելը». ԵՊՀ ուսանող Արամ Գալստյանը՝ ՏՏ ոլորտի լավագույն բակալավր Տեղեկատվական տեխնոլոգիաների (ՏՏ) բնագավառում լավագույն ուսանողների և աշակերտների ամենամյա կրթական պարգևների մրցանակաբաշխության 2026 թվականի արդյունքներով ԵՊՀ-ն ունի յոթ մրցանակակիր։ «Լավագույն բակալավր» անվանակարգում I կարգի մրցանակի էր արժանացել ԵՊՀ ֆիզիկայի ինստիտուտի ուսանող Արամ Գալստյանը։ Ֆիզիկայի և ՏՏ-ի նկատմամբ հետաքրքրությունը, միջազգային կրթական ու հետազոտական ծրագրերը և գիտական տարբեր նախագծերում ձեռք բերած փորձը նրա մասնագիտական զարգացման կարևոր փուլերն են։
Կրթությունն ու արդյունաբերությունը՝ համագործակցության առանցքում․ ԵՊՀ-ն համագործակցության հուշագիր է կնքել Երևանի պետական համալսարանն ու «Ավտո Գելլրի» փակ բաժնետիրական ընկերությունը սկսում են նոր համագործակցություն՝ միավորելով համալսարանի գիտակրթական ներուժն ու արդյունաբերական ոլորտի փորձը։ ԵՊՀ ռեկտոր Հովհաննես Հովհաննիսյանը և «Ավտո Գելլրի» ընկերության հիմնադիր և գործադիր տնօրեն Գևորգ Գևորգյանը կնքեցին հուշագիր՝ նպատակ ունենալով զարգացնելու համալսարան-արդյունաբերություն համագործակցությունը գիտության, կրթության, տեխնոլոգիաների և նորարարության ոլորտներում։
ՏՏԿՀ կենտրոնի գործադիր տնօրեն Արթուր Ավագյանը պարգևատրվեց ԵՊՀ ոսկե մեդալով ԵՊՀ ռեկտոր Հովհաննես Հովհաննիսյանը ծննդյան 55-ամյակի առթիվ ոսկե մեդալով պարգևատրեց ԵՊՀ տեղեկատվական տեխնոլոգիաների կրթական և հետազոտական կենտրոնի գործադիր տնօրեն, տեխնիկական գիտությունների թեկնածու Արթուր Ավագյանին:
Երբ ուսանողը վերադառնում է համալսարան՝ արդեն որպես գործընկեր․ ԵՊՀ շրջանավարտ Լևոն Ազիզյանի մասնագիտական ուղին Բնության երևույթների հանդեպ դպրոցական տարիների հետաքրքրությունից մինչև հիդրոօդերևութաբանության ոլորտում ղեկավար պաշտոն․ ԵՊՀ աշխարհագրության և երկրաբանության ֆակուլտետի շրջանավարտ, «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի մասնագիտական ճանապարհը սկսվել է ԵՊՀ-ից։ Ուսանողական խորհրդի նախագահ, տարիներ անց՝ արդեն համալսարանի գործընկեր և ԵՊՀ շրջանավարտների գերազանցության մրցանակի արժանացած մասնագետ․ նրա կյանքում մայր բուհը ոչ միայն կրթության, այլև մտածողություն, արժեքներ ու պատասխանատվություն ձևավորող միջավայր է եղել։
Եվրոպական փորձը՝ Հայաստանի իրավական դաշտի համար. ԵՊՀ ուսանողի տեսլականը Միջազգային կրթական ծրագրերը ոչ միայն մասնագիտական գիտելիքների հարստացման, այլև մշակութային նոր հորիզոններ բացահայտելու լավագույն հնարավորություններից են։ ԵՊՀ իրավագիտության ֆակուլտետի ուսանող Արսեն Սարգսյանը միջբուհական պայմանագրի շրջանակում մեկ կիսամյակ ուսանել է Բեռլինի Հումբոլդտի համալսարանում՝ ուսումնասիրելով իրավունքի տարբեր ճյուղեր, ծանոթանալով գերմանական դատական համակարգին և հատկապես խորանալով պետություն-եկեղեցի հարաբերությունների իրավական կարգավորման մեջ։ Բեռլինում ձեռք բերած փորձը նա ցանկանում է հետագայում կիրառել Հայաստանում։
Օդի աղտոտվածություն և առողջապահական ռիսկեր. ի՞նչ են ցույց տալիս Կապանի վերաբերյալ ԵՊՀ գիտնականների հետազոտությունները Շրջակա միջավայրի աղտոտվածության ազդեցությունը մարդու առողջության վրա գիտնականներին հետաքրքրող արդիական թեմաներից մեկն է: ԵՊՀ քիմիայի ֆակուլտետի ավագ գիտաշխատող Լիանա Մարգարյանը, համագործակցելով Քիմիայի գիտահետազոտական կենտրոնի էկոլոգիական անվտանգության լաբորատորիայի գիտաշխատողների հետ, ուսումնասիրել է հանքարդյունաբերական ակտիվ գոտում գտնվող Կապան քաղաքում օդի որակի փոփոխություններն ու դրանցով պայմանավորված առողջապահական ռիսկերը։
53 տարի համալսարանում․ Մարինա Մուրադյանն ավարտում է աշխատանքային գործունեությունը ԵՊՀ-ում 53 տարի նույն հասցեում՝ Երևանի պետական համալսարանում։ ԵՊՀ գիտական քարտուղարության առաջատար մասնագետ Մարինա Մուրադյանն ավարտեց աշխատանքային գործունեությունը համալսարանում՝ իր հետ տանելով համալսարանական կյանքի բազմաթիվ հիշողություններ՝ կապված այն մարդկանց հետ, որոնց շնորհիվ ԵՊՀ-ն նրա համար դարձել է երկրորդ տուն։
ԵՊՀ ռեկտորի շնորհավորական ուղերձը Գիտելիքի և դպրության օրվա կապակցությամբ Սիրելի՛ համալսարանականներ, շնորհավորում եմ բոլորիս նոր ուսումնական տարվա մեկնարկի առթիվ։
