Ուրվագծվում են հայ-ղազախական գիտակրթական համագործակցության նոր հեռանկարներ․ հանդիպում ԵՊՀ-ում ԵՊՀ ռեկտոր Հովհաննես Հովհաննիսյանն այսօր հյուրընկալեց Հայաստանի Հանրապետությունում Ղազախստանի արտակարգ և լիազոր դեսպան Բոլատ Իմանբաևին, Ալ-Ֆարաբիի անվան Ղազախստանի ազգային համալսարանի ռեկտոր Ժանսեիտ Կանսեյտուլի Տույմեբաևին և Ղազախստանի Հանրապետության դեսպանատան խորհրդական Ասկար Երկինովին։ Հանդիպման նպատակն էր ուղենշել երկու համալսարանների միջև գիտակրթական կապերի ամրապնդման և նոր գործակցության հեռանկարները։
ԵՊՀ-ի և Գյոթեի անվան ինստիտուտի միջև ստորագրվեց փոխըմբռնման հուշագիր ԵՊՀ ռեկտոր Հովհաննես Հովհաննիսյանը հյուրընկալեց Գյոթեի անվան ինստիտուտի պատվիրակությանը: Քննարկվեցին երկկողմ հետաքրքրություն ներկայացնող կրթական համագործակցության նոր հնարավորություններ և հեռանկարներ:
Քիմիայի ֆակուլտետի երիտասարդ գիտնականը կվերապատրաստվի Լինցի համալսարանում ԵՊՀ քիմիայի գիտահետազոտական կենտրոնի կրտսեր գիտաշխատող Տիգրան Եգանյանը երկամսյա վերապատրաստում կանցնի Յոհաննես Կեպլերի անվան Լինցի համալսարանում՝ զարգացնելու ասիմետրիկ օրգանոկատալիզի ոլորտում մասնագիտական հմտությունները: Նրան այս հնարավորությունը տրվել է ՀՀ ԿԳՄՍՆ բարձրագույն կրթության և գիտության կոմիտեի «Մասնագիտական վերապատրաստում-2025» մրցույթի արդյունքում:
ԵՊՀ-ում էր ՆԱՏՕ-ի գլխավոր քարտուղարի՝ կանանց, խաղաղության և անվտանգության հարցերով հատուկ ներկայացուցիչ Իրեն Ֆելինը ԵՊՀ ռեկտոր Հովհաննես Հովհաննիսյանը հյուրընկալեց ՆԱՏՕ-ի գլխավոր քարտուղարի՝ կանանց, խաղաղության և անվտանգության հարցերով հատուկ ներկայացուցիչ Իրեն Ֆելինի գլխավորած պատվիրակությանը:
Գիտության կեսդարյա ուղի․ աշխատաժողով ԵՊՀ-ում՝ նվիրված պատմաբան Հայրապետ Մարգարյանին Երևանի պետական համալսարանի պատմության ֆակուլտետում Հայաստանի հարակից երկրների պատմության ամբիոնի նախաձեռնությամբ անցկացվեց աշխատաժողով, որը նվիրված էր պատմաբան, պ․գ․դ, պրոֆեսոր Հայրապետ Մարգարյանի ծննդյան 75-ամյակին և նրա գիտական գործունեության 50-ամյակին։ Միջոցառումը միավորել էր պատմագիտության ոլորտի մասնագետներին և երիտասարդ հետազոտողներին, ուսանողներին, որոնք վերարժևորեցին և վերաիմաստավորեցին պրոֆեսորի գիտական ավանդը։
«Ֆիզիկան ամեն ինչի հիմնաքարն է»․ ԵՊՀ ասպիրանտ Արեգ Գրիգորյանի ուղին՝ մանկության «ինչու»-ներից մինչև գիտական հետազոտություն ԵՊՀ ասպիրանտ Արեգ Գրիգորյանն իր մանկության «ինչու»-ները վերածել է գիտական հետազոտության՝ տիեզերքի ամենախորքային հարցերն ու օրենքները հասկանալու նպատակով։ Նա ՀՀ ԿԳՄՍՆ բարձրագույն կրթության և գիտության կոմիտեի «Ասպիրանտների և երիտասարդ հայցորդների հետազոտությունների աջակցության ծրագիր-2025»-ի հաղթողներից է։ Արեգի հետ զրուցել ենք հետազոտության կարևորության, գիտնականի աշխատանքի առանձնահատկությունների, ինչպես նաև մասնագիտության ընտրության մասին։
ԵՊՀ-ն՝ «Հայկական միջազգային առողջապահական ցուցահանդես-2025»-ում Մեկնարկեց առողջապահական ոլորտի տարվա ամենամեծ միջոցառումը Հայաստանում․ «Հայկական միջազգային առողջապահական ցուցահանդես-2025»-ը մեկ հարթակում միավորում է առողջապահության ոլորտի մասնագետներին, նորարարներին և առաջատար կազմակերպություններին։ Ցուցահանդեսին մասնակցում է նաև Երևանի պետական համալսարանը՝ Շրջանավարտների և կարիերայի կենտրոնի համակարգմամբ, ինչպես նաև Կենսաբանության ֆակուլտետի, Ֆարմացիայի և Ֆիզիկայի ինստիտուտների ներգրավմամբ։
ԵՊՀ ասպիրանտը Օստրավայի համալսարանում կուսումնասիրի չվող թռչունների միաբջիջ մակաբույծները՝ կանխարգելելու դրանցով պայմանավորված հիվանդությունների տարածումը Վայրի բնության մեջ հիվանդությունների տարածումը հիմնականում կատարվում է թռչունների միջոցով, հետևաբար թռչունների օրգանիզմում առկա մակաբույծների ուսումնասիրությունը շատ կարևոր է մակաբուծաբանության ոլորտում: Այս մասին փաստում է ԵՊՀ կենսաբանության ֆակուլտետի ասպիրանտ Մանան Ասիկյանը, որը չվող թռչունների շրջանում հանդիպող տրիպանոսոմատիդ մակաբույծների (միաբջիջ մակաբույծներ) ուսումնասիրություն է կատարելու Օստրավայի համալսարանում (Չեխիա):
«eCAMPUS» նախագծի ընթացիկ արդյունքները ներկայացվեցին Եվրոպական կրթության և մշակույթի գործադիր գործակալության փորձագետին ԵՊՀ որակի ապահովման կենտրոնի տնօրեն Արմեն Բուդաղյանը «Erasmus+» ծրագրի «eCAMPUS» նախագծի ընթացիկ արդյունքները ներկայացրեց Եվրոպական կրթության և մշակույթի գործադիր գործակալության փորձագետ Խավիեր Ֆլամենտին, որը Հայաստան է ժամանել՝ ծանոթանալու ծրագրի իրականացման ընթացքին, ինչպես նաև արձանագրելու խնդիրներն ու ձեռքբերումները:
ԵՊՀ-ում անցկացվեց KPI4HE ծրագրի մշտադիտարկումը Երևանի պետական համալսարանում տեղի ունեցավ «Էրազմուս+» ծրագրի շրջանակում իրականացվող «Հայաստանում ներառական, թվային ու կանաչ ուղղվածությամբ բարձրագույն կրթության պատշաճ կառավարման և որակի համար գործունեության առանցքային ցուցանիշների ազգային շրջանակի (ԳԱՑԱՇ) ստեղծում» (KPI4HE) նախագծի մշտադիտարկումը։
