«JoPScip» ծրագրի ամփոփիչ համաժողովը ԵՊՀ-ում․ համատեղ մագիստրոսական կրթական ծրագրի արդյունքներն ու հեռանկարները Երևանի պետական համալսարանում տեղի ունեցավ «JoPScip» («Քաղաքագիտություն․ ինտեգրում և կառավարում») ծրագրի ամփոփիչ համաժողովը։ Ներկայացվեցին երեք տարվա ընթացքում Հայաստանի, Վրաստանի, Ավստրիայի և Հյուսիսային Մակեդոնիայի համալսարանների համագործակցությամբ կատարված աշխատանքի հիմնական արդյունքները՝ քաղաքագիտության համատեղ մագիստրոսական ծրագրի մշակումից մինչև միջազգային հավատարմագրում, դասախոսների կարողությունների զարգացում և թվային կրթական միջավայրի ստեղծում։ Քննարկվեցին նաև ձեռք բերված արդյունքները պահպանելու և գործընկերների համագործակցությունը շարունակելու հնարավորությունները։
ԵՊՀ-ն ընդլայնում է միջազգային համագործակցությունը բնապահպանության ոլորտում. հանդիպում Չինաստանի բնապահպանական պլանավորման ակադեմիայի պատվիրակության հետ Երևանի պետական համալսարանի կենսաբանության ֆակուլտետի Էկոլոգիայի և բնության պահպանության ամբիոնում հյուրընկալվեցին Չինաստանի բնապահպանական պլանավորման ակադեմիայի (Chinese Academy of Environmental Planning - CAEP) ներկայացուցիչները։ Հանդիպման նպատակն էր քննարկել երկկողմ գործընկերության հեռանկարները, փորձի փոխանակումն ու համատեղ գիտահետազոտական ծրագրերի իրականացման հնարավորությունները։
Հայաստանի սնկերի կենսաբազմազանությունը և COP17-ը. ԵՊՀ-ում անցկացվեց միջազգային աշնանային դպրոց Համագործակցելով Վիեննայի համալսարանի հետ՝ ԵՊՀ բուսաբանության և սնկաբանության ամբիոնի նախաձեռնությամբ անցկացվեց «Հայաստանի սնկերի կենսաբազմազանությունը. COP17-ին ընդառաջ» խորագրով միջազգային աշնանային դպրոցը՝ մեկ հարթակում համախմբելով ուսանողների, ինչպես նաև ոլորտի հայ և օտարերկրյա առաջատար մասնագետների: Աշնանային դպրոցի ծրագիրը միտված էր ընդլայնելու մասնակիցների տեսական գիտելիքներն ու գործնական հմտությունները սնկերի կենսաբազմազանության ուսումնասիրության, նմուշառման, ձևաբանական նույնականացման և մոլեկուլային հետազոտությունների ոլորտներում։
50 տարի առաջ Վիլյամ Սարոյանը ԵՊՀ-ում էր․ մի հանդիպման պատմություն 1976 թվականի հոկտեմբերի 23-ին Վիլյամ Սարոյանը հանդիպեց ԵՊՀ ուսանողների և դասախոսների հետ։ Հանդիպումը տևեց շուրջ երեք ժամ։ Գրողը պատասխանեց հարցերի, հիշեց Հեմինգուեյին ու Բեռնարդ Շոուին, խոսեց հայկական երգից, նույնիսկ երգեց և պատմեց, թե ինչու է շարունակում գրել, երբ իր գրքերից շատերը դեռ անտիպ են։ Այդ օրվա զրույցը պահպանվել է համալսարանի տարեգրության էջերում։
ԵՊՀ-ն՝ արհեստական բանականության ոլորտում միջազգային հետազոտությունների զարգացման նախագծում Երևանում մեկնարկել է Եվրոպական միության «Հորիզոն Եվրոպա» ծրագրի շրջանակում իրականացվող WARIE միջազգային նախագիծը, որի նպատակն է զարգացնել Արևելյան գործընկերության երկրների գիտահետազոտական կարողությունները արհեստական բանականության ոլորտում և ընդլայնել միջազգային համագործակցությունը։ Նախագծի գործընկեր ԵՊՀ-ն կներգրավվի համատեղ հետազոտությունների կատարման և գիտական կապերի ամրապնդման աշխատանքներում։
«Արհեստական բանականությունը կարող է փոխել մշակույթը, բայց չի փոխարինի մարդկային ներկայությանը». պրոֆեսոր Մասսիմո Լեոնե Երբ մշակույթի մեծ մասը տեղափոխվում է թվային միջավայր, ի՞նչ է տեղի ունենում մարդկային շփման, հիշողության և ինքնության հետ։ Կարո՞ղ է արհեստական բանականությունը վերարտադրել մշակույթը, և ի՞նչ նշանակություն կունենան իրական հանդիպումներն ապագայում։ Այս հարցերին է անդրադարձել նշանագիտության հետազոտող, պրոֆեսոր Մասսիմո Լեոնեն՝ Երևանի պետական համալսարանում անցկացված «Մեդիատեքստ, նշանագիտություն և արհեստական բանականություն. նոր իմաստների որոնման ճանապարհին» միջազգային գիտաժողովի շրջանակում։
Գիտական գաղափարից դեպի սեփական ընկերություն․ ԵՊՀ-ում մեկնարկում է նոր ծրագիր Երևանի պետական համալսարանը նոր քայլ է կատարում գիտական հետազոտությունների արդյունքները գործնական լուծումների և տնտեսական արժեքի վերածելու ուղղությամբ։ Համալսարանի բիզնես ինկուբատորի նոր նախաձեռնությունը՝ ԵՊՀ նորարարական կրթաթոշակային ծրագիրը (YSU Innovate Fellowship Program), առաջին անգամ համալսարանում նպատակային հիմք է ստեղծում աջակցելու հետազոտողներին՝ իրենց գիտական արդյունքների կիրառական և առևտրային ներուժը գնահատելու, շուկա դուրս գալու հնարավորությունները ուսումնասիրելու և գիտահենք ընկերություններ ստեղծելու հարցում։ Ծրագիրը նախատեսված է գիտական հետազոտությունների արդյունքները գործնական լուծումների վերածելու և համալսարանական գիտության ու ձեռնարկատիրության միջև կապերն ամրապնդելու համար։
16 բուհ՝ մեկ հարթակում․ Կենսաբազմազանության հարցերով Հայաստանի բուհերի կոալիցիան՝ COP17-ում ՄԱԿ-ի կենսաբանական բազմազանության մասին կոնվենցիայի կողմերի 17-րդ համաժողովի (COP17) կանաչ գոտում ներկայացված է Կենսաբազմազանության հարցերով Հայաստանի բուհերի կոալիցիայի տաղավարը, որտեղ անցկացվում են գիտական ցուցադրություններ և ինտերակտիվ միջոցառումներ։ ԵՊՀ նախաձեռնությամբ ձևավորված կոալիցիան միավորում է 16 համալսարանների գիտական և կրթական ներուժը։ Համատեղ տաղավարում ներկայացվում են Հայաստանի կենսաբազմազանության ուսումնասիրությունները, բնապահպանական խնդիրներն ու դրանց լուծմանն ուղղված նորարարական մոտեցումները։
Հայաստանը՝ ԱԲ հետազոտությունների կենտրոն դառնալու ճանապարհին․ «ԵՊՀ բարեկամներ» հիմնադրամի հավաքը՝ նոր հնարավորությունների մեկնարկ Հայաստանում արհեստական բանականության (ԱԲ) հետազոտությունների զարգացման հեռանկարներն ու ԵՊՀ-ում կատարվող աշխատանքները քննարկվել են «ԵՊՀ բարեկամներ» հիմնադրամի ամենամյա հավաքի ընթացքում։ Հոկտեմբերի 7-ին Կալիֆոռնիայի Բըրբանք քաղաքում անցկացված միջոցառումը համախմբել է գիտնականների, տեխնոլոգիական ոլորտի ներկայացուցիչների, բարերարների և համալսարանի շրջանավարտների։ Հավաքի ընթացքում հանգանակվել են միջոցներ՝ ԵՊՀ հետազոտական ծրագրերի ընդլայնմանը և ուսանողական ու հետազոտական կրթաթոշակների ֆինանսավորմանն աջակցելու համար։ Միջոցառումն անցկացվել է Հայաստանյայց Առաքելական Սուրբ Եկեղեցու Հյուսիսային Ամերիկայի Արևմտյան թեմի առաջնորդարանում՝ թեմի առաջնորդ Գերաշնորհ տեր Հովնան արքեպիսկոպոս Տերտերյանի հովանու ներքո։
Ինչպե՞ս է հայկականությունը ներկայացվում հեռուստագովազդում. ԵՊՀ հետազոտողների դիտարկումները Ի՞նչ է տեղի ունենում, երբ հայկական մշակույթն ու պատմությունը հայտնվում են հեռուստագովազդում. ո՞ր պատկերներն են ընտրվում, որո՞նք են դուրս մնում, և ինչպե՞ս են ազգային ու պատմամշակութային խորհրդանիշներն օգտագործվում ապրանքներն ու ծառայությունները գովազդելու համար։ ԵՊՀ ժուռնալիստիկայի ֆակուլտետի մեդիաուսումնասիրությունների ու նշանագիտության ամբիոնի դոցենտներ Մարիամ Կարապետյանն ու Զարուհի Սարգսյանն իրենց «Հայաստանի հեռուստագովազդում հայկականության ռեպրեզենտացիան» հոդվածում ներկայացրել են, թե ինչպես են ազգային ու պատմամշակութային պատկերները վերաիմաստավորվում ապրանքների ու ծառայությունների առաջխաղացման համատեքստում։
