ԵՊՀ աջակցությամբ կազմակերպվել է Քուվեյթում գտնվող ուսանողների վերադարձը Հայաստան ԵՊՀ ռեկտոր Հովհաննես Հովհաննիսյանը հյուրընկալել է Քուվեյթից Հայաստան վերադարձած ԵՊՀ ուսանողներին, որոնք միջբուհական կրթական ծրագրի շրջանակում շարունակում էին իրենց կրթությունը Քուվեյթի համալսարանի լեզվի կենտրոնում։
Ատոմային էներգետիկայի ոլորտում կրթական համագործակցության նոր հնարավորություններ․ քննարկում ԵՊՀ-ում Երևանի պետական համալսարանում տեղի ունեցավ հանդիպում ֆրանսիական տարբեր կառույցների ներկայացուցիչների հետ, որոնք գործունեություն են ծավալում ատոմային էներգետիկայի ոլորտում։ Այս նախաձեռնությունը նպատակ ուներ խթանելու երկկողմ համագործակցությունը և բարձրացնելու կրթության որակը։
Երկարամյա նվիրում ու պատասխանատու աշխատանք․ Ալեքսանդր Վիրաբյանն արժանացել է շնորհակալագրի ԵՊՀ ռեկտոր Հովհաննես Հովհաննիսյանը օտարերկրյա սովորողների կրթության կազմակերպման բաժնի վարիչ Ալեքսանդր Վիրաբյանին հանձնեց շնորհակալագիր՝ ի նշանավորումն համալսարանական աշխատանքային բազմամյա և արդյունավետ գործունեության:
Համալսարանական թվային կառավարման էստոնական փորձը՝ որպես համագործակցության հետաքրքիր ուղղություն ԵՊՀ ռեկտոր Հովհաննես Հովհաննիսյանը հանդիպել է Հայաստանի Հանրապետությունում Էստոնիայի Հանրապետության արտակարգ և լիազոր դեսպան Մարգ Մարդիսալու-Կահարի հետ՝ անդրադառնալով այն ուղղություններին, որոնք կարող են երկկողմ շփումները վերածել համատեղ գիտակրթական նախաձեռնությունների։
Կարևորելով միջազգային համագործակցությունը․ ԵՊՀ-ում հյուրընկալվեցին ֆրանսիական կրթական հաստատությունների ներկայացուցիչները Ֆրանսիայի գործընկերների հետ տեղի ունեցած հանդիպման ընթացքում քննարկվեցին կրթական ծրագրերի զարգացման, պրոֆեսորադասախոսական կազմի, ինչպես նաև ուսանողների փոխանակման ծրագրերի և միջազգային պրակտիկայի նոր հնարավորությունները: Հանդիպմանը մասնակցում էին Երևանի պետական համալսարանի և Ֆրանսիայի տարբեր բուհերի ներկայացուցիչներ, որոնք ընդգծեցին երկկողմ կապերի ամրապնդման կարևորությունը բարձրագույն կրթության ոլորտում։
ԵՊՀ պատվիրակությունը մասնակցել է Դուբնայի միջուկային հետազոտությունների միացյալ ինստիտուտի 70-ամյակին նվիրված միջոցառումներին ԵՊՀ ռեկտոր Հովհաննես Հովհաննիսյանը և աշխատակազմի ղեկավար Դավիթ Հովհաննիսյանը մասնակցել են Դուբնայի միջուկային հետազոտությունների միացյալ ինստիտուտի (JINR) 70-ամյակին նվիրված միջոցառումներին։ 1956 թվականի մարտի 26-ին հիմնադրված ինստիտուտն այսօր էլ շարունակում է պահպանել իր առանցքային դերը միջուկային և բարձր էներգիաների ֆիզիկայի ոլորտում՝ լինելով միջազգային գիտական համագործակցության կարևորագույն կենտրոններից մեկը։
Սոցիալական աշխատանքի առաջնահերթությունները՝ մասնագիտական քննարկման առանցքում ԵՊՀ սոցիալական աշխատանքի և սոցիալական տեխնոլոգիաների ամբիոնի, կիրառական սոցիոլոգիայի գիտահետազոտական լաբորատորիայի և Հայաստանի սոցիալական աշխատողների ասոցիացիայի համատեղ նախաձեռնությամբ կայացավ «Սոցիալական աշխատանքի էկոհամակարգը Հայաստանում» խորագրով համահանրապետական գիտաժողովը՝ նվիրված Սոցիալական աշխատողների միջազգային օրվան։ Գիտաժողովի նպատակն էր ակադեմիական հարթակում համախմբել սոցիալական աշխատանքի շահակիրներին, քննարկել սոցիալական ոլորտի բարեփոխումները, հիմնախնդիրները, սոցիալական ծառայությունների արդյունավետության գնահատման մոտեցումները, ինչպես նաև զարգացման հեռանկարները։
Երազանքից իրականություն․ ԵՊՀ ուսանողի կրթական ճանապարհը դեպի Իսպանիա ԵՊՀ ուսանող Էլեն Բաբախանյանը սովորում է Եվրոպական լեզուների և հաղորդակցություն ֆակուլտետի «Անգլերեն լեզու, իսպաներեն լեզու և հաղորդակցություն» կրթական ծրագրի չորրորդ կուրսում։ Ուսումնառության ընթացքում Էլենը մեկ կիսամյակ սովորել է Վալենսիայի համալսարանում (Իսպանիա): Նոր միջավայրը, մարդիկ և փորձը զգալիորեն ընդլայնել են նրա տեսական և գործնական գիտելիքները՝ մնալով հիշարժան ու արժեքավոր փորձ ուսանողական կյանքում։
«Միջազգային դատարաններ և արբիտրաժ» մագիստրոսական ծրագիրը՝ ընդլայնվող համագործակցությամբ ԵՊՀ իրավագիտության ֆակուլտետի «Միջազգային դատարաններ և արբիտրաժ» մագիստրոսական կրթական ծրագիրն այս տարի իրականացվում է «ԵՊՀ բարեկամներ» հիմնադրամի միջոցով՝ բարերար Գրանտ Հանեսյանի աջակցությամբ։ Համագործակցության շրջանակում նախատեսվում է ընդլայնել ուսանողների կրթական և մասնագիտական հնարավորությունները։ Ծրագրի նպատակների, նոր հնարավորությունների և զարգացման հեռանկարների մասին զրուցել ենք մագիստրոսական ծրագրի ղեկավար Եղիշե Կիրակոսյանի հետ։
ԵՊՀ հրաձգության թիմը՝ ՀՀ ուսանողական մարզական խաղերի հաղթող Երևանի պետական համալսարանի հրաձգարանում անցկացվեց ՀՀ ուսանողական մարզական 27-րդ խաղերի՝ հրաձգության հավաքական թիմերի առաջնությունը, որին մասնակցեցին հանրապետության 7 բարձրագույն ուսումնական հաստատությունների թիմեր։ ԵՊՀ հրաձգության հավաքական թիմը մրցույթում զբաղեցրեց մրցանակային առաջին տեղը։
