Կիբեռանվտանգության և տվյալների վերլուծության հետազոտական խումբ

2023 թ. ԵՊՀ ՀՀԻ վիրտուալ հայագիտության ու տեղեկատվության բաժնի հիմքի վրա ստեղծվել է Կիբեռանվտանգության և տեղեկատվության վերլուծության խումբը:

Խմբի կարևորագույն գործառույթներից են.

• կատարել ՀՀ կիբեռանվտանգության և կիբեռկայացվածության մակարդակի համապարփակ վերլուծություն,

• գնահատել կիբեռզարգացումների և տեղեկատվական-հաղորդակցային տեխնոլոգիաների ազդեցությունը ՀՀ ազգային անվտանգության քաղաքականության վրա,

• մշակել մեթոդաբանություններ թվային գործիքարանի և տեխնոլոգիական լուծումների կիրառմամբ մոդելային, իրադարձային, կանխատեսումային և սցենարային վերլուծությունների կատարման համար։

Հիշյալ հետազոտությունները կատարվում են Հայաստանի և տարածաշրջանի պետությունների դիտարկման շրջանակում:

Օրեցօր զարգացող համացանցային ոլորտի պահանջներին համապատասխան՝ բաժնի առաջնահերթություններից է հավաքագրել, ամբողջացնել և վերլուծել 2020 թ. Արցախյան 44-օրյա պատերազմի ընթացքում և դրանից հետո միջազգային հեղինակավոր մի շարք զանգվածային լրատվամիջոցների և միջազգային կառույցների հրապարակած նյութերը, կատարել պատերազմի և հետպատերազմյան իրավիճակի լուսաբանման աշխատանքներ:

Խմբի գործառույթներից է նաև ԵՊՀ հայագիտական հետազոտությունների ինստիտուտի տարբեր ստորաբաժանումների տպագրած աշխատությունների՝ գրքերի, հոդվածների, աշխատանքային տետրերի, զեկույցների, վերլուծությունների, ինչպես նաև քարտեզների ու ատլասների հասանելիության ապահովումը, ԵՊՀ ՀՀԻ և մասնագիտական այլ հարթակներում կազմակերպված գիտական միջոցառումների և կոնֆերանսների, շնորհանդեսների լուսաբանումը։