Առկա ուսուցմամբ անվճար և վճարովի հիմունքներով ասպիրանտուրա ընդունվելու համար դիմորդը սահմանված ժամկետում ԵՊՀ դոկտորական կրթության կենտրոն պետք է ներկայացնի հետևյալ փաստաթղթերը.

1. դիմում՝ ԵՊՀ ռեկտորի անունով՝ դիմորդից կամ նրա լիազորած անձից (լրացվում է տեղում),
2. բակալավրի և մագիստրոսի կամ դիպլոմավորված մասնագետի դիպլոմի* ու դրանց հավելվածների պատճենները,
3. «Օտար լեզու» առարկայի ատեստավորման վկայականը կամ դրան համապատասխան տեղեկանք,
4. ընտրված մասնագիտությամբ հրապարակված առնվազն 1 գիտական հոդվածի պատճենը կամ գիտական ռեֆերատ,
5. ինքնակենսագրություն և 3 լուսանկար (3x4 չափսի),
6. կադրերի հաշվառման անձնական թերթիկ,
7. անձնագրի և սոցիալական քարտի, զինգրքույկի (արական սեռի դիմորդների համար) պատճենները
8. քաղվածք՝ աշխատանքային գրքույկից (առկայության դեպքում):

*Դիմորդի կողմից ներկայացված դիպլոմի իսկությունը պարզելու նպատակով ԴԿԿ տնօրենն իրավասու է ըստ անհրաժեշտության դիմորդից պահանջելու «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի իսկության մասին: 

Արտասահմանյան բուհի դիպլոմ ներկայացնելու դեպքում դիմորդը դիպլոմի հետ պետք է ներկայացնի նաև Ակադեմիական փոխճանաչման և շարժունության ազգային տեղեկատվական կենտրոնից տեղեկանք՝ դիպլոմի համարժեքության մասին:

2026/2027 ուստարվա առկա ուսուցմամբ անվճար և վճարովի հիմունքներով ասպիրանտուրայի ընդունելության մասնագիտական քննությունները նախատեսվում է անցկացնել ս․թ․ հուլիսի 3-ին (վերջնական ժամանակացույցը՝ ներառյալ ժամն ու անցկացման վայրը, կհրապարակվի առաջիկա օրերին)։

Քննությանը ներկայանալ անձը հաստատող փաստաթղթով։