Իրադարձություններ

Ս.թ. մարտի 14-ին՝ ժամը 14:30-16:00-ն, ԵՊՀ Սարգիս և Մարի Իզմիրլյանների անվան գրադարանի 503 ընթերցասրահում տեղի կունենա «Դասագրքաստեղծման մարտահրավերներն ու լուծումները. հանդիպում դասագրքերի հեղինակների հետ» խորագրով հանդիպում-քննարկում:

Ս.թ. մարտի 14-ին ԵՊՀ արևելագիտության ֆակուլտետում դասախոսությամբ հանդես կգան Մ.Վ. Լոմոնոսովի անվան Մոսկվայի պետական համալսարանի ասիական և աֆրիկյան երկրների ինստիտուտի տնօրեն, պ.գ.դ., պրոֆեսոր, հայտնի չինագետ Ա. Մասլովը, ինստիտուտի միջազգային համագործակցության գծով փոխտնօրեն Ե. Սինցովան, Կենտրոնական Ասիայի և Կովկասի երկրների ամբիոնի վարիչ Ա. Մուրավյովը: Բանախոսության ընթացքում կքննարկվեն գիտակրթական համագործակցության խնդիրներ:

Ս.թ. մարտի 13-ին՝ ժամը 13:00-ին, ԵՊՀ աշխարհագրության և երկրաբանության ֆակուլտետի Պ. Ալոյանի անվան 320 լսարանում կկազմակերպվի «Հատելով մասնագիտական ուղիները» խորագրով միջոցառում, որի նպատակն է նպաստել Աշխարհագրության և Պատմության ֆակուլտետների միջև համագործակցության հաստատմանը:

Ս.թ. մարտի 6-ին՝ ժամը 14:30-ին, ԵՊՀ Սարգիս և Մարի Իզմիրլյանների անվան գրադարանի 503 ընթերցասրահի մեծ սրահում «Armenian Code Academy»-ի հետ համագործակցության շրջանակում Շրջանավարտների և կարիերայի կենտրոնի նախաձեռնությամբ կկազմակերպվի «Ներդրումային գրագիտություն» խորագրով դասախոսություն:

Ս.թ. մարտի 4-ին՝ ժամը 16:00-ին, ԵՊՀ փիլիսոփայության և հոգեբանության ֆակուլտետում տեղի կունենա «Հավաքական գործողության հիմքում ընկած սոցիալ-հոգեբանական գործընթացները ռեպրեսիվ համատեքստերում» խորագրով դասախոսություն:

Ս.թ. մարտի 1-3-ը՝ ժամը 9:30-ին, ԵՊՀ 7-րդ (Չարենցի անվան դահլիճ) և 1-ին մասնաշենքերում (Քիմիայի ֆակուլտետ և Ֆարմացիայի ինստիտուտ) տեղի կունենա քիմիայի առարկայական օլիմպիադայի հանրապետական փուլը, որի կազմակերպիչներն են Քիմիայի ֆակուլտետը, Ֆարմացիայի ինստիտուտը և «Քիմիա» ուսումնական առարկայի հանրապետական օլիմպիադայի կազմկոմիտեն: 

Ս.թ. փետրվարի 28-ին՝ ժամը 10:30-ին, ԵՊՀ Շառլ Ազնավուրի անվան մշակույթի կենտրոնում Հունագիտության գիտաուսումնական կենտրոն-գրադարանի նախաձեռնությամբ տեղի կունենա «Նիկոս Կազանձակիսը՝ հոգու ճամփորդ» խորագրով միջոցառում:

Ս.թ. փետրվարի 28-ին՝ ժամը 11:00-ին, ԵՊՀ միջազգային հարաբերությունների ֆակուլտետի չինարենի և չին մշակույթի կենտրոնում տեղի կունենա «Չինական Ամանորը՝ հայ ուսանողների աչքերով» խորագրով բաց դաս: Միջոցառման ընթացքում ուսանողները հանդիսատեսին և հյուրերին կներկայացնեն զեկուցում, երաժշտական համարներ, բանաստեղծություններ:

Ս.թ. փետրվարի 27-ին՝ ժամը 11:00-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում կմեկնարկի «Եվրոպական ուսումնասիրությունների «ժան Մոնե» գերազանցության կենտրոն. ժողովրդավարություն, մարդու իրավունքներ և անվտանգություն (DeHuRiS)» ծրագիրը:

Ս.թ. փետրվարի 24-ին՝ ժամը 13:30-ին, ԵՊՀ գիտխորհրդի նիստերի դահլիճում տեղի կունենա հանդիպում Եվրախորհրդարանի անդամների հետ: