Համակարգչային ծառայությունների բաժին
ԵՊՀ գրադարանի hամակարգչային ծառայությունների բաժինն իր ստեղծման օրից (1996 թ․) ձեռնամուխ է եղել թվային գրադարանի կայացման գործին։
Բաժնի հիմնական գործառույթներն են`
- «KOHA» գրադարանային ծրագրի համակարգում,
- գրադարանում առկա նյութերի մուտքագրում,
- հեղինակավոր գրառումների, էլեկտրոնային քարտարանների ստեղծում,
- միասնական տոմսերի տրամադրում,
- էլեկտրոնային սպասարկման` տացքի ու վերադարձի կազմակերպում և համակարգում,
- էլեկտրոնային ամսագրերի բաժանորդագրություն,
- գրքերի լուսապատճենահանում, մշակում և առցանց տեղադրում,
- նյութերի էլեկտրոնային պատվերների ապահովում։
Հնատիպ, հազվագյուտ և արվեստի գրականության բաժին
Հնատիպ, հազվագյուտ և արվեստի գրականության բաժինը hիմնադրվել է 1973 թ.։ Այսօր բաժնի գրքային ֆոնդը կազմում է ավելի քան 21 հազար միավոր։ Գրականությունը դասավորված է 2 սկզբունքով՝ ժամանակագրական և թեմատիկ։
Բաժնի գործունեությունն այսօր պայմանավորվում է հետևյալ գործառույթներով`
- գրականության պահպանում,
- ներգրադարանային սպասարկում,
- գրականության մուտքագրում և էլեկտոնային քարտագրում,
- հնատիպ գրականության փոշեհանում և ախտահանում,
- հնատիպ գրականության մշտական ցուցահանդեսի կազմակերպում,
- մատենագիտական տեղեկատվություն և հրատարակչական գործ։
Համալրման և մշակման բաժին
Բուհական գրադարանի անխափան գործունեության երաշխիքը գրականության շարունակական համալրումն է: Համալրման հիմնական աղբյուրներն են՝ գրքափոխանակություն, առևտրական գործարք, նվիրատվություն և այլն։
Համալրման և մշակման բաժնի հիմնական գործառույթներն են՝
- ԵՊՀ հրատարակչությունում տպագրված գրականության ստացում, բաշխում,
- նվիրատվության և գրքափոխանակության ֆոնդերի ցուցակագրում,
- նվիրատվության կազմակերպում անհատներին, ԵՊՀ ֆակուլտետներին, տարբեր օղակներին,
- նոր ստացած գրքերի գնահատում և դասակարգում,
- համագործակցություն ուսանողների հետ՝ կորցրած գրքերը նորով փոխարինելու գործում։
Ընթերցասրահներ
ԵՊՀ գրադարանի ընթերցողների ներգրադարանային սպասարկումն իրականացնում են համակարգչային սրահը (303) և 5 ընթերցասրահները, որոնցից 2-ը հիմնանորոգվել են «Իզմիրլյան» հիմնադրամի ֆինանսական աջակցությամբ։
Գրադարանի ընթերցասրահներն են՝
- Բանասիրական գիտությունների (501),
- Հասարակական գիտությունների (403),
- Ճշգրիտ գիտությունների (503),
- Բնական գիտությունների (601),
- Մամուլի և ամսագրերի սպասարկման (603)։
Գրապահոց և առձեռն դասագրքային ֆոնդ
Գրապահոցում է պահվում գրադարանի պաշարների մեծ մասը, որտեղից կատարվում է ընթերցողների պատվերների արտագրադարանային սպասարկում։ Այս բաժնում են կատարվում պատվերն ընթերցողին հասցնելու, վերադարձված գրականությունը գրադարակներում դասավորելու, նոր ստացված դասագրքերի ընդունման և սպասարկման աշխատանքները։
Պարբերաբար կատարվում են արդիականությունը կորցրած, մաշված գրականության զտման աշխատանքներ։
Առձեռն ֆոնդից կատարվում է առկա գրականության սպասարկում՝ առանց նախնական պատվերի։
Աբոնեմենտի բաժին և առձեռն գեղարվեստական ֆոնդ
Այս բաժնում կատարվում է գրականության արտագրադարանային սպասարկում առձեռն գեղարվեստական ֆոնդերից և գրապահոցում պահվող գրականությունից։ Բաժնի գործառույթներից է նաև պահանջվող գրականության համալրումը, նոր շրջանառու ֆոնդերի ստեղծումը, գրքերի մաշված պայմանանիշների վերականգնումը, շրջանցիկ թերթիկների սպասարկումը և այլն։
