ԵՊՀ գրադարանը բաժանորդագրվել է OUP (Oxford University Press) հրատարակչության 2026 Օxford Journals հավաքածուին, որը հասանելի է «Oxford Academic» հարթակում:
Հավաքածուն ներառում է 384 (որից 13-ը՝ նոր) միջազգային բարձր վարկանիշ ունեցող գիտական պարբերականներ՝ ընդգրկելով գիտության տարբեր՝ հումանիտար և սոցիալական, կենսաբանական գիտություններ, մաթեմատիկա, ֆիզիկա, բժշկություն, իրավագիտություն և այլ ոլորտներ:
Շտեմարանը տրամադրում է ամբողջական տեքստով գիտական հոդվածներ (հրատարակված 1996-2026 թթ․), հետազոտական հրապարակումներ, վերլուծական ակնարկներ և խմբագրական նյութեր, ապահովում է որոնման և տեղեկատվության հայտնաբերման գործիքներ, ինչպես նաև՝ հղումների և մեջբերումների ինտեգրում այլ գիտական տեղեկատվական համակարգերի հետ։
ԵՊՀ հանրույթին անվճար հասանելի են հետևյալ ամսագրերը։
Հեղինակավոր մի շարք հրատարակիչներ (որոնց թվում՝ OUP, Brill, Cambridge University Press) ԵՊՀ հանրույթին տրամադրում են հոդվածների մշակման վճարի (Article Processing Charges, APC) լիակատար ազատում կամ զեղչ՝ բաց մատչելիությամբ հրատարակելու դեպքում։
Մանրամասները՝ այստեղ։
ԵՊՀ գրադարանը բաժանորդագրվել է հեղինակավոր «IOP Publishing» («Institute of Physics Publishing») հրատարակչության IOPscience extra գիտական պրեմիում թվային փաթեթին։ Այն ներառում է նաև հասանելիություն բոլոր տարիների արխիվային ամբողջական բովանդակությանը։
IOPscience հարթակն առաջատար է ֆիզիկայի, աստղագիտության, կենսաբանության, շրջակա միջավայրի և հարակից ոլորտներում միջազգային բարձր վարկանիշ ունեցող գիտական հրապարակումների ծավալով և հղումների ցուցանիշներով։
IOPscience հարթակից օգտվելու ուղեցույց
Տեղեկացնում ենք, որ մեկ ամիս ժամկետով՝ ս․թ․ փետրվարի 21-ից մինչև մարտի 21-ը, «EBSCO» գիտատեղեկատվական առաջատար հարթակը ԵՊՀ հանրությանը տրամադրում է փորձնական, անվճար հասանելիություն հետևյալ մասնագիտացված շտեմարաններին.
Mathematics Source - մաթեմատիկայի ոլորտում հետազոտական և կրթական գործունեության կարևորագույն տեղեկատվական պաշար է։ Ապահովում է խորքային և համակարգված գիտական բովանդակություն՝ նպաստելով մասնագիտական տերմինաբանության ճիշտ կիրառմանը և արդյունավետ գիտահետազոտական աշխատանքին։
Inspec with Full Text - տեխնիկական գիտությունների ոլորտի առաջատար շտեմարան է, որը մշակվել է «Institution of Engineering and Technology (IET)»-ի հետ համագործակցությամբ: Ապահովում է հասանելիություն հեղինակավոր գիտական ու տեխնիկական հրապարակումներին։
IEEE Electronic Library (IEL) - ներառում է աշխարհի ներկայիս էլեկտրատեխնիկայի, կապի և համակարգչային գիտության գրականության մոտ մեկ երրորդը։ Այն տրամադրում է ավելի քան 7 միլիոն փաստաթուղթ՝ ամսագրեր, կոնֆերանսներ, ստանդարտներ և էլեկտրոնային գրքեր: Շտեմարանը արդյունաբերության համար գիտելիքների աղբյուր է:
Legal Source - իրավագիտության ոլորտի առաջատար, ամբողջական տեքստերով շտեմարան է, որը տրամադրում է հասանելիություն իրավաբանական և փաստաբանական հեղինակավոր ամսագրերի լայն հավաքածուին։ Ընդգրկում է բազմաթիվ իրավական ոլորտներ՝ վարչական, բիզնես, քրեական, ընտանեկան, ինտելեկտուալ սեփականության, հարկային և առևտրային իրավունք։
Business Source Ultimate - բիզնեսի ոլորտի խոշորագույն հետազոտական տվյալների շտեմարանն է. տրամադրում է 3,746 ամբողջական տեքստով, այդ թվում՝ բազմաթիվ գրախոսվող ամսագրերի հասանելիություն, ինչպես նաև՝ կարևորագույն հրատարակություններ և առաջատար բիզնես աղբյուրներ։ Ներառում է նաև 2,125 բաց հասանելիությամբ (OA) միջազգային ամսագրեր՝ ապահովելով բարձրորակ ինդեքսավորում և ընդլայնվող միջազգային բովանդակություն։
eBooks ITCore Collection - տեղեկատվական տեխնոլոգիաների ոլորտի մասնագիտացված հավաքածու, որը ներառում է ավելի քան 2,000 արժեքավոր էլեկտրոնային գրքեր: Այն ընդգրկում է ՏՏ ոլորտի թեմաների լայն շրջանակ՝ նպաստելով մասնագիտական գիտելիքների շարունակական զարգացմանը:
Տեղեկացնում ենք, որ համաձայն Բարձրագույն կրթության և գիտության կոմիտեի և «ELSEVIER» հրատարակչական ընկերության միջև կնքված պայմանագրի` մինչև 2030 թվականի ապրիլը ԵՊՀ հանրությանը հասանելի են «ScienceDirect» հարթակի պաշարները՝ ամսագրեր և գրքեր։
«ScienceDirect»-ը աշխարհի առաջատար գիտատեղեկատվական հարթակներից է, որը ներառում է բարձրակարգ գրախոսվող նյութեր տարբեր ոլորտներից (ճշգրիտ, հումանիտար, հասարակական գիտություններ, առողջապահություն, տնտեսագիտություն և այլն):
«ScienceDirect»-ի հասանելի ամսագրերի ցուցակը։
Այս հղումով հնարավոր է ծանոթանալ՝ ինչպես օգտվել «ScienceDirect» հարթակի հնարավորություններից:
ԵՊՀ գիտական հանրույթին հասանելի է Web of Science Core Collection հեղինակավոր շտեմարանը, որը ներառում է բարձր վարկանիշ ունեցող և գրախոսվող գիտական աղբյուրներ՝ ընտրված որակի ու ազդեցության խիստ չափանիշների հիման վրա:
Core Collection-ն ընդգրկում է գիտական ամսագրեր, գիտաժողովների նյութեր և ակադեմիական այլ հրատարակություններ՝ ապահովելով միջազգային բազմաբնույթ գրականության հասանելիություն: Հարթակը մշակվում է Clarivate ընկերության կողմից և հանդիսանում է համաշխարհային գիտական հանրության կողմից լայնորեն կիրառվող, վստահելի աղբյուր:
ԵՊՀ գրադարանը բաժանորդագրվել է «Brill» հրատարակչության՝ «Brill Humanities & Social Sciences Collection» հումանիտար և հասարակական գիտությունների թվային ամսագրերի հավաքածուին, որն ապահովում է բարձր վարկանիշ ունեցող 287 գիտական ամսագրերի հասանելիություն` սկսած 2000 թվականից մինչև ընթացիկ տարի։
Ամսագրերն ընդգրկում են գիտության տարբեր ոլորտներ՝ պատմություն, փիլիսոփայություն, լեզվաբանություն, կրոնագիտություն, միջազգային իրավունք և այլն։ Հասանելի ամսագրերի ցուցակը։
ԵՊՀ հանրության համար անվճար հասանելի է աշխարհի խոշորագույն և հեղինակավոր ակադեմիական հրատարակիչներից մեկի՝ Քեմբրիջի համալսարանի հրատարակչության (Cambridge University Press) «Cambridge Core» գիտական հարթակի բովանդակությունը: Այս պահին հասանելի են ավելի քան 420 ակադեմիական բարձր հեղինակություն ունեցող գրախոսվող ամսագրեր, որոնք ներառում են գիտության տարբեր ճյուղեր (աստղագիտություն, տնտեսագիտություն, մաթեմատիկա, քաղաքականություն և այլն), ինչպես նաև բազմաթիվ գրքեր:
Քեմբրիջի համալսարանի հրատարակչության բաժանորդագրությունը հնարավորություն է տալիս նաև հոդվածներ հրատարակելու վերոնշյալ հարթակի հանրահասանելի ամսագրերում: ԵՊՀ գիտական հանրությունը կարող է օգտվել 100% զեղչից և անվճար հրատարակել հետազոտություններ՝ օգտվելով «Open Equality Initiative» ծրագրից։
ԵՊՀ-ն բաժանորդագրվել է JSTOR թվային գրադարանին։ ԵՊՀ-ի համար հասանելի են «JSTOR Archive Collections, JSTOR Primary Sources Collections» և «JSTOR Global Plants» հավաքածուները։
«JSTOR»-ն ապահովում է ավելի քան 75 բնագավառների շուրջ 2000 անուն լավագույն գիտական ամսագրեր (12 միլիոն թվային հոդվածներ), մոտ 120.000 էլեկտրոնային գրքեր (300 հայտնի գիտական հրատարակչություններից) և այլ նյութեր:
Գրադարանից հնարավոր է օգտվել ԵՊՀ ցանցին միացված համակարգիչների և սարքավորումների միջոցով՝ JSTOR login հղումով, ինչպես նաև այլ վայրից՝ մուտք գործելով ԵՊՀ էլփոստի օգտահաշվով:
ԵՊՀ-ն բաժանորդագրվել է «EBSCO» տվյալների շտեմարանին, ինչը հնարավորություն է տալիս օգտվելու «Academic Search Ultimate», «eBook Collection (EBSCOhost)» և «eBook Academic Collection Trial» հավաքածուներից ԵՊՀ ցանցին միացված համակարգիչների և սարքավորումների միջոցով, ինչպես նաև այլ վայրից՝ մուտք գործելով ԵՊՀ էլփոստի օգտահաշվով:
Պաշարները հասանելի են հետևյալ հղումով:
Հարցերի դեպքում դիմել ԵՊՀ գրադարանի համակարգչային ծառայությունների բաժին (ԵՊՀ գրադարանի մասնաշենք, 3-րդ հարկ, 302 սենյակ):
Հեռ․՝ (+374 60) 710 216, ներքին՝ 12-16
Էլհասցե՝ library@ysu.am
ԵՊՀ-ն գրանցվել է «Research4Life» շտեմարանում, ինչը հնարավորություն է տալիս օգտվելու հարթակի հավաքածուներից համալսարանի ցանցին միացված համակարգիչների և սարքավորումների միջոցով:
«Research4Life» շտեմարանից օգտվելու ուղեցույց և տեսանյութ:
Հարթակի բովանդակությունը (գրքեր, ամսագրեր, հետազոտական նյութեր) ամփոփված է հետևյալ հավաքածուներում․
«Hinari» (կենսաբժշկական, առողջապահական գրականության ամենամեծ հավաքածուներից է),
«AGORA» (սննդի և գյուղատնտեսության ոլորտներին վերաբերող թվային գրադարանային հավաքածու է),
«OARE» (հավաքում է շրջակա միջավայրի վերաբերյալ տեղեկատվական պաշարներ՝ ներառյալ էկոլոգիան, աշխարհագրությունը, էներգիան և այլն),
«ARDI» (տրամադրում է գիտական և տեխնիկական տեղեկության հասանելիություն),
«GOALI» (կենտրոնանում է իրավունքի և հասարակական գիտությունների վրա՝ ներառյալ քաղաքականությունը, տնտեսագիտությունը, փիլիսոփայությունը, պատմությունը և այլն):
EIFL-ի հետ համագործակցության շրջանակում, որպես ՀԹԳԱ (Հայաստանի թվային գրադարանների ասոցիացիա) անդամ, ԵՊՀ գրադարանին հասանելի են հետևյալ կոմերցիոն պաշարները` «ACM Digital Library», «ASTM International» և այլն։
Սույն համագործակցության շրջանակում EIFL-ը համաձայնագրեր է կնքել հրատարակիչների հետ, որոնք տրամադրում են անվճար կամ զեղչված հիմունքներով հոդվածների մշակում (Article Processing Charges) այն հեղինակների համար, ովքեր իրենց հոդվածները հրապարակում են բաց մատչելիությամբ։ APC-ից ազատման կամ զեղչի իրավունք ունեցող ամսագրերի ցանկը։
Բաց շտեմարաններ և կրթական պաշարներ
American Institute of Math's Open Textbooks - «The American Institute of Mathematics»-ը (AIM) տրամադրում է հաստատված, բաց հասանելիությամբ մաթեմատիկայի դասագրքեր, որոնք հարմար են ավանդական համալսարանական դասընթացներում օգտագործելու համար:
arXiv-ը անվճար տարածման ծառայություն և բաց հասանելիությամբ շտեմարան է, որտեղ պահվում են շուրջ 2.4 միլիոն գիտական հոդվածներ՝ ֆիզիկայի, մաթեմատիկայի, համակարգչային գիտությունների, քանակական կենսաբանության, քանակական ֆինանսների, վիճակագրության, էլեկտրական ինժեներիայի և համակարգային գիտությունների, ինչպես նաև տնտեսագիտության ոլորտներից։ Այս կայքէջում տեղադրված նյութերը arXiv-ի կողմից չեն գրախոսվել:
Internet Archive -«Internet Archive»-ը միլիոնավոր անվճար տեքստերի, ֆիլմերի, ծրագրերի, երաժշտության, կայքէջերի և այլնի շահույթ չհետապնդող գրադարան է:
AUA Institutional Repository - «AUA Institutional Repository»-ում հասանելի են Հայաստանի ամերիկյան համալսարանի ակադեմիական համայնքի հրապարակումները (դասախոսական կազմի հրապարակումներ, ուսանողական թեզեր, հետազոտական աշխատանքներ և այլն):
BC Campus - «BC Open Textbook» հավաքածուն պարունակում է դասագրքեր մի քանի ձևաչափերով՝ PDF, EPUB և MOBI։
British Columbia Campus Open Campus Textbook List - «British Columbia Campus Open Campus Textbook List»-ում հասանելի են բաց արտոնագրմամբ դասագրքեր, որոնք ստեղծվել կամ ցուցակագրվել են «BCCampus»-ի (Բրիտանական Կոլումբիայի հետբուհական կրթական հաստատությունների կոնսորցիում) կողմից:
Choosing & Using Sources: A Guide to Academic Research
Connexions - Ռայսի համալսարանի՝ շահույթ չհետապնդող նախաձեռնություն, որը տրամադրում է անվճար հասանելի, արտոնագրված ուսումնական նյութեր տարբեր թեմաներով (էլեկտրատեխնիկա, երաժշտություն, հոգեբանություն և այլն):
CORE (Center for Operations Research and Econometrics) - CORE («Center for Operations Research and Econometrics»)-ը բաց հասանելիությամբ հետազոտական աշխատանքների աշխարհի ամենամեծ հավաքածուն է:
Cornell Open (Cornell University) - «Cornell Open»-ը «Cornell University Press»-ի հանրահայտ շտեմարանի նոր և դասական տպագրությունից դուրս եկած նյութերի հանրահասանելի համաշխարհային պորտալ է:
Digital Library of Armenian Literature (Digilib) - Հայաստանի ամերիկեան համալսարանի «Հայ մատենագրութեան թուանշանային գրադարան» հայ գրավոր մշակույթի հուշարձանների թվանշային շտեմարան է։
Directory of Open Access Books (DOAB) - Հասանելի են անվճար/բաց հասանելիությամբ գրախոսվող մենագրություններ և գրքեր:
Directory of Open Access Journals (DOAJ) - Բարձրորակ, բաց հասանելիությամբ գրախոսվող ամսագրերի առցանց բազմաբովանդակ տվյալների շտեմարան է:
European Open Science Portal - «EOSC» պորտալը բաց գիտության տեղեկատվության և պաշարների, «EOSC» շահագրգիռ կողմերի ֆինանսավորման հնարավորությունների, համապատասխան եվրոպական և ազգային քաղաքականության, կարևոր փաստաթղթերի և վերջին զարգացումների դարպաս է:
Free textbooks (from Open Culture) - Տրամադրում է 200 անվճար դասագրքեր և 1300 անվճար առցանց դասընթացներ լավագույն համալսարաններից:
FreeTechBooks - Կայքէջում առկա են համակարգչային գիտություններին առնչվող անվճար, հանրահասանելի գրքեր, դասագրքեր և դասախոսությունների նյութեր (1245 գիրք և այլն)։
GALILEO - Պարունակում է CC արտոնագրված բաց դասագրքեր և օժանդակ նյութեր՝ վերաօգտագործման, տարածման և վերանայման համար:
ԳՐԱՀԱՎԱՔ - Բլոգ, որը միավորում և տրամադրում է հայալեզու էլեկտրոնային գրքերի տարաբնույթ հավաքածու (բառարաններ, ձեռագրեր, դասականներ, տեղեկատվական տեխնոլոգիաների վերաբերյալ թարգմանված գրքեր և այլն):
Information Literacy: Research and Collaboration across Disciplines
IntechOpen - Պարունակում է 5100 գրախոսվող բաց հասանելիության գրքեր տարբեր թեմաներով:
LibreTexts - Բաց կրթական պաշարների ստեղծման, հարմարեցման և տարածման առցանց դասագրքերի հարթակ է:
(Math-Net.Ru) Համառուսական մաթեմատիկական հանգույցը - ժամանակակից տեղեկատվական համակարգ է, որը հնարավորություն է տալիս մաթեմատիկայի, ֆիզիկայի, տեղեկատվական տեխնոլոգիաների և հարակից գիտությունների վերաբերյալ գիտական տեղեկություն որոնելու համար:
Mason OER Metafinder - «Mason OER Metafinder»-ը միաժամանակ որոնում է կատարում բաց ուսումնական նյութերի 21 տարբեր աղբյուրներում:
Massachusetts Institute of Technology (MIT) Open Courseware - «MIT Open Course Ware» (MIT OCW) կրթական պաշարների բազմաբովանդակ բաց պահոց է, որը պարունակում է հազարավոր MIT դասընթացներ՝ ներածականից մինչև մագիստրոսական առաջադեմ մակարդակի: Յուրաքանչյուր դասընթաց ներառում է ուսումնական ծրագիր, որոշ ուսումնական նյութեր և որոշ ուսումնական գործողություններ: Շատ դասընթացներ ունեն նաև ամբողջական տեսադասախոսություններ, անվճար առցանց դասագրքեր:
Moldovan Journal of International Law and International Relations - «Մոլդովական միջազգային իրավունքի և միջազգային հարաբերությունների հանդես»-ը հնարավորություն է տալիս օգտագործելու ամսագրի արխիվը:
Multimedia Educational Resource for Learning and Online Teaching (MERLOT) - «MERLOT» համակարգը տրամադրում է առցանց, ինտերակտիվ ուսուցման և օժանդակ նյութերի հասանելիություն (դասընթացների մոդուլներ, թեստեր և ձեռնարկներ):
NOBA - Անվճար առցանց հարթակ է, որն ապահովում է բարձրորակ, ճկուն կառուցվածքով դասագրքեր և ուսումնական նյութեր հոգեբանության ոլորտում, որոնք ունեն «Creative Commons CC BY-NC-SA 4.0» միջազգային արտոնագիր: Օգտագործողները կարող են կիսել և հարմարեցնել նյութը ցանկացած կրիչով կամ ձևաչափով, նորից օգտագործել, վերաբաշխել բովանդակությունը՝ իրենց կարիքներին համապատասխան:
OASIS (Openly Available Sources Integrated Search) - Որոնման գործիք է, որ ներկայում որոնում է բաց բովանդակություն 117 տարբեր աղբյուրներից և պարունակում է 388 707 գրառում:
OER Commons (Open Educational Resources) - Բաց կրթական պաշարների հանրային թվային գրադարան է:
Open Course Library - Մասնագիտորեն մշակված ուսումնական նյութերի հավաքածու՝ դասագրքեր, ուսումնական պլաններ, դասընթացի գործողություններ, ընթերցումներ և գնահատականներ, որոնք հնարավոր է ներբեռնել և օգտագործել դասավանդման համար:
Open Humanities Press - Պարունակում է հումանիտար գիտությունների գրախոսվող ամսագրեր, գրքեր և ուսումնասիրում է գիտական հաղորդակցության նոր ձևեր:
Open Research Library (ORL) - Բաց հետազոտական գրադարանը միավորում է ողջ աշխարհում բաց հասանելիությամբ գրքերի բովանդակությունը մեկ հարթակում (ավելի քան 20 000 բաց հասանելիության գրքեր):
Open Stax College (Rice University) - Գրախոսվող, բաց արտոնագրված և բազմաբովանդակ դասագրքերի անվճար շտեմարան՝ լրացուցիչ ուսումնական պաշարներով:
Open Textbook Library (Univ of MN) - Ներկայում առաջարկում է 1622 բաց դասագրքեր։ Գրադարանին աջակցում է «Open Education Network»-ը:
Open Washington - Ներառում է բաց պատկերներ, դասագրքեր, դասընթացի նյութեր, աուդիո- և տեսաձայնագրություններ
Palace Bookshelf - Ամերիկյան թվային հանրային գրադարանում հնարավոր է գտնել ավելի քան 11 000 էլեկտրոնային գրքեր (գեղարվեստական գրքեր, դասագրքեր, մանկական գրքեր և այլն)։ Բոլոր գրքերը անվճար հասանելի են epub և mobi ձևաչափերով։
Pan-Armenian Digital Library - Համահայկական թվային գրադարանում կգտնեք 275 417 թվային նյութեր։
Saylor Academy Bookshelf - Տրամադրվող դասընթացները կառուցված են համադրված OER-ից և բաց արտոնագրված են կրկնակի օգտագործման համար։ Մանկավարժները հնարավորություն ունեն առաջարկվող նյութերը ընդունելու և հարմարեցնելու պահանջներին համապատասխան:
Social Sciences - Հասարակական գիտություններին առնչվող անվճար գրքերի պահոց է:
Teaching Commons: Open Educational Resources From Leading Colleges and Universities - Տրամադրում է ուսուցիչների կրթությանն առնչվող դասագրքեր, դասընթացի նյութեր և ուսումնական ծրագրեր։
The Global Text Project - Շահույթ չհետապնդող կազմակերպություն է, որը նպատակ ունի համացանցում անվճար բաց բովանդակությամբ դասագրքեր ստեղծելու, թարգմանելու և տարածելու:
The Information Literacy User's Guide: An Open, Online Textbook
UNESDOC - ՅՈՒՆԵՍԿՕ-ի թվային գրադարանի հանրահասանելի մասը պարունակում է 2000-ից ավելի գրքեր, 6000-ից ավելի հոդվածներ և գրքերի գլուխներ, անգլերեն, ֆրանսերեն, ռուսերեն և այլ լեզուներով 302 պարբերական հրատարակություն: UNESDOC-ում կգտնեք նյութեր բնապահպանության, կրթության, կլիմայի փոփոխությունների, պատմության, միջազգային հարաբերությունների և բազմաթիվ այլ թեմաների շուրջ։
UN-iLibrary - Միավորված ազգերի կազմակերպության թվային գրադարան - ՄԱԿ-ի հիմնական մատենագիտական տվյալների բազան է, որը հիմնադրվել է 1979 թվականին: Այն բաղկացած է ՄԱԿ-ի և ոչ ՄԱԿ-ի փաստաթղթերից և հրապարակումներից վեց լեզուներով՝ արաբերեն, չինարեն, անգլերեն, ֆրանսերեն, ռուսերեն և իսպաներեն։ Փաստաթղթերի լեզուն անգլերենն է։
Թվային գրադարանում կգտնեք գրքեր և պարբերականներ տնտեսագիտության, միջազգային առևտրի և ֆինանսների, իրավունքի և արդարադատության, շրջակա միջավայրի և հանրային առողջության և շատ այլ թեմաների վերաբերյալ:
World Scientific-ի բաց հասանելիությամբ ամսագրերը:
