Կրթությունը և հետազոտությունները թվային դարաշրջանում․ միջազգային գիտաժողով ԵՊՀ-ում ԵՊՀ-ում Սոցիոլոգիայի ֆակուլտետի նախաձեռնությամբ մեկնարկեց «Կրթությունը և հետազոտությունները թվային դարաշրջանի հասարակություններում» խորագրով միջազգային գիտաժողովը՝ միավորելով գիտնականների, դասախոսների և հետազոտողների տարբեր երկրներից, ինչպես նաև քննարկելով կրթության, գիտահետազոտական գործընթացների և թվային վերափոխումների փոխկապակցված ուղիները։ ԵՊՀ հեռավար ուսուցման լաբորատորիայի 20-ամյակին և Սոցիալական աշխատողի օրվան նվիրված գիտաժողովը միտված է բացահայտելու այն փոփոխությունները, որոնք թվային դարաշրջանը բերում է կրթական և գիտական միջավայր, ինչպես նաև փոխանակելու միջազգային փորձը՝ կրթության որակի բարձրացման և հետազոտությունների արդյունավետության ապահովման ուղղությամբ նոր մոտեցումներ ձևավորելու նպատակով։
Բազմամշակութային նոր միջավայր, կրթություն և փորձ․ արտերկրում ուսանելու կարևորությունը ԵՊՀ ուսանողի աչքերով «Միջազգային կրթական աշխարհում ուսանելն իմ կյանքի ամենահարուստ և արդյունավետ փորձերից մեկն էր»,- ասում է ԵՊՀ տնտեսագիտության և կառավարման ֆակուլտետի 4-րդ կուրսի ուսանող Արեգ Կակոյանը, որը «Էրազմուս+» ծրագրի շրջանակում մեկ կիսամյակ սովորել է Աալենի կիրառական գիտությունների համալսարանում (Գերմանիա)։ Արտասահմանում ուսանելը Արեգին հնարավորություն տվեց համատեղելու մասնագիտական զարգացումն ու անձնական աճը՝ բացահայտելով նոր միջավայր, մշակույթ և կրթական մոտեցումներ։
Ինչպես ձևավորել նոր իրականությանը հարմարվող քաղաքներ. «Քաղաքային դիմացկունություն և կառուցված ժառանգություն» սեմինարը համախմբել էր հետազոտողներին ԵՊՀ-ում տեղի ունեցավ «Քաղաքային դիմացկունություն և կառուցված ժառանգություն» խորագրով միջազգային սեմինար-քննարկում՝ նվիրված քաղաքային կայունության ըմբռնմանը հետխորհրդային և համաշխարհային քաղաքային փոխակերպումների համատեքստում։
«Կրթությունը ձևավորում է սովորելու սեփական ալգորիթմ»․ ԵՊՀ ուսանող Գայանե Մարգարյան ԵՊՀ տնտեսագիտության և կառավարման ֆակուլտետի ուսանող Գայանե Մարգարյանը մեկ կիսամյակ ուսանել է Լյուդվիգսհաֆենի բիզնեսի և հասարակության համալսարանում (Գերմանիա)՝ զարգացնելով իր գիտելիքները և կատարելագործելով հմտությունները։ Նա համոզված է, որ նման փորձառությունը յուրահատուկ և անփոխարինելի է, քանի որ որոշ կարևոր հմտություններ հնարավոր է ձեռք բերել միայն նման միջազգային ու նորարարական կրթական միջավայրում։
Թվային նորագույն տեխնոլոգիաները՝ մշակութային կոթողների հանրահռչակման, զբոսաշրջությունն առավել պատկերավոր ու խոսուն դարձնելու գործիքներ Թվային տեխնոլոգիաների գործիքակազմի կիրառումը կարող է նպաստել ՀՀ մշակութային ժառանգության պահպանմանը, արժևորմանը, ինչպես նաև զբոսաշրջության զարգացմանը: Այս մասին փաստում է ԵՊՀ աստվածաբանության ֆակուլտետի դասախոս, տ.գ.թ., դոցենտ Գայանե Թովմասյանն ու հավելում. «Հեռախոսը պահելով Զվարթնոցի ավերված տաճարի դիմաց՝ կարող ենք տեսնել՝ ինչ տեսք է ունեցել այն նախկինում: Հնարավոր է նաև պատմական դեպքերի վերարտադրություն, օրինակ՝ տեսնել, թե Տիգրան Մեծը որևէ իրավիճակում ինչ է ասել»:
Գիտելիքը գործի վերածելու ճանապարհը․ ուսանողական նախաձեռնություն ԵՊՀ-ում ԵՊՀ շրջանավարտների և կարիերայի կենտրոնի նախաձեռնությամբ անցկացված «Կրթություն և կարիերա» ուսանողական նախաձեռնությունների մրցույթի հաղթող Սյուզաննա Պետրոսյանը ներկայում ղեկավարում է «Գիտելիքդ ի գործ» ծրագիրը։ Այս նախաձեռնությունը հնարավորություն է ընձեռում ԵՊՀ ուսանողներին տեսական գիտելիքները գործնական փորձի վերածելու և ձեռք բերելու այն հմտությունները, որոնք պահանջում է ժամանակակից և հատկապես միջազգային աշխատաշուկան։
Բոլորն ունեն պատասխանատվություն՝ պատերազմը մերժելու. կայացավ «Կին, պատերազմ, խաղաղություն» գրքի շնորհանդեսը ԵՊՀ Սարգիս և Մարի Իզմիրլյանների անվան գրադարանում տեղի ունեցավ «Կին, պատերազմ, խաղաղություն. կոնստրուկտը և դրա (չ)հաղթահարումը հայ գրականության մեջ» գրքի շնորհանդես-քննարկումը: Վերլուծական ակնարկների և հոդվածների այս ժողովածուում վերհանվում են այն բախումն ու շարժումը, որոնք ցույց են տալիս պատերազմի ներգործությունն աղջիկների և կանանց կյանքի վրա, որտեղ կանայք պատերազմի ժամանակ և պատերազմից հետո թե՛ առաջնորդ են ու զոհ, թե՛ առաջամարտիկ ու հերոս, թե՛ պատերազմ վերապրած ու խաղաղության ջատագով, որտեղ կանայք մայր են, քույր, դուստր և պարզապես սովորական մի կին։
ԱՄՆ-ում կայացավ «ԵՊՀ բարեկամներ» հիմնադրամի նախաձեռնությամբ կազմակերպված հերթական միջոցառումը «ԵՊՀ բարեկամներ» հիմնադրամի նախաձեռնությամբ Կալիֆոռնիայի Գլենդել քաղաքում գտնվող «Hero House» նորարարական կենտրոնում անցկացվեց հանրային ծառայության թեմայով պանելային քննարկում՝ վերարժևորելու հայերի ունեցած ներդրումը Լոս Անջելեսի հասարակական կյանքում և ուղենշելու հանրային ներգրավվածության և կրթական ոլորտում նորարարությունների ապահովման նոր հեռանկարներ։
Կրթություն և կարիերա. ԵՊՀ ֆիզիկայի ինստիտուտի թիմը հանդես է եկել ուսանողական նախաձեռնությամբ ԵՊՀ շրջանավարտների և կարիերայի կենտրոնի «Կրթություն և կարիերա» ուսանողական նախաձեռնությունների մրցույթի շրջանակում ԵՊՀ ֆիզիկայի ինստիտուտի թիմն արժանացել է ֆինանսավորման: Մրցույթը նպատակ ունի մշակելու և զարգացնելու մասնագիտական նորարարական գաղափարներ: Ըստ այդմ՝ ֆիզիկայի ինստիտուտի թիմը ստեղծել է ֆիզիկայի փորձարարական սարքերի հավաքածու՝ նախատեսված դպրոցականների համար:
Համալսարանականները «eCAMPUS» նախագծի շրջանակում այցելել են Շվեդիա Ստոկհոլմի թագավորական ինստիտուտում (Շվեդիա) կայացավ Երևանի պետական համալսարանի համակարգմամբ իրականացվող «ERASMUS+» ծրագրի «eCAMPUS» նախագծի «Սոցիալական հեռավորություն պահպանող և ներառական կամպուսային կրթության խթանումը Հայաստանի բուհերում. ԷլԿԱՄՊՈՒՍ» խորագրով ուսուցողական երկօրյա այցը, որն ուղղված էր Հայաստանի բուհերում թվային ուսուցման և ուսումնառության որակի ներքին ապահովման համակարգի մշակմանը։
