Մարդու իրավունքների ազգային հաստատությունների դերը և ոլորտում առկա մարտահրավերները. հանդիպում ԵՊՀ ուսանողների հետ Մարդու իրավունքների պաշտպանության միջազգային օրվա շրջանակում ԵՊՀ-ում հյուրընկալվեցին ՀՀ մարդու իրավունքների պաշտպան (ՄԻՊ) Անահիտ Մանասյանը, Հայաստանում ՄԱԿ-ի զարգացման ծրագրի (ՄԱԶԾ) մշտական ներկայացուցիչ Նաթիա Նացվլիշվիլին, Մալթայի Հանրապետության ներկայացուցիչ Աննե Մարի Տակեն, Սերբիայի Հանրապետության նախկին օմբուդսման, մարդու իրավունքների փորձագետ Սաշա Յանկովիչը, Մոլդովայի Հանրապետության ՄԻՊ տեղակալ Վալենտին Ռոսկան:
Տարեվերջյան ամփոփումներ․ ԵՊՀ ԳԽ արտահերթ նիստի ժամանակ ներկայացվեցին ստորաբաժանումների տարեկան հաշվետվությունները ԵՊՀ գիտական խորհրդի նիստերի դահլիճում մեկնարկեց ուսումնական ստորաբաժանումների տարեկան հաշվետվությունների ներկայացման առաջին նիստը, որի ընթացքում մի շարք ֆակուլտետների և ակադեմիական կենտրոնների ղեկավարներն ամփոփեցին տարվա գործունեությունը, ներկայացրին հիմնական ձեռքբերումներն ու ապագա ծրագրերը։ Նիստը ուղեկցվեց հարցուպատասխաններով և մասնագիտական քննարկումներով։
Պատմության դասավանդման մեթոդներն ու բովանդակությունը՝ մասնագետների դիտանկյունում. միջազգային գիտաժողով ԵՊՀ-ում ԵՊՀ պատմության ֆակուլտետի նախաձեռնությամբ մեկնարկեց «Պատմության դասավանդման տեսական և մեթոդաբանական հարցեր» խորագրով միջազգային գիտաժողովը, որի քննարկման առանցքում են բարձրագույն կրթության, պատմության և հումանիտար տարբեր գիտակարգերի դասավանդման տեսական և մեթոդաբանական խնդիրները։
ԵՊՀ ասպիրանտի գիտափորձերի կատարելագործումը և մշակութային բացահայտումները. վերապատրաստում Գերմանիայում ու Չեխիայում ԵՊՀ ֆարմացիայի ինստիտուտի ֆարմքիմիայի և ֆարմակոգնոզիայի ամբիոնի ասպիրանտ, ասիմետրիկ սինթեզի խմբի կրտսեր գիտաշխատող Էմմա Խաչատրյանը օրերս է վերադարձել Գերմանիայի Գրայֆսվալդի համալսարանից: Նա «2025 DAAD-Ostpartnerschaften» ծրագրի շրջանակում եռամսյա վերապատրաստում է անցել նշված համալսարանի Ֆարմացիայի ինստիտուտում:
«T-GREEN» նախագծի շրջանակում քննարկվել են մագիստրոսական մշակված ծրագրերի փորձարկման արդյունքներն ու դրանց համապատասխանեցումը օրենսդրական նոր կարգավորումներին «Էրազմուս+»-ի «T-GREEN» («Transforming Graduate Education for Green and Sustainable Future») նախագծի շրջանակում Պորտուգալիայի կաթոլիկ համալսարանում (ք․ Պորտո) տեղի ունեցավ աշխատաժողով՝ մագիստրոսական ծրագրերի փորձնական իրականացման արդյունքների քննարկման նպատակով։
Արձակագիր Մարկ Արենը՝ իր գրքերի և ստեղծագործական փորձառության մասին Երևանի պետական համալսարանի Սարգիս և Մարի Իզմիրլյանների անվան գրադարանում տեղի ունեցավ գրական հանդիպում արձակագիր Մարկ Արենի (Կարեն Մարգարյան) հետ։ Հանդիպման ընթացքում հեղինակն անդրադարձավ իր ստեղծագործություններին, անձնական փորձառություններին և գրական կյանքի հետաքրքիր պահերին։
ԵՊՀ արևելագիտության ֆակուլտետում ներկայացվեց «Ադրբեջաներեն (ռազմաքաղաքական և դիվանագիտական ոլորտ)» դասագիրքը ԵՊՀ արևելագիտության ֆակուլտետում կայացավ «Ադրբեջաներեն (ռազմաքաղաքական և դիվանագիտական ոլորտ)» նոր դասագրքի շնորհանդեսը։ Հեղինակը ֆակուլտետի թյուրքագիտության ամբիոնի նախկին դասախոս, ադրբեջանագետ Աշոտ Մովսիսյանն է։ Դասագիրքը նախատեսված է ինչպես արևելագիտության ոլորտի ուսանողների, այնպես էլ ռազմական, դիվանագիտական կրթական հաստատությունների և գիտական կենտրոնների այն մասնագետների համար, որոնք զբաղվում են ադրբեջաներենի ուսումնասիրությամբ կամ հետաքրքրված են այս լեզվով։
Ցեղասպանության կանխարգելման արդի մոտեցումները միջազգային փորձի համատեքստում․ գիտաժողով ԵՊՀ-ում ԵՊՀ-ում կայացավ «Ցեղասպանություն, հիշողություն, ճանաչում, կանխարգելում» խորագրով միջազգային գիտաժողովը, որի նպատակն էր մշակել նորարարական ռազմավարություններ՝ ցեղասպանության և զանգվածային վայրագությունների դեմ պայքարելու համար: Գիտական միջոցառումը կազմակերպվել էր ԵՊՀ հայագիտական հետազոտությունների ինստիտուտի (ՀՀԻ) և «Մարդու իրավունքների և ցեղասպանագիտության կենտրոն» ՀԿ-ի նախաձեռնությամբ:
Համագործակցության հուշագիր՝ ուղղված ակադեմիական փոխանակումների խթանմանը «Մաքս Վեբեր» հիմնադրամի Վրաստանի մասնաճյուղը և Երևանի պետական համալսարանը վերահաստատեցին իրենց պատրաստակամությունը՝ զարգացնելու գիտական համագործակցությունը և ստեղծելու նոր հնարավորություններ ակադեմիական փոխանակումների համար։ Այդ նպատակով կողմերը ստորագրեցին համագործակցության հուշագիր, որը կդառնա ապագա ծրագրերի և հեռանկարային նախաձեռնությունների զարգացման հիմք։
ԵՊՀ ասպիրանտի հետազոտությունը` ուղղված խոզի աֆրիկյան ժանտախտի վիրուսի վրա ազդող ապտամերների հայտնաբերմանը Խոզի աֆրիկյան ժանտախտի վիրուսը աշխարհում վերացնում է միլիոնավոր խոզերի և լուրջ վտանգ է ներկայացնում անասնապահության ու տնտեսության համար: Այս խնդիրը բարձրաձայնում է ԵՊՀ կենսաբանության ֆակուլտետի գենետիկայի և բջջաբանության ամբիոնի ասպիրանտ Հովհաննես Իգիթյանը՝ ընդգծելով, որ իր ուսումնասիրության շրջանակում է հակավիրուսային ազդեցությամբ օժտված ճիշտ ապտամերների (արհեստական ԴՆԹ-ի հաջորդականություններ) հայտնաբերումը:
