ԵՊՀ-ն ընդլայնում է համագործակցությունը Ջավահարլալ Նեհրուի անվան համալսարանի հետ ԵՊՀ ռեկտոր Հովհաննես Հովհաննիսյանը և Ջավահարլալ Նեհրուի համալսարանի (Հնդկաստան) ռեկտոր Սանտիշրի Դուլիպուդի Պանդիտը ստորագրել են փոխըմբռնման հուշագիր՝ նպատակ ունենալով զարգացնելու կրթական և գիտական կապերը, խթանելու համատեղ ծրագրերի իրականացումը և ընդլայնելու ակադեմիական շարժունությունը։
Պաշտպանել բերքն ու նվազեցնել թունաքիմիկատների կիրառությունը. ԵՊՀ ասպիրանտի ուսումնասիրությունը՝ նվիրված վնասատու միջատների դեմ պայքարին Վնասատու միջատներից բերքը պաշտպանելու, թունաքիմիկատների օգտագործումը նվազեցնելու համար անհրաժեշտ են ժամանակակից հետազոտություններ՝ պարզելու այդ միջատների առանձնահատկությունները։ Այս տեսակետն է արտահայտում ԵՊՀ կենդանաբանության ամբիոնի ասպիրանտ Արևիկ Ղռմաջյանը, որի նպատակն է ստեղծել Հայաստանի համար վնասատու միջատների ընդգրկուն տվյալների շտեմարան՝ նպաստելով քիմիական պայքարին այլընտրանք հանդիսացող մոտեցումների ստեղծմանը:
Բանակի կառուցվածքի պատմական զարգացումը. համառոտ ակնարկ Ժողովուրդների նստակեցության անցման բնական գործընթացին, զբաղմունքների մասնագիտացմանը և հասարակությունների զարգացմանը զուգահեռ՝ բանակի կազմակերպվածքը դարեցդար ենթարկվել է ձևափոխությունների: Բանակի կառուցվածքային և որակական փոփոխությունները, զինատեսակների կատարելագործումը և նորերի ի հայտ գալը մեծապես պայմանավորված են հասարակարգերի ու աշխարհակարգի վերափոխումներով, գիտատեխնիկական շարունակական առաջընթացով:
Գիտելիք, լեզուներ և միջազգային կապեր. ԵՊՀ ուսանող Տատյանա Դավթյանի կրթական փորձառությունն Իտալիայում ԵՊՀ եվրոպական լեզուների և հաղորդակցության ֆակուլտետի մագիստրանտ Տատյանա Դավթյանը «Էրազմուս+» ծրագրի շրջանակում մեկ կիսամյակ ուսանել է Աքվիլայի համալսարանում (Իտալիա), որտեղ բացահայտել է նոր հնարավորություններ ինչպես մասնագիտական, այնպես էլ անձնական զարգացման համար։
«Ուսանողները չեն ցանկանում, որ արհեստական բանականությունը ապագայում փոխարինի մարդ-դասախոսներին». ԵՊՀ դոցենտ Գայանե Թովմասյան Ուսանողների 60%-ը հաճախ է ուսման ժամանակ կիրառում թվային տեխնոլոգիաները, իսկ 18.5%-ը՝ մշտապես: Այս եզրահանգմանն է եկել ԵՊՀ աստվածաբանության ֆակուլտետի աստվածաբանության և հայ եկեղեցու պատմության ամբիոնի դոցենտ Գայանե Թովմասյանը՝ ՀՀ պետական չորս բուհերում կատարած իր հետազոտության արդյունքում: Նա շեշտում է, որ բարձրագույն կրթությունը պետք է օգտագործի արհեստական բանականության նոր գործիքները՝ պատրաստելով առավել որակյալ կրթություն ստացած մասնագետների, որոնք կկարողանան կառավարել թվային և արհեստական բանականության տեխնոլոգիաների ապագա զարգացումը։
Գիտությունից դեպի գործնական կիրառություն․ ԵՊՀ մագիստրանտի հաջողությունը «Mini MBA» ծրագրում ԵՊՀ բիզնես ինկուբատորի «Mini MBA» հինգշաբաթյա ծրագրի հաղթողներից է ԵՊՀ տնտեսագիտության և կառավարման ֆակուլտետի «Գործարար վարչարարություն (կառավարում)» կրթական ծրագրի մագիստրանտ Լիանա Խաչատրյանը։ Նրա համար ծրագիրն առանձնացել է իր գործնական ուղղվածությամբ, ինտենսիվ ձևաչափով և ակադեմիական գիտելիքը իրական բիզնես միջավայրին կապելու հնարավորությամբ։
ԵՊՀ-ում մեկնարկեց «Հետխորհրդային հիշողությունը ճգնաժամերի և շահարկումների ժամանակ» միջազգային համաժողովը ԵՊՀ գիտական խորհրդի նիստերի դահլիճում մեկնարկեց Հիշողության ուսումնասիրության միջազգային ասոցիացիայի («Memory Studies Association») «PoSoCoMeS» («Post-Soviet and Comparative Memory Studies») աշխատանքային խմբի տարեկան երրորդ համաժողովը՝ «Հետխորհրդային հիշողությունը ճգնաժամերի և շահարկումների ժամանակ» խորագրով։ Համաժողովի նպատակն է բացահայտել Եվրասիայում կոմունիստական ու սոցիալիստական անցյալի հիշողության ձևավորման բարդ, բազմաշերտ և երբեմն հակասական գործընթացները։
Հայաստանի դեղաբույսերի ուսումնասիրություն՝ միտված դեղակայունության հաղթահարմանը. ԵՊՀ հայցորդը կմեկնի Ռեգենսբուրգի համալսարան ԵՊՀ կենսաբանության գիտահետազոտական ինստիտուտի կրտսեր գիտաշխատող, հայցորդ Սվետլանա Հովհաննիսյանը եռամսյա վերապատրաստում կանցնի Ռեգենսբուրգի համալսարանում (Գերմանիա): Նա համալսարանական կլինիկայի վնասվածքաբանության փորձարարական վիրաբուժության լաբորատորիայում կուսումնասիրի Հայաստանի դեղաբույսերի ֆիտոմիացությունների միջոցով հակաբիոտիկների արդյունավետության բարձրացման մեթոդները:
ԵՊՀ-ում կնքվեց հուշագիր՝ ուղղված պետական լեզվաքաղաքականության զարգացմանը ԵՊՀ գիտական խորհրդի նիստերի դահլիճում կնքվեց համագործակցության հուշագիր ԵՊՀ-ի և ՀՀ ԿԳՄՍՆ լեզվի կոմիտեի միջև։ Հուշագրի նպատակն է բարձրացնել գիտական և կրթական մակարդակը, ամրապնդել համագործակցային կապերը և աջակցել միասնական պետական լեզվաքաղաքականության մշակմանն ու իրականացմանը։ Համագործակցության շրջանակում նախատեսվում է իրականացնել տարբեր ծրագրեր և միջոցառումներ, այդ թվում՝ հայերենի կենսունակության բարձրացմանն ուղղված նպատակային նախաձեռնություններ։
Մագիստրոսական ծրագրից մինչև միջազգային գործընկերություն․ քննարկվեց Ժողովրդագրական հետազոտությունների կենտրոնի զարգացման տեսլականը ԵՊՀ-ում տեղի ունեցավ հանդիպում՝ նվիրված ԵՊՀ ժողովրդագրական հետազոտությունների կենտրոնի հետագա գործունեության և զարգացման առաջնահերթություններին։ Քննարկման ընթացքում անդրադարձ կատարվեց Հայաստանի ժողովրդագրական մարտահրավերներին, գիտահետազոտական աշխատանքների զարգացման հնարավորություններին, ինչպես նաև կենտրոնի դերի ամրապնդմանը պետական քաղաքականության ձևավորման գործընթացում։ Կարևորվեց ակադեմիական և պետական կառույցների, ինչպես նաև օտարերկրյա գործընկերների հետ համագործակցության ընդլայնումը։
