Ամերիկյան փորձն ու կրթական նոր հնարավորությունները՝ քննարկումների առանցքում Կրթական համագործակցության և համատեղ ծրագրերի զարգացման հնարավորությունները քննարկելու նպատակով համալսարանում հանդիպում ունեցան ԵՊՀ ռեկտոր Հովհաննես Հովհաննիսյանը և Ամերիկյան խորհուրդների դաշտային գործառնությունների և ծրագրերի ավագ գործադիր տնօրեն Անն Դոմորադը։ Հանդիպման ընթացքում անդրադարձ կատարվեց կրթական փոխանակման ծրագրերին, ակադեմիական համագործակցության ընդլայնման հնարավորություններին և միջազգային կրթական նախաձեռնությունների շրջանակում համատեղ ծրագրերի իրականացման հեռանկարներին։
«Կփորձեմ համատեղել և՛ գիտությունը, և՛ աշխատանքը դեղագործական արտադրամասում». Ֆարմացիայի ինստիտուտի ուսանող ԵՊՀ ֆարմացիայի ինստիտուտի 4-րդ կուրսի ուսանող Քնարիկ Մեսրոյանի պատմությունը մասնագիտական կողմնորոշման և գիտական հայտնագործությունների մասին է։
Միասնական քննություններ․ ինչպե՞ս պատրաստվել՝ առանց ավելորդ սթրեսի Միասնական քննությունների շրջանը շատերի համար կյանքի կարևորագույն փուլերից մեկն է։ Այդ օրերին սովորողների առօրյան լցվում է անորոշությամբ, մեծ սպասումներով, ինքնավստահության տատանումներով ու լարվածությամբ։ Քննություններին նախապատրաստվելը միայն գիտելիքի ստուգում չէ․ այն նաև հոգեբանական դիմակայության փորձություն է, երբ երիտասարդները փորձում են հաղթահարել վախը, պահպանել կենտրոնացվածությունը և չկորցնել հավատը սեփական ուժերի նկատմամբ։
Կրթություն, համագործակցություն, քաղաքականություն․ ԵՊՀ-ում էր Լիտվայի ԱԳ նախարար Կեստուտիս Բուդրիսը Երևանի պետական համալսարանում հյուրընկալվեց Լիտվայի Հանրապետության արտաքին գործերի նախարար Կեստուտիս Բուդրիսի գլխավորած պատվիրակությունը։ Հանդիպման ընթացքում քննարկվեց միջազգային կրթական ծրագրերում երկկողմ համագործակցության հաջողված փորձը: Ընդգծվեցին կրթության ոլորտում համագործակցության շարունակականության կարևորությունն ու կրթության որակի բարելավման անհրաժեշտությունը:
«Ցանկանում եմ, որ ԵՊՀ-ն բոլոր համալսարանների շարքում միշտ հաղթող լինի»․ Արթուր Աբրահամ Պրոֆեսիոնալ բռնցքամարտիկ Արթուր Աբրահամը, ԵՊՀ շրջանավարտների ֆորումի շրջանակում մասնակցելով «ԵՊՀ գաղափարների պատ» նախաձեռնությանը և պատասխանելով այն հարցին, թե ինչպիսին է երազում տեսնել ԵՊՀ-ն, նշեց․ «Ցանկանում եմ, որ ԵՊՀ-ն բոլոր համալսարանների շարքում միշտ հաղթող լինի»։
Ինչպե՞ս կանխել ձկների սանգվինիկոլոզի տարածումը Հայաստանում. ԵՊՀ և ՀԱԱՀ գիտնականների համատեղ բացահայտումը Հայաստանում առաջին անգամ գրանցվել է ձկների սանգվինիկոլոզ (Sanguinicolosis) մակաբուծային հիվանդությունը: Ձկների նմուշները վերցվել են Արմավիրի մարզի ջրամբարներից մեկից, որտեղ ձկների զանգվածային անկում է գրանցվել: Հետազոտություններն սկսվել են դեռևս 2023 թ., իսկ «Ձկների սանգվինիկոլոզի գրանցումը Հայաստանի Հանրապետությունում» վերտառությամբ հոդվածը հրապարակվել է վերջերս «Iranian Journal of Veterinary Medicine» հանդեսում:
Ֆրանս-հայկական ամառային դպրոցը՝ կենսաբանությունն ու գյուղատնտեսական գիտությունները միավորող օղակ ԵՊՀ կենսաբանության ֆակուլտետում անցկացվեց «Կամրջելով ֆիզիկական քիմիան կենսաբանության և ագրոգիտությունների հետ․ ներկա միտումները և կիրառությունները» խորագրով ֆրանս-հայկական ամառային դպրոցը՝ միավորելով տարբեր մասնագիտությունների ուսանողների և ստեղծելով գիտական ու միջմշակութային համագործակցության հարթակ։
«Հայաստանն այժմ ոչ միայն ձևավորվում է պատմության կողմից, այլև ինքն է մասնակցում պատմության ձևավորմանը». ԵՊՀ պրոֆեսոր Պրոֆեսոր Քրիստինա Վանբերգենը արդեն մեկ ուսումնական տարի է, ինչ դասավանդում է ԵՊՀ միջազգային հարաբերությունների ֆակուլտետում: Նա ուսուցանում է ֆակուլտետի կրթական ծրագրերում ներառված «Արհեստական բանականությունը և համաշխարհային քաղաքականության ոչ պետական դերակատարները» դասընթացը: Նախքան ԵՊՀ այցելելը պրոֆեսորը դասախոսել է Բրյուսելի ազատ համալսարանում և Ֆլորենցիայի եվրոպական համալսարանական ինստիտուտում:
Հանդիպում մեկ տանիքի տակ․ կայացավ ԵՊՀ շրջանավարտների ֆորումը ԵՊՀ մեծ դահլիճում մեկնարկեց Շրջանավարտների ֆորումի պաշտոնական բացման արարողությունը․ բեմից հնչեցին «Բարի վերադարձ, սիրելի՛ շրջանավարտներ» խոսքերը, որոնք անմիջապես ջնջեցին տարիների հեռավորությունը՝ դահլիճը լցնելով վերադարձի ու նորից համալսարանին միավորվելու զգացումով։ Հին լսարաններից, քննությունների լարված օրերից և ուսանողական տարիներից եկած պատմությունները մի պահ կրկին միավորեցին ԵՊՀ երբեմնի ուսանողներին։ Օրը խորհրդանշական էր․ ԵՊՀ հիմնադրման 107-ամյակն էր, և հենց այդ օրը ԵՊՀ վերադարձած տարբեր սերունդների շրջանավարտները եկել էին շնորհավորելու, շփվելու, խոսելու ու քննարկելու՝ իրենց հետ բերելով ոչ միայն հիշողություններ, այլև նոր գաղափարներ ու կապեր, որոնք ևս մեկ անգամ միավորեցին համալսարանը իր մեծ համայնքի հետ։
Ուսուցիչների եռօրյա վերապատրաստում Երևանի պետական համալսարանում «ERASMUS+»-ի ««PROVE». Հարավային Կովկասի բարձրագույն կրթական հաստատություններում արժեքներին միտված կրթության խթանում» նախագծի շրջանակում Երևանի պետական համալսարանում տեղի ունեցավ ՀՀ հանրակրթական դպրոցների ուսուցիչների վերապատրաստում` «Արժեքների և գիտելիքի կրթություն» («VaKE») թեմայով։ Այն եզակի կրթական մոտեցում է, որը ներդաշնակորեն միավորում է արժեքների վրա հիմնված և հետազոտահենք ուսուցումը։
