Ամփոփելով կիսամյակային գործունեությունը․ տեղի ունեցավ ԵՊՀ ՈՒԳԸ ընդլայնված նիստը ԵՊՀ գիտական խորհրդի նիստերի դահլիճում կայացավ Ուսանողական գիտական ընկերության (ՈՒԳԸ) ընդլայնված նիստը, որի օրակարգում կիսամյակային աշխատանքների ամփոփումն էր, այդ թվում՝ կիսամյակային գործունեության ծրագրերի արդյունքներով ստորաբաժանումների վարկանիշային ցուցանիշների ներկայացումը։ Նիստի շրջանակում ներկայացվեցին կառույցի գրանցած հաջողությունները, պարգևատրվեցին կիսամյակի ընթացքում ակտիվ գործունեություն ծավալած ՈՒԳԸ լավագույն անդամները։
Մեղվի փեթակից դեպի գիտական ամբիոն. ինչպես են ԵՊՀ գիտնականները բացահայտում միկրոբիոմի գաղտնիքները Երևանի պետական համալսարանում «Հաշվետու գիտաժողով-2025»-ի ընթացքում Կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի դոցենտ Ինգա Բազուկյանը ներկայացրեց եռամսյա հետազոտական նախագծի արդյունքները, որոնք նվիրված էին ՀՀ տարբեր մարզերի մեղրատու մեղուների միկրոբիոմի ուսումնասիրությանը և մեղվաթույնի կենսաբանական ակտիվությունների բացահայտմանը։ Այս ուսումնասիրությունը ոչ միայն անդրադարձ էր մեղվաբուծության կենսաբանության կարևոր հարցերին, այլև համալսարանական գիտության նոր որակի օրինակ։
ԵՊՀ-ն ընդլայնում է գործակցությունը ԶՊՄԿ-ի հետ ԵՊՀ-ի և «Զանգեզուրի պղնձամոլիբդենային կոմբինատ» բարեգործական հիմնադրամի միջև կնքվեց համագործակցության հուշագիր՝ ընդլայնելու կողմերի միջև գործակցային կապերը։
Գերմաներենի օրվան նվիրված միջոցառում ԵՊՀ-ում Երևանի պետական համալսարանի գիտական խորհրդի նիստերի դահլիճում կայացավ «Գերմաներենի օրը Հայաստանում» խորագրով միջոցառումը։ Նախասրահում կազմակերպվել էր գերմանական հրատարակչությունների գրքերի ցուցադրություն, իսկ դահլիճում՝ աշակերտների՝ վարժ գերմաներենով ներկայացում:
Դիվանագիտության տեսություն ու արվեստ․ Աբբաս Արաղչիի «Բանակցության ուժը» գրքի քննարկումը ԵՊՀ-ում ԵՊՀ արևելագիտության ֆակուլտետի իրանագիտության ամբիոնը կազմակերպեց Իրանի Իսլամական Հանրապետության արտգործնախարար Աբբաս Արաղչիի «Բանակցության ուժը» գրքի քննարկումը, որը ոչ միայն ակադեմիական նախաձեռնություն էր, այլ նաև մշակութային առաքելություն՝ միտված հայ-իրանական հարաբերությունների խորացմանը։ Մեկ ամիս առաջ հայերեն թարգմանված այս աշխատությունը ներկայացնում է ժամանակակից դիվանագիտության նրբերանգները՝ իսլամական, արևելյան և համաշխարհային մտածողության համադրությամբ։
Արտաքին քաղաքական թեմաներով հետազոտական աշխատանքներ, օտարազգի նոր ընկերներ և ունեցածի վերարժևորում. ԵՊՀ ուսանողը՝ Զալցբուրգի համալսարանի մասին ԵՊՀ ուսանող Իրինա Սեդրակյանն «Էրազմուս+» ծրագրի շրջանակում ուսումը շարունակում է Զալցբուրգի համալսարանում (Ավստրիա): Արտասահմանյան բուհում նա կատարել է հետազոտական մի շարք աշխատանքներ, մասնավորապես փորձել է ռեալիստորեն վերլուծել Չինաստան-ԱՄՆ մրցակցությունը և ռուս-ուկրաինական պատերազմը: Իրինան կրթությանը զուգահեռ ընդլայնել է իր միջավայրը՝ ձեռք բերելով տարբեր մշակույթներ կրող ընկերներ: Արտերկրում նա կարևորել է մարդկանց հետ անմիջական շփումը, նորովի գնահատել հայկական մշակույթն ու վերարժևորել ԵՊՀ-ն:
ԵՊՀ-ում բացվեց Օպտիկայի և ֆոտոնիկայի կենտրոն․ ՀՀ վարչապետը ծանոթացավ համալսարանում իրականացվող գիտահետազոտական աշխատանքներին ԵՊՀ-ում տեղի ունեցավ Ֆիզիկայի ինստիտուտի օպտիկայի և ֆոտոնիկայի նորաստեղծ կենտրոնի բացման արարողությունը, որին ներկա էին ՀՀ վարչապետ Նիկոլ Փաշինյանը, ԿԳՄՍ նախարար Ժաննա Անդրեասյանը, գիտության կոմիտեի նախագահի տեղակալ Արթուր Մովսիսյանը, ԵՊՀ ղեկավարությունը, ինստիտուտի և կենտրոնի աշխատակիցները։ Այցի ընթացքում վարչապետը շրջեց համալսարանի մի շարք առաջատար գիտական լաբորատորիաներով՝ ծանոթանալով իրականացվող հետազոտություններին, տեխնոլոգիական հնարավորություններին և ստեղծված ենթակառուցվածքներին։
Միկրոորակավորումները՝ բարձրագույն կրթության համակարգերի զարգացման նոր ուղի ԵՊՀ գիտական խորհրդի նիստերի դահլիճում կայացավ ԵՄ «Էրազմուս+» ծրագրի շրջանակում իրականացվող «MICRO-GEAR» նախագծի հերթական աշխատաժողովը։ Այն նպատակ ունի աջակցելու կրթության ոլորտում կառուցվածքային բարեփոխումներին՝ միկրոորակավորումների լայն տարածմանն ու կիրառմանը բարձրագույն կրթության համակարգերում մասնավորապես Հայաստանում և Վրաստանում:
Այն երկրները, որոնք համագործակցել են հայկական համայնքների հետ, մեծ օգուտներ են ունեցել. Հայկազ Հովհաննիսյան Հայերի բռնագաղթերը հիմնականում տեղի են ունեցել 18-20-րդ դարերում, ուստի Ռուսաստանում, Եվրոպայում, Ասիայում և այլուր առկա հայկական գաղթօջախները մեծ մասամբ ձևավորվել են այդ ժամանակահատվածում: Այն երկրները, որոնք համագործակցել են հայկական գաղթօջախների հետ, մեծ օգուտներ են ունեցել: Այդ մասին վկայող փաստերը շատ են ու վերաբերում են ավելի վաղ ժամանակաշրջանի, քան 20-րդ դարի նշանավոր անձանց (օրինակ՝ Շառլ Ազնավուրի, Միսաք Մանուշյանի և այլոց) մասին վկայություններն են: Այս մասին փաստում է ԵՊՀ պատմության ֆակուլտետի պրոֆեսոր Հայկազ Հովհաննիսյանը՝ ուսումնասիրելով «Մատենադարան» Մ. Մաշտոցի անվան հին ձեռագրերի գիտահետազոտական ինստիտուտում և «Հայաստանի ազգային արխիվ» ՊՈԱԿ-ում պահվող այնպիսի փաստաթղթեր, որոնք, ըստ հետազոտողի, մինչ օրս քննության չեն ենթարկվել:
Արաբերենի դասավանդման մշակութային շերտերը. միջազգային գիտաժողով ԵՊՀ-ում ԵՊՀ արևելագիտության ֆակուլտետի Ֆիրդուսիի անվան դահլիճում մեկնարկեց «Սոցիալ-մշակութային շերտերը արաբերենի դասավանդման մեջ» խորագրով միջազգային գիտաժողովը, որի շրջանակում Եվրոպայի, Ռուսաստանի և Հայաստանի տարբեր բուհերի մասնագետներ քննարկեցին արաբերենի դասավանդման և ուսումնառության գործընթացները ձևավորող սոցիալական և մշակութային գործոնների միջև եղած կապը, արաբախոս հասարակություններում դիգլոսիայի ազդեցությունը լեզվական բազմազանության վրա, լեզվի դասավանդման մեջ բարբառների և մշակութային տարրերի ներառման մեթոդները և այդ տարրերի ազդեցությունը ինչպես դասավանդման, այնպես էլ ընդհանուր ուսուցման գործընթացի վրա:
