Ժողովրդավարություն, մարդու իրավունքներ, անվտանգություն․ ԵՊՀ-ում մեկնարկեց «DeHuRiS» ծրագիրը ԵՊՀ-ում պաշտոնապես մեկնարկեց «Եվրոպական ուսումնասիրությունների «Ժան Մոնե» գերազանցության կենտրոն. ժողովրդավարություն, մարդու իրավունքներ և անվտանգություն («DeHuRiS»)» ծրագիրը, որն իրականացվելու է «Էրազմուս+»-ի «Ժան Մոնե» ծրագրի շրջանակում։ Ծրագրի նպատակն է հատուկ ուշադրություն դարձնել եվրոպական ինտեգրմանը, ժողովրդավարության, մարդու իրավունքների պաշտպանության և անվտանգության խնդիրներին:
Շարունակական կրթության զարգացման նոր հնարավորություններ ԵՊՀ-ում ԵՊՀ-ն և Գերմանիայի ժողովրդական բարձրագույն դպրոցների միության միջազգային համագործակցության ինստիտուտի հայաստանյան գրասենյակը՝ «Դի-Վի-Վի Ինթերնեյշնալը», ստորագրեցին փոխըմբռնման հուշագիր, որը նպատակ ունի համատեղ ծրագրերով նպաստելու մեծահասակների ուսումնառության և շարունակական կրթության համակարգի զարգացմանը։
ԵՊՀ-ն և Հայաստանի բանկերի միությունը՝ արցախցի ուսանողների կողքին ԵՊՀ ռեկտոր Հովհաննես Հովհաննիսյանի, Հայաստանի բանկերի միության (ՀԲՄ) նախագահ Դանիել Ազատյանի և արցախցի ուսանողների մասնակցությամբ ԵՊՀ գիտական խորհրդի նիստերի դահլիճում այսօր տեղի ունեցավ հանդիպում, որի ժամանակ քննարկվեցին կրթական հնարավորությունները ու համագործակցության հեռանկարները։ Հանդիպման ժամանակ Դանիել Ազատյանն ուսանողներին ներկայացրեց բանկային համակարգի առանձնահատկություններն ու պատասխանեց նրանց հարցերին։
ԵՊՀ-ում հյուրընկալվեցին Եվրոպական խորհրդարանի պատգամավորները ԵՊՀ-ում էին Եվրոպական խորհրդարանի (ԵԽ) պատգամավորները՝ պատվիրակության ղեկավար Նիլ Ուշակովի և Հայաստանում ԵՄ դեսպան Վասիլիս Մարագոսի գլխավորությամբ: Նրանց ուղեկցում էին Բելգիայի Թագավորությունում ՀՀ արտակարգ և լիազոր դեսպան Տիգրան Բալայանն ու ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը: Համալսարանականների հետ հանդիպման նպատակն էր քննարկել Հայաստանի՝ Եվրամիությանը միանալու ծրագիրը, ինչպես նաև կրթական նոր կապեր ստեղծել Հայաստանի և ԵՄ անդամ երկրների երիտասարդների միջև։
Հայկական մշակույթը Դունարեա դե Ջոս համալսարանում. գիտելիք ու նոր ընկերներ ձեռք բերելուն զուգահեռ ԵՊՀ ուսանողը ներկայացրել է նաև հայկական ավանդականը Հարուստ գիտելիքներ՝ համեմված մշակութային միջոցառումներով. ԵՊՀ ուսանող Լիանա Ալեքսանյանը տպավորված է վերադարձել հայրենիք Ռումինիայի Գալաց քաղաքի Դունարեա դե Ջոս համալսարանում մեկ կիսամյակ ուսումնառելուց հետո: Նա Ռումինիա էր մեկնել «Էրազմուս+» ծրագրի շրջանակում: Բազմամշակութային միջավայրում կրթություն ստանալուց զատ՝ ԵՊՀ ուսանողը ներկայացրել է նաև Հայաստանի պատմությունն ու մշակութային ժառանգությունը:
Հայկական ժողովրդական իմաստությունն աշխարհին՝ Դորա Սաքայանի եռալեզու առածարանների միջոցով Երևանի պետական համալսարանում կայացավ ճանաչված լեզվաբան, հայագետ, թարգմանիչ, ՄաքԳիլլ համալսարանի պրոֆեսոր, ԵՊՀ պատվավոր դոկտոր Դորա Սաքայանի երեք երկլեզու առածարանների շնորհանդեսը։ Նրա հեղինակած «Armenian Proverbs in English Translation», «2500 Armenische Sprichwörter in deutscher Übersetzung» և «2500 Proverbes Arméniens traduits en français» գրքերը (հայերեն-անգլերեն, հայերեն-գերմաներեն և հայերեն-ֆրանսերեն) ընթերցողին հնարավորություն են տալիս ծանոթանալու հայկական առածների խորությանը, բազմազանությանը և լեզվական առանձնահատկություններին։
Բազմալեզու կրթության կարևորությունը․ փետրվարի 21-ը Մայրենի լեզվի միջազգային օրն է Մայրենի լեզվի միջազգային օրը հիշեցնում է տարբեր մշակույթներում լեզուների բազմազանության դերի և անգնահատելի կարևորության մասին։ Օրը արժևորում է լեզվաբանության ոլորտում մշակութային բազմազանությունը պահպանելու անհրաժեշտությունը՝ ուսուցման մեջ կիրառելով բազմալեզու մոտեցում, ինչը հնարավորություն է ընձեռում հաղորդակցվելու տարբեր համայնքներում և ճանաչելու աշխարհի հարուստ մշակույթները։
Կրթական նոր կամուրջներ․ ԵՊՀ-ում բացվեց նոր լսարան ՀՀ-ում Դոմինիկյան Հանրապետության դեսպանության աջակցությամբ ԵՊՀ եվրոպական լեզուների և հաղորդակցության ֆակուլտետում տեղի ունեցավ ՀՀ-ում Դոմինիկյան Հանրապետության դեսպանության աջակցությամբ վերանորոգված լսարանի հանդիսավոր բացումը։ Նորաբաց լսարանը նախատեսված է իսպաներենի խորացված ուսուցման համար և միտված է խթանելու ԵՊՀ-ում իբերոամերիկյան մշակույթի տարածումը։
ԵՊՀ-ում «Գրովֆ» ընկերության աջակցությամբ բացվեց չիպերի նախագծման և վերիֆիկացման լաբորատորիա ԵՊՀ ֆիզիկայի ինստիտուտում տեղի ունեցավ կրթական արդի չափանիշներին համապատասխան սարքավորումներով հագեցած լաբորատորիայի հանդիսավոր բացումը։ «Գրովֆ» ընկերության աջակցությամբ վերանորոգված լաբորատորիան հնարավորություններ կընձեռի ուսանողներին ոչ միայն խորացնելու տեսական գիտելիքները, այլև ձեռք բերելու և զարգացնելու գործնական հմտություններ։
Գրիգոր Լուսավորչի պատկերները հայ-ռումինական սրբանկարչության մեջ. ԵՊՀ հետազոտողի հոդվածը` միջազգային բարձր վարկանիշ ունեցող հանդեսում Ռումինահայ գաղթօջախներում առկա է հարուստ գեղարվեստական ժառանգություն։ Հատկապես մեծ արժեք են ներկայացնում ռումինահայ վարպետների ստեղծած սրբապատկերները թե՛ իրենց ոճով, թե՛ պատկերագրությամբ: ԵՊՀ պատմության ֆակուլտետի հայ արվեստի պատմության և տեսության ամբիոնի դոցենտ Սեյրանուշ Մանուկյանն ու իր ասպիրանտ Շողակաթ Դևրիկյանն ուսումնասիրել են Գրիգոր Լուսավորչի պատկերները հայ-ռումինական սրբանկարչության մեջ, որոնք ստեղծվել են 16-19-րդ դարերում: Այս թեմայի վերաբերյալ նրանց հեղինակած հոդվածը հրապարակվել է միջազգային բարձր վարկանիշ ունեցող «Вестник Санкт-Петербургского университета» հանդեսում։
