Երիտասարդ գիտնականների դերակատարումը գիտության զարգացման գործում․ ԵՊՀ-ում մեկնարկեց «Ապագայի գիտնականները» խորագրով նախագիծը ԵՊՀ ռուս բանասիրության ֆակուլտետում տեղի ունեցավ «Ապագայի գիտնականները» խորագրով նախագծի մեկնարկային միջոցառումը, որի շրջանակում բացման խոսքով հանդես եկան ԵՊՀ ռեկտոր Հովհաննես Հովհաննիսյանը և Ա․ Ս․ Պուշկինի անվան ռուսաց լեզվի պետական ինստիտուտի ռեկտոր Նիկիտա Գուսևը։ Նախագծի շրջանակում համալսարանի տարբեր ֆակուլտետներում դասախոսություններ և վարպետության դասեր են անցկացնելու Ռուսաստանի առաջատար բուհերի՝ տարբեր ոլորտների հետազոտողներն ու գիտնականները։
Երազանքից իրականություն․ ԵՊՀ ուսանողի ուսումնական ճամփորդությունը «Էրազմուս+» ծրագրով «Արտասահմանում ուսանելու փորձն ինձ համար շատ արժեքավոր էր․ այն հնարավորություն տվեց զարգացնելու մասնագիտական կարողություններս, սովորելու ակադեմիական նոր միջավայրում, շփվելու տարբեր երկրներից ժամանած ուսանողների հետ և ընդլայնելու մտահորիզոնը»,- ասում է ԵՊՀ եվրոպական լեզուների և հաղորդակցության ֆակուլտետի մագիստրատուրայի 2-րդ կուրսի ուսանող Անահիտ Ալեքսանյանը։ Նա «Էրազմուս+» փոխանակման ծրագրի շրջանակում մեկնել է Իտալիա և սովորել Վենետիկի Կա Ֆոսկարի համալսարանում։
Ազգային հիշողությունը և միասնականության գաղափարը՝ ԵՊՀ ուսանողների պատկերացմամբ ԵՊՀ Շառլ Ազնավուրի անվան մշակույթի կենտրոնում Ուսանողական խորհրդի մշակույթի հանձնաժողովի նախաձեռնությամբ կայացավ «Հայը» խորագրով ազգագրական ներկայացումը, որի նպատակն էր յուրովի վերարժևորել և կարևորել հայրենասիրությունը, ազգային ինքնագիտակցությունն ու մշակութային ժառանգության ճանաչումը։ Ներկայացման շնորհիվ «կենդանացավ» ազգային մշակույթի բազմերանգ աշխարհը՝ իր ավանդույթներով, կերպարներով և պատմական հիշողությամբ։
Տնտեսության շարժիչ ուժերից մեկը․ հանրային սննդի ոլորտի զարգացումը և մարտահրավերները ԵՊՀ տնտեսագիտության և կառավարման ֆակուլտետում տեղի ունեցավ ոլորտային հերթական պանելային քննարկումը՝ «ՀՀ հանրային սննդի («HoReCa») ոլորտի խնդիրներն ու զարգացման միտումները» թեմայով։ Քննարկման շրջանակում ոլորտի առաջատար ընկերությունների հիմնադիրներն ու մասնագետները ներկայացրին, թե ինչպես արդյունավետ կառուցել, զարգացնել և կառավարել բիզնեսը՝ հաշվի առնելով ժամանակակից միտումներն ու մարտահրավերները։
«Հայոց միջնադարյան համալսարանը» խորագրով բանախոսություն ԵՊՀ-ում ԵՊՀ պրոֆեսոր Լ. Ղարիբջանյանի անվան պատմության թանգարանում տեղի ունեցած «Հայոց միջնադարյան համալսարանը» խորագրով բանախոսությանը Մատենադարանի ավագ գիտաշխատող, պ.գ.թ. Լուսինե Թումանյանը ներկայացրեց Գլաձորի համալսարանի պատմությունը՝ անդրադառնալով վերջինիս հոգևոր, գիտակրթական և մշակութային հարուստ ժառանգությանը:
Քաղաքների կայուն զարգացումը՝ մարդու իրավունքների համատեքստում․ աշխատաժողով ԵՊՀ-ում ԵՊՀ-ում անցկացվեց «Քաղաքային կայուն զարգացում և մարդու իրավունքներ» խորագրով աշխատաժողովը, որը կազմակերպվել էր Եվրոպական ուսումնասիրությունների կենտրոնի, Աշխարհագրության և երկրաբանության ֆակուլտետի, ինչպես նաև Կայուն զարգացման կենտրոնի համագործակցությամբ` «Եվրոպական ուսումնասիրությունների «Ժան Մոնե» գերազանցության կենտրոն. ժողովրդավարություն, մարդու իրավունքներ և անվտանգություն («DeHuRiS»)» ծրագրի շրջանակում։
Մտքեր, գաղափարներ և քննարկումներ․ գիտաժողովի օրակարգում են փիլիսոփայությունն ու արդի մարտահրավերները ԵՊՀ-ում մեկնարկեց «Փիլիսոփայությունը և արդի մարտահրավերները։ Մարդը գոյաբանական ծուղակում» խորագրով միջազգային եռօրյա գիտաժողովը։ Գիտական այս միջոցառումը նպատակ ունի խթանելու փիլիսոփայական գիտելիքի զարգացումը, առկա հիմնախնդիրների փիլիսոփայական իմաստավորումը, ամրապնդելու տարբեր երկրների ակադեմիական և կրթական հաստատությունների փիլիսոփաների գործակցությունն ու փորձի փոխանակումը, կրթական հաստատություններում ավանդվող փիլիսոփայական գիտելիքների բովանդակային հարստացումը և դասավանդման մեթոդների կատարելագործումը։
Ոսկրածուծում «թաքնվող» և հետագայում քաղցկեղի նոր օջախներ առաջացնող բջիջների ուսումնասիրությունը՝ ԵՊՀ կենսաբանների հետազոտության տիրույթում Քիմիաթերապիայից հետո քաղցկեղային բջիջները կարող են «թաքնվել», հատկապես՝ ոսկրածուծում: Որոշակի ազդակների հետևանքով դրանք տարիներ անց կարող են նորից մտնել արյան շրջանառության մեջ՝ առաջացնելով քաղցկեղի նոր օջախներ։ Օրինակ՝ եթե հիվանդը ունեցել է կրծքագեղձի քաղցկեղ, ապա հավանական է, որ հիվանդությունը կրկնվի: Ներկայացնելով այս խնդիրը՝ ԵՊՀ հիմնարար և ախտաբանական կենսաքիմիայի լաբորատորիայի վարիչ Նիկոլայ Ավթանդիլյանն ընդգծում է, որ ԵՊՀ կենսաբանները փորձում են պարզել՝ ինչու են այդ բջիջները «գնում» ոսկրածուծ, որ գործոններն են նպաստում նրանց «թաքնվելուն», այնուհետև հիվանդության՝ նոր թափով գլուխ բարձրացնելուն:
DSB-SC մոդուլյացիայի կիրառումը անօդաչու թռչող սարքերի ռադիոհաճախային համակարգերում․ ԵՊՀ ասպիրանտի հետազոտությունը ԵՊՀ ֆիզիկայի ինստիտուտի ասպիրանտ Նաիրա Գասպարյանը ՀՀ ԿԳՄՍՆ բարձրագույն կրթության և գիտության կոմիտեի «Ասպիրանտների և երիտասարդ հայցորդների հետազոտությունների աջակցության ծրագիր-2025»-ի հաղթողներից է։ Նա գիտական ծրագրի շրջանակում հետազոտություններ է կատարում՝ ուսումնասիրելով DSB-SC մոդուլյացիայի կիրառումը անօդաչու թռչող սարքերի ռադիոհաճախային համակարգերում՝ ոչ գծային երևույթների վերլուծության համար։ «Թեմայի կարևորությունը պայմանավորված է նրանով, որ DSB-SC-ն ժամանակակից կապի տեխնոլոգիաների հիմքն է՝ ներառյալ SSB, QAM, I/Q մոդուլյացիաները և թվային հաղորդակցական համակարգերը»,- ասում է ասպիրանտը։
Էսսեագրության մեթոդները և նորարարական մոտեցումները․ հանդիպում ԵՊՀ-ում ԵՊՀ-ում անցկացվեց «Էսսեագրություն» թեմայով հանդիպում՝ նպատակ ունենալով հանրակրթական դպրոցների աշակերտներին ծանոթացնելու էսսե գրելու առանձնահատկություններին։ Փիլիսոփայության և հոգեբանության ֆակուլտետի ու Ընդունելության և դիմորդների հետ տարվող աշխատանքների կենտրոնի համատեղ նախաձեռնությամբ կազմակերպված հանդիպման բանախոսն էր ԵՊՀ սոցիալական փիլիսոփայության, բարոյագիտության և գեղագիտության ամբիոնի դոցենտ Արման Ղարագուլյանը։
