Համագործակցության հուշագիր՝ ուղղված ակադեմիական փոխանակումների խթանմանը «Մաքս Վեբեր» հիմնադրամի Վրաստանի մասնաճյուղը և Երևանի պետական համալսարանը վերահաստատեցին իրենց պատրաստակամությունը՝ զարգացնելու գիտական համագործակցությունը և ստեղծելու նոր հնարավորություններ ակադեմիական փոխանակումների համար։ Այդ նպատակով կողմերը ստորագրեցին համագործակցության հուշագիր, որը կդառնա ապագա ծրագրերի և հեռանկարային նախաձեռնությունների զարգացման հիմք։
ԵՊՀ ասպիրանտի հետազոտությունը` ուղղված խոզի աֆրիկյան ժանտախտի վիրուսի վրա ազդող ապտամերների հայտնաբերմանը Խոզի աֆրիկյան ժանտախտի վիրուսը աշխարհում վերացնում է միլիոնավոր խոզերի և լուրջ վտանգ է ներկայացնում անասնապահության ու տնտեսության համար: Այս խնդիրը բարձրաձայնում է ԵՊՀ կենսաբանության ֆակուլտետի գենետիկայի և բջջաբանության ամբիոնի ասպիրանտ Հովհաննես Իգիթյանը՝ ընդգծելով, որ իր ուսումնասիրության շրջանակում է հակավիրուսային ազդեցությամբ օժտված ճիշտ ապտամերների (արհեստական ԴՆԹ-ի հաջորդականություններ) հայտնաբերումը:
Կրթություն, գիտություն, պրակտիկա․ համագործակցության հուշագիր ԵՊՀ-ի և Բարձրագույն դատական խորհրդի միջև ԵՊՀ ռեկտոր Հովհաննես Հովհաննիսյանը, Բարձրագույն դատական խորհրդի նախագահ Արթուր Աթաբեկյանը և Իրավագիտության ֆակուլտետի դեկան Հարություն Խաչիկյանը ստորագրեցին համագործակցության հուշագիր՝ կարևորելով իրավաբանական կրթություն-գիտություն-պրակտիկա շղթայական համագործակցության արդյունավետ, կառուցողական և շարունակական զարգացումը։
ԵՊՀ-ում բացվեց նոր՝ Սպեկտրոսկոպիայի և քրոմատոգրաֆիայի լաբորատորիա ԵՊՀ քիմիայի ֆակուլտետում բացվեց Սպեկտրոսկոպիայի և քրոմատոգրաֆիայի լաբորատորիա, որը կծառայի որպես գիտական և ուսումնական հետազոտությունների հարթակ՝ նպաստելով ժամանակի պահանջներին համահունչ ուսումնասիրությունների կատարմանը:
Շնորհակալագրի հանձնման արարողություն՝ ի նշան երախտագիտության և բարձր գնահատանքի ԵՊՀ ֆարմացիայի ինստիտուտում տեղի ունեցավ Ֆարմքիմիայի և ֆարմակոգնոզիայի ամբիոնի դոցենտ, ք.գ.թ. Սամվել Վարդապետյանի գիտակրթական բազմամյա գործունեության արժևորման հանդիսավոր արարողությունը:
Արդիական միջավայր կրթության համար․ ԵՊՀ կենսաբանության ֆակուլտետում բացվեցին ուսումնական լաբորատորիաներ Նոր պայմաններ և նոր հնարավորություններ համալսարանականների համար․ ԵՊՀ կենսաբանության ֆակուլտետում բացվեցին երեք նոր ուսումնական լաբորատորիաներ, որոնց շնորհիվ գիտելիքը «կտեղափոխվի» ժամանակակից կիրառական հարթություն՝ ուսանողներին առաջարկելով գործնականում կիրառել իրենց գիտելիքները և կատարելագործել հմտությունները իրական հետազոտական միջավայրում։
Մարտահրավերներ, բացահայտումներ, մասնագիտական զարգացում․ Կիրի Մանուկինի դասախոսությունները ԵՊՀ-ում Կիրի Մանուկինը «English Language Fellow» ծրագրի շրջանակում Հայաստանում անգլերենի ուսուցիչների համար անցկացրել է մասնագիտական վերապատրաստումներ, ինչպես նաև դասավանդել անգլերեն Երևանի պետական համալսարանում։ Նա ԱՄՆ այն քաղաքացիներից է, որոնք ընտրվել էին 2022-2023 և 2023-2024 ուսումնական տարիներին «English Language Fellow» ծրագրի շրջանակում անգլերեն դասավանդելու համար։ Նրանց խումբը առաջիններից էր, որն աշխատում էր համավարակին հաջորդած շրջանում, երբ տեղական բոլոր կրթաթոշակային ծրագրերը ժամանակավորապես դադարեցվել էին։
ԵՊՀ շարունակական կրթության կենտրոնում հյուրընկալվեցին «Դի-Վի-Վի Ինթերնեյշնալ» կազմակերպության ներկայացուցիչները ԵՊՀ շարունակական կրթության կենտրոնում (ՇԿԿ) ուսումնական այցի շրջանակում հյուրընկալվեցին գերմանական «Դի-Վի-Վի Ինթերնեյշնալ» կազմակերպության (Գերմանիայի ժողովրդական բարձրագույն դպրոցների միության միջազգային համագործակցության ինստիտուտ)՝ Թունիսի և Ալժիրի գրասենյակների և գործընկեր կառույցների ներկայացուցիչները։ Այցի հիմնական նպատակն էր ծանոթանալ Շարունակական կրթության կենտրոնի կատարած աշխատանքին, մեծահասակների կրթության ոլորտում ունեցած ձեռքբերումներին, ինչպես նաև «Դի-Վի-Վի Ինթերնեյշնալ» կազմակերպության հայաստանյան գրասենյակի հետ համագործակցության փորձին։
Մեկ ծրագիր, բազմաթիվ հնարավորություններ․ ԵՊՀ ասպիրանտի միջազգային կրթական փորձառությունը Իտալիայում Ինչպե՞ս «Էրազմուս+» ծրագիրը ԵՊՀ հայ բանասիրության ֆակուլտետի ասպիրանտ Նելլի Եսայանի համար ձևավորեց նոր մտածողություն, լեզվամշակութային նոր տեսլական և հետազոտողի զարգացման ու կատարելագործման ուղիներ։
Ուրվագծվում են հայ-ղազախական գիտակրթական համագործակցության նոր հեռանկարներ․ հանդիպում ԵՊՀ-ում ԵՊՀ ռեկտոր Հովհաննես Հովհաննիսյանն այսօր հյուրընկալեց Հայաստանի Հանրապետությունում Ղազախստանի արտակարգ և լիազոր դեսպան Բոլատ Իմանբաևին, Ալ-Ֆարաբիի անվան Ղազախստանի ազգային համալսարանի ռեկտոր Ժանսեիտ Կանսեյտուլի Տույմեբաևին և Ղազախստանի Հանրապետության դեսպանատան խորհրդական Ասկար Երկինովին։ Հանդիպման նպատակն էր ուղենշել երկու համալսարանների միջև գիտակրթական կապերի ամրապնդման և նոր գործակցության հեռանկարները։
