Գիտաժողովներ

2026 թ. հոկտեմբերի 8-9 Երևանի պետական համալսարանի ռուս բանասիրության ֆակուլտետի նախաձեռնությամբ կանցկացվի «Ռուսագիտությունը ժամանակակից աշխարհում» խորագրով միջազգային գիտագործնական գիտաժողով՝ նվիրված Երևանի պետական համալսարանի ռուս բանասիրության ֆակուլտետի հիմնադրման 50-ամյակին:

ԵՊՀ ժուռնալիստիկայի ֆակուլտետի և Հայկական նշանագիտական ուսումնասիրությունների ասոցիացիայի նախաձեռնությամբ ս.թ. հոկտեմբերի 15-17-ը կանցկացվի միջազգային գիտաժողով՝ «Մեդիատեքստ. նշանակություն և արհեստական բանականություն, նոր իմաստների որոնում» խորագրով:

2027 թ․ փետրվարի 20-ին ԵՊՀ պատմության ֆակուլտետում «Պատմության ազգային և գլոբալ չափումները. հայոց փորձառությունը» հետազոտական խմբի նախաձեռնությամբ տեղի կունենա «Ինքնության ճգնաժամեր և նորացման ռազմավարություններ. գլոբալ և տեղական փորձառություններ (հելլենիզմից մինչև վաղ արդիականություն)» խորագրով գիտաժողովը։ Գիտաժողովը նվիրված է անցումային հասարակությունների, ինքնության ճգնաժամերի և դրանց հաղթահարման ռազմավարությունների ուսումնասիրությանը՝ պատմության երկար տևողության (longue durée) համատեքստում։ Այն միտված է ձևավորելու միջգիտակարգային հարթակ, որտեղ տեսական մոտեցումների և պատմական փորձառությունների համադրմամբ կքննարկվեն ինքնության ձևավորման, խաթարման և փոխակերպման գործընթացները:

ԵՊՀ քիմիայի ֆակուլտետի, ֆարմացիայի ինստիտուտի և ՀՀ ԳԱԱ ՕԴՔԳՏԿ-ի նախաձեռնությամբ ս.թ. հունիսի 8-10 կանցկացվի «Քիմիայի մոլ-2026» գիտության դպրոցը:

Ս.թ. մայիսի 21-24-ը տեղի կունենա ամենամյա «Հաշվետու գիտաժողով-2026» գիտական միջոցառումը, որի հիմնական նպատակն է ամփոփել ԵՊՀ գիտական ստորաբաժանումների գործունեությունը, հնարավորություն ընձեռել ոլորտի առաջատար գիտնականներին և հետազոտողներին ներկայացնելու իրենց գիտական հետազոտությունների արդյունքները, գործունեության ուղղություններն ու տեսլականը:

ԵՊՀ աշխարհագրության և երկրաբանության ֆակուլտետի նախաձեռնությամբ 2026 թվականի մայիսի 4-7-ը կանցկացվի «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները փոփոխվող կլիմայի պայմաններում. հարմարվողականություն, կայունություն և արտադրական գործընթաց» խորագրով միջազգային գիտաժողով՝ նվիրված Անտառագետի, ջրաբանի և օդերևութաբանի մասնագիտական և Երկրի օրերին:

Երևանի պետական համալսարանի, ԵՊՀ կիրառական սոցիոլոգիայի գիտահետազոտական լաբորատորիայի և Հայաստանի սոցիալական աշխատողների ասոցիացիայի նախաձեռնությամբ ս․թ. մարտի 27-29 կանցկացվի «Սոցիալական աշխատանքի էկոհամակարգը Հայաստանում» խորագրով համահանրապետական գիտաժողովը, որի նպատակն է ակադեմիական հարթակում քննարկել սոցիալական աշխատանքի շահակիրների համագործակցության ձևաչափերը, սոցիալական բարեփոխումները, բավարար արձագանք չստացած սոցիալական հիմնախնդիրները, սոցիալական ծառայությունների արդյունավետության գնահատումը և ոլորտի զարգացման հեռանկարները։

Ս.թ. մարտի 19-20-ը ԵՊՀ կենսաբանության գիտահետազոտական ինստիտուտի նախաձեռնությամբ կանցկացվի տարեկան երկօրյա գիտաժողով, որին կմասնակցեն ԵՊՀ գիտական հարցերի գծով պրոռեկտոր Ռաֆայել Բարխուդարյան, կենսաբանության գիտահետազոտական ինստիտուտի տնօրեն Կարեն Թռչունյանը, հրավիրյալ մասնագետներ: Գիտահետազոտական ինստիտուտի գիտաշխատողները հանդես կգան ելույթներով՝ ներկայացնելով վերջին մեկ տարվա ընթացքում իրենց կատարած աշխատանքները:

Հիշողության ուսումնասիրության միջազգային ասոցիացիայի («Memory Studies Assosiation») «PoSoCoMeS» («Post-Soviet and Comparative Memory Studies») բաժինը 2026 թ․ հունվարի 22-24-ը Հայաստանում անցկացնելու է տարեկան երրորդ համաժողովը՝ «Հետխորհրդային հիշողությունը ճգնաժամերի և շահարկումների ժամանակ» խորագրով: Միջոցառումը կանցկացվի Երևանի պետական համալսարանում: