Միջազգային հարաբերություններ և դիվանագիտություն

Ընդունելության կարգը

«Միջազգային հարաբերություններ և դիվանագիտություն» մագիստրատուրայի կրթական ծրագրում ընդունելությունը կատարվում է երկու փուլով: Կրթական ծրագրի առաջին փուլով անվճար ու վճարովի ուսուցման համակարգի ընդունելության մրցույթին կարող են մասնակցել ԵՊՀ բակալավրի առկա և հեռակա ուսուցման ձևերի «Միջազգային հարաբերություններ» մասնագիտությամբ (կրթական ծրագրի) վերջին երեք ուսումնական տարվա (ուսումնական տարիների հաշվարկը սկսվում է գործող ուսումնական տարվանից) շրջանավարտները՝ ըստ իրենց ամփոփիչ ատեստավորման գնահատականի և դիպլոմի հավելվածում գրանցված միջին որակական գնահատականի (ՄՈԳ-ի):

Առաջին փուլով ընդունելությունը կատարվում է առանց ընդունելության քննության, մրցութային կարգով՝ ատեստավորման գնահատականի և ՄՈԳ-ի շեմի հաշվառմամբ: Մրցութային փուլը հաղթահարում են այն դիմորդները, ում ՄՈԳ-ը առնվազն 14 միավոր է: Հավասար ՄՈԳ-ի դեպքում հաշվի են առնվում հետևյալ լրացուցիչ չափորոշիչները. 

ա) գերազանցության դիպլոմի առկայությունը, 

բ) ամփոփիչ ատեստավորման արդյունքները:

Երկրորդ փուլով ընդունելությունը կատարվում է ընդունելության քննության արդյունքների հիման վրա: Այս փուլի ընդունելության մրցույթին կարող են մասնակցել ԵՊՀ և այլ պետական, ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների (առկա ու հեռակա ուսուցման ձևերի) բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

Երկրորդ փուլով ընդունելության քննությունն անցկացվում է բանավոր՝ մրցութային հանձնաժողովի մասնակցությամբ: 

«Միջազգային հարաբերություններ և դիվանագիտություն» մագիստրոսական կրթական ծրագրի ընդունելության քննության հարցաշար

1. Դիվանագիտական հարաբերությունների մասին Վիեննայի 1961 թ. կոնվենցիան

2. Վիեննայի կոնվենցիան (1963 թ.) հյուպատոսական հարաբերությունների մասին

3. Դիվանագիտական դասեր և ռանգեր

4. Դիվանագիտական հարաբերությունների հաստատումը, ընդհատումն ու խզումը

5. Դեսպանի նշանակման կարգը, հավատարմագրերի հանձնումն ու դեսպանի հիմնական պարտականությունները

6. Դիվանագիտական և հյուպատոսական ներկայացուցչությունների արտոնություններն ու իմունիտետը

7. Դիվանագիտական ներկայացուցչությունների հիմնական ֆունկցիաները

8. Վեստֆալի խաղաղությունը և եվրոպական հավասարակշռությունը

9. Վիեննայի վեհաժողովը և կոնգրեսների համակարգը

10. Առաջին համաշխարհային պատերազմը և նոր աշխարհակարգը

11. Երկրորդ համաշխարհային պատերազմի աշխարհաքաղաքական պատճառները

12. Երկրորդ համաշխարհային պատերազմը և աշխարհակարգը

13. Տոտալիտար գաղափարաբանությունները. նացիզմ, ֆաշիզմ, միլիտարիզմ և կոմունիզմ

14. Սառը պատերազմը և Երկբևեռ աշխարհակարգը

15. ԱՄՆ-ի արտաքին քաղաքական դոկտրինները Սառը պատերազմի ընթացքում

16. Ապագաղութացման գործընթացը, երրորդ աշխարհն ու չմիացած երկրների շարժումը

17. Միջուկային զենքի չտարածման մասին պայմանագիրը (1968)

18. ԵԱՀԿ ստեղծումն ու Հելսինկյան եզրափակիչ ակտի 10 հիմնարար սկզբունքները

19. ԱՄՆ-ՉԺՀ հարաբերությունները և Թայվանի հիմնախնդիրը

20. Գերմանիան Սառը պատերազմի ընթացքում և Գերմանիայի վերամիավորումը

21. Հույն-թուրքական հարաբերությունները և Կիպրոսի հիմնախնդիրը

22. Հնդկաստանա-պակիստանյան հակամարտությունը և Քաշմիրի հիմնախնդիրը

23. ԽՍՀՄ փլուզման գործընթացը

24. Իրան-իրաքյան պատերազմի պատճառները, ընթացքն ու արդյունքները

25. ԱՄՆ-ի արտաքին քաղաքական գերակայությունները Սառը պատերազմից հետո

26. ԱՄՆ-Իրան հարաբերությունները և Իրանի իսլամական հեղափոխությունը

27. Եվրոպական ինտեգրացիոն գործընթացները և ԵՄ ստեղծումը

28. Սևծովյան տնտեսական համագործակցության կազմակերպության ստեղծումն ու գործունեությունը

29. Նավթ արտահանող երկրների կազմակերպության՝ ՆԱԵԿ-ի (OPEC)ստեղծումն ու գործունեությունը

30. Շանհայի համագործակցության կազմակերպության ստեղծումն ու գործունեությունը

31. Հայկական հարցը միջազգային հարաբերություններում

32. Հայաստանն ըստ Ալեքսանդրապոլի (1920), Մոսկվայի (1921), և Կարսի (1921) պայմանագրերի (համեմատական վերլուծություն)

33. Հայաստանի առաջին հանրապետության միջազգային դրությունը և արտաքին քաղաքականությունը

34. Հայաստանի Հանրապետության անկախության գործընթացը և Արցախյան հիմնախնդիրը

35. Հայաստանի Հանրապետության արտաքին քաղաքականությունը ձևավորող տեսահայեցակարգային հիմքերը

36. Հայ-ադրբեջանական հակամարտությունը. կարգավորման փուլերը

37. Հայաստանի Հանրապետության հարաբերությունները հարևան երկրների հետ արդի ժամանակաշրջանում

38. Հայաստանի Հանրապետության միջազգային ինտեգրացիոն քաղաքականությունը

Գրականության ցանկ

1. Միավորված ազգերի կազմակերպության կանոնադրություն:

2. Հելսինկյան եզրափակիչ ակտ: ԵԱՀԽ առաջին գագաթնաժողովի եզրափակիչ ակտ՝ պետության ղեկավարների մասնակցությամբ, Հելսինկի, 1 օգոստոսի 1975 թ.:

3. 1961 թ. Վիեննայի կոնվենցիան դիվանագիտական հարաբերությունների մասին:

4. 1963 թ. Վիեննայի կոնվենցիան հյուպատոսական հարաբերությունների մասին:

5. Հայաստանի Հանրապետության օրենքը դիվանագիտական ծառայության մասին:

6. Հայաստանի Հանրապետության օրենքը հյուպատոսական ծառայության մասին:

7. Ավետիսյան Հ., Հայկական հարցը 1918 թ., Երևան 1997:

8. Գալոյան Գ., Հայաստանը և մեծ տերությունները (1917-1923 թթ.), Երևան, 1999:

9. Հովհաննիսյան Ռ., Հայաստանի Հանրապետություն, հ. 1, Երևան 2005:

10. Տիգրան Եփրեմյան, Արդի աշխարհակարգի մեկնարկը. Վեստֆալյան համակարգը: Դասախոսությունների նյութեր: Եր.: Հեղ. հրատ., 2023, էջ 98:

11. Տիգրան Եփրեմյան, ԱՄՆ պատմություն: Եր.: ԵՊՀ հրատարակչություն, 2024:

12. Տիգրան Եփրեմյան, Նապոլեոն Բոնապարտը և ազգերի ինքնորոշման իրավունքը՝ ընդդեմ մեծ տերությունների եվրոպական համերաշխության: ՎԷՄ համահայկական հանդես, Է (ԺԳ) տարի, թիվ 4 (52), հոկտեմբեր-դեկտեմբեր, 2015, էջ 97-119:

13. Kissinger, Henry. Diplomacy. New York: Simon & Schuster, 1994.

14. Siegfried Schieder and Manuela Spindler, Theories of International relations. Routledge, 2014.

15. Georg Sørensen, Jørgen Møller, Robert Jackson, Introduction to International Relations: Theories and Approaches. Eighth Edition. Oxford: Oxford University Press, 2022.

16. Ачкасов В. А., Ланцов С. А., Мировая политика и международные отношения, М.: Аспект Пресс, 2011.

17. Богатуров А. Д., Аверков В.В., История международных отношений 1945-2008. М., 2012.

18. Зонова T., Дипломатия: модели, формы, методы, М., 2014 г.

19. Системная история международных отношений в двух томах. / Под ред. А. Д. Богатурова. Том второй, события 1945-2003 годов. М., 2007.

20. Современная мировая политика: Прикладной анализ/ Отв. ред. А. Д. Богатуров. М. Аспект Пресс. 2010.

21. Торкунов А., Мальгин А. Современные международные отношения, Учебное пособие. —М.: Аспект Пресс, 2012.

Ընդունելության վերաբերյալ ընդհանուր դրույթներ

Մագիստրատուրայի ընդունելության հայտագրումը կատարվում է առցանց եղանակով՝ admission.ysu.am կայքէջի միջոցով։

Մանրամասները հնարավոր է գտնել «Մագիստրատուրայի ընդունելություն» էջում, որտեղ հրապարակված են ընդունելության փուլերի ժամկետները, դիմումների ընդունման կարգն ու պայմանները, ինչպես նաև հայտագրման համար անհրաժեշտ փաստաթղթերի ցանկը:

Մագիստրոսական կրթական ծրագրերի ընդունելության մուտքային պահանջները յուրաքանչյուր տարի սահմանվում են ռեկտորի հրամանով: Անվճար (պետության կողմից ուսանողական նպաստների ձևով ուսման վարձի լրիվ փոխհատուցմամբ) տեղերի համար հայտարարված մրցույթը չհաղթահարելու դեպքում 1-ին փուլի դիմորդներն ընդունվում են նույն կրթական ծրագրի վճարովի համակարգ: