ԵՊՀ դասախոսը` տարածաշրջանը ներկայացնող միակ մասնակիցը Ստրասբուրգի կոնֆերանսում «Մարդ-համակարգիչ փոխազդեցություն և ուսումնառություն» հեռավար լաբորատորիայի հետազոտության շրջանակում ԵՊՀ տնտեսագիտության և կառավարման ֆակուլտետի տնտեսագիտության մեջ մաթեմատիկական մոդելավորման ամբիոնի դասախոս Լուսինե Զիլֆիմյանը Ստրասբուրգում մասնակցել է «Օգտագործում և դիզայն. ինֆորմացիայի մատչելիության և հասանելիության բարելավում օգտագործման և դիզայնի միջոցով» խորագրով միջազգային գիտաժողովին և ներկայացրել զեկուցում՝ անդրադառնալով տեղեկատվության և տնտեսական որոշումների կայացման փոխառնչություններին։ ԵՊՀ բիզնես ինկուբատորը, նպատակ ունենալով առևտրայնացնելու և կիրառական դարձնելու գիտական արժեք ներկայացնող հետազոտությունների վերջնարդյունքները, համագործակցում է լաբորատորիայի հետ և գիտաժողովին մասնակցությունը դիտարկում նաև որպես ոլորտի նորարարություններին հաղորդակցվելու և ներգրավվելու հնարավորություն։
Պատմության ուսումնասիրության և դասավանդման մեթոդաբանական և բովանդակային առաջնահերթությունների քննարկում ԵՊՀ-ում Ինչպե՞ս ուսումնասիրել և դասավանդել պատմությունը: Քննարկման բանախոսներն էին ՀՀ ԳԱԱ հնագիտության և ազգագրության ինստիտուտի տնօրեն, պատմագիտության դոկտոր Արսեն Բոբոխյանը, ՀԱՀ հումանիտար և հասարակագիտության ֆակուլտետի պատմագիտության դոկտոր, պրոֆեսոր Վահրամ Տեր-Մաթևոսյանը, Քալգարիի համալսարանի լեզվի հետազոտությունների կենտրոնի տնօրեն Մուշեղ Ասատրյանը, Միչիգանի համալսարանի հայագիտական հետազոտությունների կենտրոնի տնօրեն Արա Սանջյանը: Հիմք ընդունելով պատմության ուսումնասիրության և դասավանդման իրենց փորձառությունը՝ նրանք ներկայացրին հարցի հնարավոր լուծումների իրենց տեսլականը:
Ուսանողների պրակտիկայի գործընթացը ԵՊՀ-ում․ մարտահրավերներ և լուծումներ Երևանի պետական համալսարանում առանձնակի կարևորվում է ուսանողների մասնագիտական պատրաստվածության մակարդակի բարձրացումը հատկապես պրակտիկայի արդյունավետ կազմակերպման միջոցով։ Համալսարանի մոտեցումն այս հարցում համակարգված է և ուսանողակենտրոն։ ԵՊՀ ուսումնամեթոդական վարչության պրակտիկայի ղեկավար Արա Աթայանն ընդգծում է՝ ԵՊՀ-ն ձգտում է, որ յուրաքանչյուր ուսանող հնարավորություն ունենա պրակտիկա անցնելու հենց իր մասնագիտական ոլորտին համապատասխան միջավայրում։
«Առանց բարեփոխումների՝ հնարավոր չէ ապահովել ֆինանսական կայունություն»․ ԵՊՀ շրջանավարտ Հասմիկ Ղահրամանյան Ֆինանսական կայունությունը պետության զարգացման հիմնաքարերից է, իսկ դրա ապահովումը հնարավոր է միայն ժամանակին կատարվող բարեփոխումների շնորհիվ։ Այս մասին ԵՊՀ շրջանավարտների ֆորումի ժամանակ փաստեց ԵՊՀ տնտեսագիտության և կառավարման ֆակուլտետի շրջանավարտ, ՀՀ կենտրոնական բանկի խորհրդի անդամ Հասմիկ Ղահրամանյանը՝ ներկայացնելով ֆինանսական համակարգի միտումները, ոլորտային մարտահրավերներն ու ապագա ռիսկերը։
Իրավունքի լեզվով՝ հավասարության մասին․ ԵՊՀ շրջանավարտի հաջողության պատմությունը «ԵՊՀ շրջանավարտների ֆորում-2025»-ի ժամանակ «Տնտեսություն և հասարակություն» անվանակարգում մրցանակի է արժանացել իրավաբան, միջազգային իրավունքի մասնագետ, ԵՊՀ իրավագիտության ֆակուլտետի շրջանավարտ Լուսինե Սարգսյանը։ Այսօր նա մարդու իրավունքների պաշտպանության առաջնագծում է․ առաջնորդ, ում անձնական փորձը և պայքարը շատերի համար ոգեշնչման աղբյուր են։ «Երբ ասում էի՝ մեծանամ, ձեզ կպաշտպանեմ, ասում էին՝ դու շատ ես փոքր»,- երազանքի ու մանկության մասին խոսելով՝ հիշում է նա։ ԵՊՀ շրջանավարտի հետ մեր զրույցի ընթացքում փորձեցինք պարզել հաջողության հասնելու նրա բանաձևը։
Նոր նվաճումներ Քիմիայի միջազգային 57-րդ օլիմպիադայում Դուբայում կայացած Քիմիայի միջազգային 57-րդ օլիմպիադան հայ դպրոցականների համար դարձավ հերթական հաջողության հարթակ։ Հայաստանը ներկայացնող թիմը մրցույթում արժանացավ մեկ արծաթե մեդալի և երեք գովասանագրի։ Օլիմպիադայի հայաստանյան թիմի ղեկավարներն էին ԵՊՀ դասախոս Անդրանիկ Դավինյանը և քիմիայի ֆակուլտետի մագիստրանտ Արտյոմ Պետրոսյանը։
Նոր ստարտափ՝ ուղղված դասախոսների արտալսարանային գործունեության արդյունավետության գնահատման գործընթացի թվայնացմանը Երևանի պետական համալսարանի բիզնես ինկուբատորի թիմերից մեկը մշակել և ստեղծել է դասախոսների արտալսարանային գործունեության գնահատման էլեկտրոնային համակարգ։ Սա նորարարական ստարտափ է, որը նպատակ ունի թվայնացնելու դասախոսների աշխատանքային գործունեության վերլուծության և արդյունավետության չափման գործընթացը։ Համակարգն այժմ փորձարկվում է ԵՊՀ տնտեսագիտության և կառավարման ֆակուլտետում։
Միավորելով ԵՊՀ շրջանավարտների համայնքի ներուժը․ կայացավ «ԵՊՀ բարեկամներ» հիմնադրամի ամենամյա երկրորդ միջոցառումը Լոս Անջելեսում ս․թ․ հուլիսի 17-ին տեղի ունեցավ «ԵՊՀ բարեկամներ» հիմնադրամի ամենամյա երկրորդ միջոցառումը՝ նշելու Հայաստանի առաջատար բուհի՝ Երևանի պետական համալսարանի հաջողությունները և ներկայացնելու հիմնադրամի գործունեությունը։
Նոր նախագիծ՝ ի նպաստ որոշումների կայացման գործընթացներում հանրային մասնակցության բարձրացմանը ԵՊՀ սոցիոլոգիայի ֆակուլտետի կիրառական սոցիոլոգիայի գիտահետազոտական լաբորատորիայի գիտաշխատող Սոնա Բալասանյանի համաղեկավարությամբ իրականացվող «Սոցիալական և ինստիտուցիոնալ փոփոխությունների հետազոտական լաբորատորիա» նախագիծը ֆինանսավորման է երաշխավորվել ՀՀ ԿԳՄՍՆ բարձրագույն կրթության և գիտության կոմիտեի հայտարարած «Հեռավար լաբորատորիաների հիմնադրման ծրագիր-2025» մրցույթում։ Այն նպատակ ունի ստեղծելու մեթոդաբանական և վերլուծական հիմք՝ ուղղված սոցիալական քաղաքականությունների, հանրային մասնակցության և ինստիտուցիոնալ վստահության մանրակրկիտ ուսումնասիրությանը հասարակագիտական մոտեցումների կիրառմամբ:
Հայտնի են ԵՊՀ բակալավրիատի առկա ուսուցմամբ ընդունելության մրցույթի արդյունքները Հրապարակվել են ԵՊՀ 2025-2026 ուստարվա առկա ուսուցմամբ բակալավրիատի կրթական ծրագրով (անվճար և վճարովի հիմունքներով) ընդունելության հիմնական (1-ին և 2-րդ) փուլի մրցույթի արդյունքները։
