Հարմարավետությո՞ւն, թե՞ առաջընթաց․ կարիերային վերաբերող կարևոր ուղերձներ՝ ԵՊՀ ուսանողներին ԵՊՀ-ում տեղի ունեցավ «University Tour» հանդիպումը՝ «Career City Fest» նախաձեռնության շրջանակում: Հանդիպման նպատակն էր ուսանողների համար ստեղծել հնարավորություն՝ ծանոթանալու աշխատաշուկայի միտումներին, ինչպես նաև լսելու կարիերայի ճիշտ ընտրության, մասնագիտական աճի և առկա հնարավորությունների մասին։
ԵՊՀ ֆիզիկայի ինստիտուտում բացվեց նոր, ժամանակակից լսարան ԵՊՀ ֆիզիկայի ինստիտուտում ավարտվել է «Իմ քայլը» հիմնադրամի կողմից իրականացվող «Quanta» քվանտային և մեզոսկոպիկ ֆիզիկայի՝ մեկուկես տարի տևողությամբ մագիստրոսական ծրագրի համար նախատեսված լսարանի վերանորոգումը։ Ժամանակակից ուսումնական միջավայրում ուսանողները հնարավորություն կունենան հարստացնելու գիտելիքներն ու կատարելու գործնական աշխատանքներ։ Լսարանի բացման արարողությանը ներկա էին «Իմ քայլը» հիմնադրամի գործադիր տնօրեն Աննա Հակոբյանը, ԵՊՀ ռեկտոր Հովհաննես Հովհաննիսյանը, պրոռեկտորները, ֆակուլտետի ուսանողները և պրոֆեսորադասախոսական կազմի ներկայացուցիչները։
ԵՊՀ-ում հյուրընկալվեց ՀՀ-ում Իտալիայի դեսպանը Երևանի պետական համալսարանում հյուրընկալվեց ՀՀ-ում Իտալիայի Հանրապետության արտակարգ և լիազոր դեսպան Ալեսսանդրո Ֆերրանտին։ Այցի շրջանակում դեսպանը հանդիպում ունեցավ ԵՊՀ ռեկտոր Հովհաննես Հովհաննիսյանի հետ՝ ուղենշելու համագործակցության նոր հեռանկարներ, այնուհետև՝ ուսանողների հետ՝ բաց քննարկման ձևաչափով հանդիպմանը պատասխանելով նրանց հետաքրքրող հարցերին։
Հայ-չինական կրթական համագործակցության նոր հեռանկարներ. ԵՊՀ-ում էր Հայաստանում Չինաստանի դեսպան Լի Սինվեյը ԵՊՀ ռեկտոր Հովհաննես Հովհաննիսյանը հյուրընկալեց Հայաստանում Չինաստանի արտակարգ և լիազոր դեսպան Լի Սինվեյին: Քննարկվեց երկկողմ փոխգործակցությունը նոր մակարդակի բարձրացնելու հարցը:
Համագործակցության հուշագիր Երևանի պետական համալսարանի և «Ամունդի-Ակբա» ընկերության միջև. նոր հեռանկարներ և հնարավորություններ ԵՊՀ-ի և «Ամունդի-Ակբա Ասեթ Մենեջմենթ» ՓԲԸ-ի միջև կնքվեց համագործակցության հուշագիր՝ ի նպաստ ՀՀ կրթական համակարգի զարգացման և կրթամշակութային միջոցառումների իրականացման:
ԵՊՀ կենսաբանության ֆակուլտետում ամփոփվում են գիտական արդյունքները և ուրվագծվում նոր ուղիներ ԵՊՀ կենսաբանության ֆակուլտետում մեկնարկեց Կենսաբանության գիտահետազոտական ինստիտուտի տարեկան երկօրյա գիտաժողովը՝ համախմբելով ոլորտի գիտական միտքն ու փորձը մեկ հարթակում։ Գիտաժողովի ընթացքում ամբիոնների վարիչները, գիտաշխատողները և դասախոսները ներկայացրին տարբեր լաբորատորիաներում կատարվող արդիական հետազոտությունները, ամփոփեցին ձեռք բերված արդյունքները, նախանշեցին առաջիկա զարգացման ուղղությունները։
ԵՊՀ-ում քննարկվեցին հայ-շվեյցարական կրթական համագործակցության հեռանկարները ԵՊՀ ռեկտոր Հովհաննես Հովհաննիսյանը հանդիպում ունեցավ ՀՀ-ում Շվեյցարիայի արտակարգ և լիազոր դեսպան Անդրեա Բարբարա Բաումանի հետ՝ ընդլայնելու միջազգային ակադեմիական համագործակցությունը։ Հանդիպման ընթացքում կողմերը քննարկեցին կրթական և գիտական համագործակցության զարգացման հեռանկարները՝ ընդգծելով համալսարանների միջև միջազգային կապերի ամրապնդման կարևորությունը։
ԵՊՀ-ից Վառնայի կառավարման համալսարան. ուսանողի միջազգային փորձը տուրիզմի ոլորտում ԵՊՀ աշխարհագրության և երկրաբանության ֆակուլտետի «Սերվիս» կրթական ծրագրի ուսանող Մարիա Մայիլյանը «Էրազմուս+» ծրագրի շրջանակում մեկ կիսամյակ սովորել է Վառնայի կառավարման համալսարանում։ Նա ուսանել է Տնտեսագիտության և կառավարման ֆակուլտետում՝ ուսումնասիրելով տուրիզմի և հյուրանոցային կառավարման ոլորտին վերաբերող առարկաներ։
Արտագաղթի պատճառները, սփյուռքի ձևավորումն ու ինքնության պահպանումը. միգրացիայի բազմաշերտ ազդեցությանն է անդրադարձել ԵՊՀ դոցենտը «Սփյուռքում ձևավորված հայկական միգրացիոն ցանցերը նպաստում են ՀՀ-ում ապրող իրենց ազգակիցների, բարեկամների, ընկերների արտագաղթին»,- ասում է ԵՊՀ պատմության ֆակուլտետի մշակութաբանության ամբիոնի դոցենտ Միհրան Գալստյանը: Դոցենտը, վերլուծելով վերջին 30 տարիների միգրացիայի տնտեսական, ժողովրդագրական բացասական հետևանքները, ուսումնասիրել է նաև միգրացիայի մշակութային և ազգաբանական խնդիրները: Նրա խոսքով՝ միգրացիան, ֆինանսական տրանսֆերտներից բացի, բերում է նաև սոցիալական ներդրումներ, այսինքն՝ նոր գաղափարների ու նոր արժեքների ներմուծում:
Ուսումնագիտական այց Արևմտյան Մակեդոնայի համալսարան «Erasmus+ PROVE»» նախագծի շրջանակում Հունաստանի Ֆլորինա քաղաքում կազմակերպվեց «Erasmus+ PROVE» նախագծի գործընկերների հանդիպում՝ նպատակ ունենալով ամրապնդելու գործընկեր համալսարանների համագործակցությունը, քննարկելու ծրագրի ընթացքը և ներկայացնելու «VaKE» (Values and Knowledge Education) մեթոդաբանության կիրառման փորձը կրթական գործընթացում։
