Արտագաղթի պատճառները, սփյուռքի ձևավորումն ու ինքնության պահպանումը. միգրացիայի բազմաշերտ ազդեցությանն է անդրադարձել ԵՊՀ դոցենտը «Սփյուռքում ձևավորված հայկական միգրացիոն ցանցերը նպաստում են ՀՀ-ում ապրող իրենց ազգակիցների, բարեկամների, ընկերների արտագաղթին»,- ասում է ԵՊՀ պատմության ֆակուլտետի մշակութաբանության ամբիոնի դոցենտ Միհրան Գալստյանը: Դոցենտը, վերլուծելով վերջին 30 տարիների միգրացիայի տնտեսական, ժողովրդագրական բացասական հետևանքները, ուսումնասիրել է նաև միգրացիայի մշակութային և ազգաբանական խնդիրները: Նրա խոսքով՝ միգրացիան, ֆինանսական տրանսֆերտներից բացի, բերում է նաև սոցիալական ներդրումներ, այսինքն՝ նոր գաղափարների ու նոր արժեքների ներմուծում:
Ուսումնագիտական այց Արևմտյան Մակեդոնայի համալսարան «Erasmus+ PROVE»» նախագծի շրջանակում Հունաստանի Ֆլորինա քաղաքում կազմակերպվեց «Erasmus+ PROVE» նախագծի գործընկերների հանդիպում՝ նպատակ ունենալով ամրապնդելու գործընկեր համալսարանների համագործակցությունը, քննարկելու ծրագրի ընթացքը և ներկայացնելու «VaKE» (Values and Knowledge Education) մեթոդաբանության կիրառման փորձը կրթական գործընթացում։
ԵՊՀ-ն՝ եվրոպական լավագույն 500 համալսարանների ցանկում Երևանի պետական համալսարանը վերջին երեք տարիների ընթացքում (2024–2026) անընդմեջ ընդգրկվել է «QS» համալսարանների համաշխարհային վարկանիշավորման աղյուսակում։ 2026 թ․ մոտ 1500 համալսարանների ցանկում ԵՊՀ-ն զբաղեցրել է 1001-1200-րդ տեղը։ Նույն տարվա տարածաշրջանային՝ «QS» եվրոպական համալսարանների վարկանիշավորման արդյունքներով ԵՊՀ-ն 958 համալսարանների շարքում զբաղեցրել է 487-րդ տեղը՝ 23.2 ընդհանուր միավորով։
Կյանք փրկող մի քանի րոպե․ արյան հավաքագրում ԵՊՀ-ում Հայաստանում արյան պաշարների պակասը շարունակում է մնալ հրատապ խնդիր, և հենց այդ խնդրի կարգավորման նպատակով ՀՀ ԱՆ «Յոլյան» արյունաբանության և ուռուցքաբանության կենտրոնի և Երևանի պետական համալսարանի համագործակցության շրջանակում այսօր ԵՊՀ-ում անցկացվեց արյան պաշարների համալրման գործընթաց։
Միջազգային գիտական համագործակցության նոր հեռանկարներ. ԵՊՀ գիտնականը՝ Չինաստանում ԵՊՀ կենսաբանության գիտահետազոտական ինստիտուտի տնօրեն, կ.գ.դ., պրոֆեսոր Կարեն Թռչունյանը աշխատանքային այցով Չինաստանում էր՝ մասնակցելու գիտական հանդիպումների և քննարկումների։ Այցի նպատակն էր ընդլայնել գիտահետազոտական կապերը և ստեղծել համագործակցության նոր հնարավորություններ։
ԵՊՀ Շառլ Ազնավուրի անվան մշակույթի կենտրոնի «Համալսարանական» թատրոն-ստուդիան՝ «Ունիվերսիադա-2026» մրցույթի հաղթող «Ունիվերսիադա-2026» մրցույթի շրջանակում ԵՊՀ Շառլ Ազնավուրի անվան մշակույթի կենտրոնի «Համալսարանական» թատրոն-ստուդիայի սաները հանդես եկան Ավետիք Իսահակյանի ստեղծագործության հիման վրա բեմադրված «Ծառա Սիմոնը» թատերական ներկայացմամբ (գեղարվեստական ղեկավար՝ Գայանե Եղիազարյան)՝ պատվավոր առաջին հորիզոնականը կիսելով Հայ-ռուսական համալսարանի ներկայացուցիչների հետ։
ԵՊՀ-ն՝ «Հորիզոն Եվրոպա» ծրագրի շրջանակում հաղթող ճանաչված «WARIE» նախագծի մասնակից Երևանի պետական համալսարանի և գործընկեր կազմակերպությունների ներկայացրած «WARIE» («Widening AI Research and Innovation for Excellence in the Eastern Partnership») նախագիծը հաղթող է ճանաչվել Եվրոպական հանձնաժողովի «Հորիզոն Եվրոպա» ծրագրի շրջանակում։
«Գիտությունը միշտ իմ սրտում է»․ ԵՊՀ գիտաշխատող Զարինե Սիմոնյան ԵՊՀ ֆիզիկայի ինստիտուտի նյութագիտության և նանոտեխնոլոգիաների կենտրոնի գիտաշխատող Զարինե Սիմոնյանը բնագիտական առարկաների հանդեպ հետաքրքրություն է ցուցաբերել դեռ դպրոցական տարիքից։ Այդ հետաքրքրությունը համալսարանում ուսանելու տարիներին խորացավ, երբ ֆիզիկան նրա համար դարձավ ոչ միայն ուսումնասիրության առարկա, այլև աշխարհը հասկանալու յուրօրինակ լեզու։ Զարինեի համար ֆիզիկան վերածվեց բնության օրինաչափությունները բացահայտելու և նորարարական լուծումներ ստեղծելու հնարավորության։
Մարտի 14-ը՝ Մաթեմատիկայի միջազգային օր Մարտի 14-ը ամբողջ աշխարհում նշվում է որպես Մաթեմատիկայի միջազգային օր։ Այն հաստատվել է ՅՈՒՆԵՍԿՕ-ի կողմից 2019 թվականին՝ նպատակ ունենալով ընդգծելու մաթեմատիկայի կարևոր դերը գիտության, տեխնոլոգիայի, տնտեսության և առօրյա կյանքի զարգացման մեջ։
ԵՊՀ-ից մինչև համաշխարհային ճանաչում․ մաթեմատիկայի հայ հանճարը Նրա մասին խոսելիս ասում են՝ մաթեմատիկայի հայ հանճարը։ Ընդունվելով Երևանի պետական համալսարան՝ նա մեկ տարում հանձնում է առաջին և երկրորդ կուրսերի բոլոր քննությունները և սկսում հաճախել երրորդ կուրս։ Համալսարանի հնգամյա դասընթացը ավարտելով երեքուկես տարում՝ նա ընդունվում է ասպիրանտուրա և ավարտում մեկ տարում։ 20 տարեկանում դառնում է գիտությունների դոկտոր, իսկ 24-ում՝ ԽՍՀՄ ԳԱ ամենաերիտասարդ թղթակից անդամը։ Նա աշխարհահռչակ հայ գիտնական, ՀԽՍՀ ԳԱ ակադեմիկոս Սերգեյ Մերգելյանն է․ գիտնական, որի համար ԵՊՀ-ն դարձավ մեկնակետ դեպի համաշխարհային ճանաչում և գիտական նոր նվաճումներ։
