«Զանգեզուրի պղնձամոլիբդենային կոմբինատ» ՓԲԸ-ն (ԶՊՄԿ) հիմնադրվել է 1952 թ.։ Կոմբինատի գործունեության ոլորտը հանքարդյունաբերությունն է։ Ներկայում արդյունահանվում է տարեկան 22 մլն տոննա հանքաքար։

«ԶՊՄԿ» ՓԲ ընկերությունը ստանձնել է հանքարդյունաբերության ոլորտի զարգացման և երկրի տնտեսության մեջ ներդրում ունենալու հստակ առաքելություն` միաժամանակ պահպանելով կայուն զարգացման սկզբունքները և չափանիշները։

«Դի-Վի-Վի Ինթերնեյշնալ»-ի հայաստանյան գրասենյակը հիմնվել է 2002 թվականին և վերջին երկու տասնամյակների ընթացքում դարձել է Հայաստանում մեծահասակների ուսումնառության և կրթության (ՄՈՒԿ) ու ցկյանս ուսումնառության զարգացման առանցքային դերակատար։ 

Ամիօ բանկը հուսալի և դինամիկ զարգացող ֆինանսական կառույց է։ 

Ամիօն ձգտում է լինելու իր հաճախորդների առօրյայի ուղեկիցը՝ ամենափոքր քայլերից մինչև մեծ նպատակներ։

«Յուքոմ»-ը Հայաստանում հեռահաղորդակցության ոլորտում կոնվերգենտ ծառայություններ մատուցող առաջատար օպերատոր է։ 

Ընկերությունն առաջարկում է ժամանակակից թվային լուծումներ՝ ֆիքսված և շարժական կապի, համացանցի և հեռուստատեսության ոլորտում։ Ընկերությունը մշտապես ներդնում է նորարարական տեխնոլոգիաներ՝ իր բաժանորդներին ապահովելու արագ, հուսալի և բարձրորակ ծառայություններով։

«Կոկա-Կոլա Հելլենիկ Բոթլինգ Քամփնի Արմենիա» ՓԲԸ-ն ըմպելիքների աշխարհի ամենախոշոր շշալցնող ընկերության մի մասն է։ Այն «Կոկա-Կոլա» ընկերության շշալցնող գործընկերն է: «Կոկա-Կոլա» ընկերությունը արտադրում և իր շշալցնող գործընկերներին է վաճառում խտանյութեր, հիմքեր և օշարակներ, սեփականության իրավունքով տիրապետում է ապրանքանիշերին և պատասխանատու է սպառողների ապրանքանիշային շուկայավարման նախաձեռնությունների համար:

Որպես նորարար և տեխնոլոգիաների վրա հիմնված բանկ՝ Ֆասթ բանկը վերաիմաստավորում է բանկային փորձը՝ առաջարկելով 24/7 հասանելիություն, որպեսզի ֆինանսական ծառայությունների տրամադրումը երբեք սահմանափակված չլինի ժամանակով:

Թվային, եզակի, առաջադեմ առաջարկներով Ֆասթ բանկը հավատարիմ է իր որդեգրած առաքելությանը՝ լինել մեկ քայլ առաջ հաճախորդների պահանջմունքներից։

Ֆասթ բանկը, տրամադրելով նորարարական բանկային ծառայություններ, համադրում է արագությունը, հարմարավետությունն ու ապահովությունը և ձգտում է լինելու իր հաճախորդների վստահելի գործընկերը՝ առաջարկելով ճկուն և մատչելի ֆինանսական լուծումներ ինչպես անհատների, այնպես էլ բիզնեսների համար:

«Բոստոնջին»-ը («BostonGene») կենսատեխնոլոգիական ընկերություն է, որը վերաիմաստավորում է օնկոլոգիական հիվանդություն ունեցող բուժառուների բուժման և այդ գործընթացում կիրառվող դեղամիջոցների մշակման մոտեցումները՝ համադրելով բազմամոդալ տվյալներն ու արհեստական բանականությունը։

«Հայկական ծրագրեր» ընկերությունը զբաղվում է բիզնեսի կառավարման համակարգեր մշակելով, ներդնելով ու դրանց հետագա սպասարկումով: 

Ընկերությունը տրամադրում է ինչպես տիպային լուծումներ միջին ու փոքր կազմակերպություններին, այնպես էլ առանձնահատուկ լուծումներ բարդ հաշվառում ունեցող ձեռնարկություններին, բանկերին ու վարկային կազմակերպություններին:

«Վիվա Արմենիա»-ն («Viva») Հայաստանում հեռահաղորդակցության առաջատար օպերատորն է, որն ունի ամենահզոր՝ 2G/3.75G/4G ցանցը և տրամադրում է ձայնային ու տվյալների փոխանցման ծառայությունների բազմազան տեսականի Հայաստանի ամբողջ տարածքում:

«ՕՆԷՔՍ»-ը միջազգային արագ առաքման լուծումներ տրամադրող փոստային-սուրհանդակային ընկերություն է։

«Ամունդի-Ակբա Ասեթ Մենեջմենթ» ՓԲԸ-ն հիմնադրվել է 2013 թ. Ամունդիի և Ակբա բանկի կողմից:

Ֆրանսիական արմատներով և համաշխարհային ներկայացվածությամբ Ամունդին աշխարհի խոշոր ակտիվների կառավարիչների առաջին տասնյակում է և Եվրոպայի առաջատար ակտիվների կառավարիչը։

«ԷՖԵՍ»-ը ապահովագրական ծառայություններ մատուցող ընկերություն է, որի նպատակն է տրամադրել բարձր մակարդակի և անհատականացված ապահովագրական ծառայություններ՝ կիրառելով համաշխարհային լավագույն չափանիշները։

ԱյԴի բանկն իր համար ընտրել է արդիականացման ուղին՝ կարևորելով հաճախորդների բարձրակարգ սպասարկումը, նորարարությունը, նոր մոտեցումները և թվայնացնումը։

Բանկի առաքելությունն է՝ լինել առաջին ընտրության բանկ՝ ընդլայնելով հաճախորդների հնարավորությունները և առաջարկելով նրանց աճող պահանջներին համապատասխան նորարարական լուծումներ։

Բանկի նպատակն է դառնալ առաջատար թվային բանկը Հայաստանում՝ ընդլայնելով նորարարական ու հաճախորդամետ գործունեությունը:

Իդրամը սկսել է իր գործունեությունը 2004 թվականին որպես ստարտափ նախագիծ, իսկ այսօր Հայաստանում առաջատար ֆինտեխ հարթակ է՝ 450-ից ավելի ծառայություններ և QR վճարումների ամենամեծ ծածկույթն ապահովող թվային դրամապանակ։

ՀՀ ֆինանսների նախարարությունը գործադիր իշխանության հանրապետական մարմին է, որը մշակում և իրականացնում է ՀՀ Կառավարության քաղաքականությունը հարկաբյուջետային՝ պետության եկամուտների ձևավորման և ծախսման, հանրային ֆինանսների կառավարման, այդ թվում՝ բյուջետային գործընթացի կազմակերպման, ներքին ֆինանսական հսկողության (ներառյալ՝ ներքին աուդիտի), գնումների գործընթացի պետական կարգավորման և համակարգման, ֆինանսաբյուջետային վերահսկողության, պետական պարտքի կառավարման, հաշվապահական հաշվառման, աուդիտորական գործունեության և խաղային գործի ոլորտներում։

Հայաստանի Հանրապետության արտաքին գործերի և միջազգային առևտրի նախարարությունը մշակում և իրականացնում է «Կառավարության կառուցվածքի և գործունեության մասին» Հայաստանի Հանրապետության օրենքով իրեն վերապահված գործունեության ոլորտում Հայաստանի Հանրապետության Կառավարության քաղաքականությունը:

Հայաստանի Հանրապետության արդարադատության նախարարությունը պետական կառավարման մարմին է, որը մշակում և իրականացնում է իրավադատության, իրավական ակտերի նախագծերի մշակման և պետական գրանցման ոլորտների քաղաքականությունը: 

ՀՀ շրջակա միջավայրի նախարարությունը գործադիր իշխանության մարմին է, որի նպատակն է Հայաստանի Հանրապետության շրջակա միջավայրի պահպանության և բնական պաշարների բանական օգտագործման, մթնոլորտի, ջրերի, հողերի, ընդերքի, կենդանական ու բուսական աշխարհի, բնության հատուկ պահպանվող տարածքների և անտառների վրա վնասակար ներգործությունների կանխարգելման կամ նվազեցման ապահովումը։

«Հիդրոօդերևութաբանության և մոնիթորինգի կենտրոն» պետական ոչ առևտրային կազմակերպության առաքելությունը բնակչությանը, պետական կառավարման մարմիններին և շահագրգիռ կազմակերպություններին հուսալի հիդրոօդերևութաբանական տեղեկատվությամբ, որակյալ հիդրոօդերևութաբանական կանխատեսումներով ու  վտանգավոր հիդրոօդերևութաբանական երևույթների մասին նախազգուշացումներով, շրջակա միջավայրի, անտառային էկոհամակարգերի վիճակի մասին տեղեկատվությամբ ապահովումն է:

Հայաստանում մարդու իրավունքների պաշտպանի հաստատությունը՝ որպես Օմբուդսմանի և մարդու իրավունքների ազգային և ամենաբարձր «A» միջազգային կարգավիճակ ունեցող հաստատություն, գործում է Փարիզյան և միջազգային սկզբունքներին համապատասխան:

Հայաստանի Հանրապետության պետական եկամուտների կոմիտեն Կառավարությանը ենթակա մարմին է, որն իրականացնում է պետության հարկային և մաքսային քաղաքականությունը՝ ապահովելով հարկային և մաքսային վարչարարության իրականացումը, հարկային և մաքսային օրենսդրության պահանջների կատարման նկատմամբ վերահսկողությունն ու տնտեսական անվտանգությունը։

Միասնական սոցիալական ծառայությունը (ՄՍԾ) ՀՀ աշխատանքի և բարեկեցության նախարարությանը ենթակա պետական մարմին է, որն օրենքով սահմանված դեպքերում և կարգով մատուցում է սոցիալական ոլորտին առնչվող ծառայություններ։

Մրցակցության և սպառողների շահերի պաշտպանության հանձնաժողովն ապահովում է ազատ տնտեսական մրցակցությունը, սպառողների շահերի պաշտպանությունը։

Ա. Թախտաջյանի անվան բուսաբանության ինստիտուտն իր գործունեության ավելի քան իննսուն տարիների ընթացքում գիտական հանրույթի հետևողական աշխատանքի շնորհիվ դարձել է առաջատար և խոշոր գիտական հաստատություն:

Ինստիտուտում հիմնարար և կիրառական նշանակության արժեքավոր հետազոտություններ են կատարվել հանրապետության ֆլորայի, բուսական ծածկույթի, էվոլյուցիոն կարգաբանության, բույսերի ֆիզիոլոգիայի, ինչպես նաև բուսաբանական այգիներում (Երևանի, Վանաձորի և Սևանի) բույսերի ներմուծման ու կլիմայավարժեցման ուղղություններով։

«Դասավանդի՛ր հանուն Հայաստանի»-ն կրթական առաջնորդության ազգային ծրագիր է և «Teach For All» համաշխարհային ցանցի 36-րդ գործընկերը։ Ծրագիրը մասնակիցներին հնարավորություն է տալիս երկու տարվա ընթացքում դասավանդելու Հայաստանի այն համայնքներում, որտեղ որակյալ կրթության անհրաժեշտությունն ամենամեծն է՝ միաժամանակ զարգացնելով առաջնորդական, հաղորդակցման, խնդիրների լուծման և փոփոխությունների կառավարման հմտությունները։

«Evolution Armenia»-ն, որը հիմնադրվել է 2020 թվականին, «Evolution»-ի գլոբալ ցանցում ամենանոր և ամենաարագ զարգացող ստուդիաներից մեկն է։

Նպատակ ունենալով դառնալու Հայաստանի առաջատար գործատուներից մեկը՝ «Evolution Armenia»-ն ապահովում է ճկուն, ներգրավող և մրցանակաբեր կարիերայի հնարավորություններ երիտասարդ տաղանդների համար։

«Քրիդ ռումզ ստուդիոս»-ը («CreedRoomz») տեխնոլոգիական ընկերություն է, որը առցանց խաղատների ծրագրային ապահովման և լայվ-դիլեր (live dealer) լուծումների համաշխարհային առաջատար մատակարարներից մեկն է:

«Վիզ էյր»-ը («Wizz Air») Եվրոպայի՝ գերցածր սակագներ առաջարկող առաջատար ավիաընկերություններից է, որի չվերթներից օգտվում են միլիոնավոր ուղևորներ Եվրոպայում, Մերձավոր Արևելքում և Հյուսիսային Աֆրիկայում։ Օդանավերի պարկի և չվերթների ցանցի շարունակական ընդլայնմանը զուգահեռ՝ ավիաընկերությունը բորտուղեկցորդներին և օդաչուներին առաջարկում է կարիերայի գրավիչ հնարավորություններ դինամիկ ու միջազգային ավիացիոն միջավայրում։

Հայաստանի տեղեկատվական համակարգերի գործակալության առաքելությունը Հայաստանի թվային վերափոխման խթանումն է։ Թվային լուծումների ներդրմամբ և լայնատարած օգտագործման ապահովմամբ գործակալությունը նպաստում է քաղաքացու կենսագործունեությունը ապահովող ծառայությունների հարմարավետությանը և հասանելիությանը, քաղաքացիների ներուժի բարձրացմանը՝ ուղղված սեփական բարեկեցությանը, ձեռնարկությունների մրցունակության բարձրացմանը, հանրային ինստիտուտների արդյունավետ կառավարմանը։

Ա․ Ի․ Ալիխանյանի անվան ազգային գիտական լաբորատորիան հիմնադրվել է 1942 թվականին անվանի ֆիզիկոսներ Աբրահամ և Արտեմ Ալիխանյան եղբայրների կողմից՝ որպես Երևանի պետական համալսարանի մասնաճյուղ։ 

Ալիխանյանի անվան ազգային գիտական լաբորատորիան գիտության ոլորտում առաջատարի կարգավիճակ ունի Հայաստանում։ Գիտական բարձր վարկանիշ ունեցող ամսագրերում տարեկան հրատարակում է երկրի ամբողջ գիտական հրապարակումների ավելի քան 30%-ը։ Հայաստանի ամբողջ գիտական արդյունքների վրա կատարված հղումների 70%–ը, ըստ «Thomson Reuters» հեղինակավոր պարբերականի, բաժին է ընկնում ազգային լաբորատորիայի աշխատանքներին։

Հայաստանի գիտությունների ազգային ակադեմիան հանրապետության բարձրագույն գիտական հաստատությունն է, որը ձևավորվել է հայ ժողովրդի բազմադարյան պատմական, բեղմնավոր գիտական, հարուստ մշակութային ու կրթական ավանդույթների վրա և կոչված է համախմբելու գիտնականներին՝ գիտության տարբեր բնագավառներում կատարելու հիմնարար հետազոտություններ, երևան հանելու և վերաիմաստավորելու ազգի հոգևոր ժառանգությունը, ապահովելու ազգային անվտանգություն՝ սոցիալական և տնտեսական հիմնախնդիրների լուծման համար: 

Ինթրաստը Հայաստանի առաջատար ապահովագրական և խորհրդատվական կենտրոններից մեկն է՝ 15 տարուց ավելիփորձով և հազարավոր գոհ հաճախորդներով: Այն վերլուծում է ողջ շուկան, ընտրում լավագույն պայմաններն ու աջակցում Ձեզ պատահարի առաջին իսկ վայրկյանից՝ մինչև լիարժեք հատուցման ստացումը:

Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը, որի ակտիվները գերազանցում են 1 տրիլիոն ՀՀ դրամը:

«Արմենիա վայն» ՍՊԸ-ն հայկական ժամանակակից գինեգործության խորհրդանիշն է, որը գինեգործական 6000-ամյա մշակույթը և միջազգային տեխնոլոգիաները միաձուլում է մեկ գաղափարի շուրջ՝ աշխարհին ներկայացնել հայկական գինին՝ որպես ազգային արժեք: 

Ագրոթեքը (Agrotech) հիմնադրվել է 2012 թվականին Գյումրիում՝ նպատակ ունենալով խթանելու գյուղատնտեսությունը և արտադրությունը Հայաստանի Հանրապետությունում:

«ԲԱՅԹԲՐԻՋԻՍ» ՍՊԸ-ն կրթական կազմակերպություն է, որը իրականացնում է տեղեկատվական տեխնոլոգիաների և ծրագրավորման ոլորտի գործնական դասընթացներ՝ նպաստելով մասնակիցների մասնագիտական գիտելիքների և գործնական հմտությունների զարգացմանը։

«Սոֆթ կոնստրակտ» («SoftConstruct») ընկերությունը երևակայությամբ առաջնորդվող գլոբալ տեխնոլոգիական ընկերություն է։

2003 թվականից ի վեր՝ ընկերությունը ձգտում է ստեղծելու էկոհամակարգ, որը մեկ ընդհանուր նպատակի շուրջ միավորում է արտադրանքներն ու նախագծերը, մարդկանց, գաղափարներն ու հնարավորությունները՝ վերաիմաստավորելու սահմանները և մարտահրավեր նետելու առկա մոտեցումներին։