Հաջողության բանալին գիտելիքն է․ ԵՊՀ ուսանողները՝ արտերկրում կրթությունը շարունակելու հնարավորության մասին ԵՊՀ միջազգային հարաբերությունների ֆակուլտետի մի խումբ ուսանողներ, օգտվելով համալսարանի ընձեռած հնարավորությունից, իրենց ուսումը շարունակել են արտերկրի բուհերում։ Ըստ նրանց՝ արտերկրի բուհերում ստացած նոր գիտելիքները կօգնեն առավել մրցունակ մասնագետ դառնալուն, ինչպես նաև նոր հորիզոններ կբացեն գիտակրթական ոլորտում հաջողելու համար։
Անոմալ եղանակների պատճառներն ու ազդեցությունները՝ ԵՊՀ ասպիրանտի գիտական նախագծի շրջանակում ԵՊՀ ասպիրանտ Հայկանուշ Ազիզյանն ուսումնասիրում է Արարատյան գոգավորությունում անոմալ եղանակային պայմանների պատճառները՝ նպատակ ունենալով կանխարգելելու դրանց բացասական հետևանքները բուսական, կենդանական աշխարհի, ինչպես նաև մարդկանց առողջության վրա: Այս թեմայով նրա գիտական նախագիծն արժանացել է ֆինանսավորման ՀՀ ԿԳՄՍՆ «Ասպիրանտների և երիտասարդ հայցորդների հետազոտությունների աջակցության ծրագիր-2024» մրցույթի արդյունքում:
Հայ-հունական գիտակրթական կապերի ընդլայնումը՝ քննարկման տիրույթում ԵՊՀ-ում հյուրընկալվեց Հունաստանի արտակարգ և լիազոր դեսպան Խրիստոս Սոֆիանոպուլոսը՝ քննարկելու կրթական ու հետազոտական ոլորտների զարգացմանը միտված ծրագրեր, ինչպես նաև երկկողմ հետաքրքրություն ներկայացնող այլ հարցեր։ Դեսպանը մասնակցեց նաև «Երկու հայրենիքի միջև» խորագրով ֆոտոցուցահանդեսին, որը միտված է խթանելու հայ-հունական հարաբերությունների զարգացումը։
Կրթական և գիտական նորություններ, մասնագիտական զարգացման հնարավորություններ․ ԵՊՀ-ում կայացավ «BioExpo» ցուցահանդեսը Գիտափորձեր, նմուշներ, պատմություններ ու տեղեկություններ․ Երևանի պետական համալսարանում արդեն չորրորդ անգամ անցկացվեց «BioExpo» ցուցահանդեսը, որը նպատակ ուներ ներկայացնելու Կենսաբանության ֆակուլտետի կրթական ու գիտահետազոտական ծրագրերը, ինչպես նաև մասնագիտական աճի հնարավորությունները՝ տրամադրելով կարևոր տեղեկություններ աշխատաշուկայի մասին, խթանելով աշակերտների մասնագիտական կողմնորոշումն ու նոր գիտելիքների ձեռքբերումը։
Կրթական նոր գործիքների ներդրում ԵՊՀ ուսուցման գործընթացի կառավարման հարթակում ՏՏ կրթական և հետազոտական կենտրոնը ԵՊՀ ուսուցման գործընթացի կառավարման «e-learning» հարթակում ներդրել է կրթական գործիքներ համակարգչային գիտության և ճարտարագիտության ոլորտներում տեխնոլոգիական առարկաների ուսուցման համար։ Նշված կրթական գործիքները հատկապես կիրառելի են այն դասընթացների համար, որոնք ուսուցման գործընթացում օգտագործում են ծրագրավորման առաջադրանքներ և թեստեր:
«Սամիզդատ» գրականությունը և ազատ խոսքի ուժը․ դասախոսություն-քննարկում ԵՊՀ պատմության թանգարանում ԵՊՀ պրոֆեսոր Լյուդվիգ Ղարիբջանյանի անվան պատմության թանգարանում «Ժամանակներ, երբ խոսքն արժեք ու գին ուներ» խորագրով դասախոսությամբ հանդես եկավ լրագրող, բանաստեղծ, հասարակական գործիչ Տիգրան Պասկևիչյանը։ Միջոցառման նպատակն էր ներկայացնել 1960-1980-ական թթ․ ԽՍՀՄ-ում գաղտնի լույս տեսնող «սամիզդատ» գրականությունը։
Մշակութային կյանքը և ԵՊՀ ուսանողները ԵՊՀ Շառլ Ազնավուրի անվան մշակույթի կենտրոնը կարևոր դեր է կատարում համալսարանական համայնքում. կազմակերպում է տարբեր միջոցառումներ՝ համերգներ, ներկայացումներ, ցուցահանդեսներ, բանավեճեր, վարպետության դասեր՝ նպաստելով ուսանողների ստեղծագործական մտքի զարգացմանը և հմտությունների ընդլայնմանը։ Մշակույթի կենտրոնը նաև մշակութային երկխոսության կարևոր հարթակ է, որտեղ ուսանողները հնարավորություն ունեն ծանոթանալու տարբեր երկրների մշակույթներին և փոխանակելու գաղափարներ։
Արժևորելով Պարույր Սևակի գրական ժառանգությունը․ ԵՊՀ-ում անցկացվեց հոբելյանական գիտաժողով ԵՊՀ հայ բանասիրության ֆակուլտետում անցկացվեց հայ մեծանուն գրող Պարույր Սևակի ծննդյան 100-ամյակին նվիրված հանրապետական գիտաժողովը, որի նպատակն էր ներկայացնել Պարույր Սևակի գրական հարուստ ժառանգությունը, ինչպես նաև ընդգծել նրա ներդրումը մշակութային կյանքում։
Էթիկայի և հանրային քաղաքականության արդի հիմնախնդիրները դասընթացի առանցքում Բելգիայի Լյուվենի կաթոլիկ համալսարանի (ֆրանկոֆոն) և ԵՊՀ-ի միջև համագործակցությունն արձանագրեց հերթական արդյունքը։ «Էրազմուս+» դասախոսների շարժունության ծրագրի շրջանակում Փիլիսոփայության և հոգեբանության ֆակուլտետում Լյուվենի կաթոլիկ համալսարանի հետազոտող, պրոֆեսոր Ֆաուստո Կոռվինոն և ԵՊՀ սոցիալական փիլիսոփայության, բարոյագիտության և գեղագիտության ամբիոնի դոցենտ Լևոն Բաբաջանյանն անցկացրին համատեղ դասընթաց՝ նվիրված հանրային քաղաքականության մշակման բարոյագիտական խնդիրներին ու մեթոդաբանությանը։
Գերմաներենի դերը բազմալեզու աշխարհում. համաժողով ԵՊՀ-ում Երևանի պետական համալսարանում անցկացվեց «Գլոբալ բազմալեզվություն. գերմաներենի դերը միջմշակութային համատեքստում» խորագրով երկօրյա համաժողով։ Այն նպատակ ուներ ներկայացնելու գերմաներենի դերը ժամանակակից փոփոխվող աշխարհում, ինչպես նաև ստեղծելու մասնագիտական համայնք, որը կաջակցի ուսուցիչներին և լեզվաբաններին՝ մշակելու նորարարական լուծումներ ու ռազմավարություններ՝ համապատասխան գերմաներենի ուսուցման ժամանակակից պահանջներին։
